Ta je huliwa 28
28
1KE ohmun e mödrut me öhmun e wâhmakhmetoâ a Melita ien bomene. 2Ke gan hmâ hnen ta je wanaithila hna betenge gahmun: anyin adre me hû hlögu-hmun, me köp öhmun hia, anyin ae hu we me megic. 3Ke haba Paulo ame thigö me ip hon meic, me ame silöu but vaipa anyin ame long kahwa, me ame kece ka hnyi hnyamen. 4Ke haba je wanaithila adre me wâ on ame him hnyi hnyamen, me adre me ûhaköuâ, ka habe, At ûhlingö at eang, wale a möt ut ûheny eû hnyi köiö, ke a ca hna e hnen Wisa he ka hnyi möt. 5Ke e ame nyikâ degecâ on ka hnyi meic, ke ba bi ûnyi ae kong a o kâu. 6Ke adre me halubahingen ame he ka khibi unyin, ame ne he ka ie û but me mokcu: ke beû hnö-dra hna lubahingen, ke adre me wâ ae ba ûnyi ae kong ame o kâu, me adre me wia je ûnykûmenödra a e ke khong.
7Ke e hakekeny eling je hnyaban tuhan bomene, Popilio ien; e ame hum öhmun ka hnyi hnyaban, me betenge gan hmâ gahmun hnyi kun ta bong. 8Ke haba kamö Popilio ame moko kahwa me kongo dra: ke haba Paulo ame didro kâu, me hic, me ip li hnyamen hon e, me osoâ e. 9Ke ame um dö e haba keihen ame takû ödra mok hnyi bomene, adre me o but, me e ame osoi ödra: 10ke adre me ogânʼ öhmun ge ta je ûnyi ae so ae se hia; ke hnyi ûen öhmun e he but ka hnehne, adre me ham köhmun ta je ûnyi ae ûcû.
11Ke hwaban kun ta tehi öhmun e kec hon ke hu Alesanedria, waleji a ikhölö hnyi bomene hnyi ûen weneû, haba haten hu e, me Lihûnye. 12Ke öhmun e khop dö hnyi Surakusa, me laba eling hnyi kun ta bong. 13Ke ûhehmun e, öhmun e sisiki me khop dö hnyi Regio: ke khaca bong eling, me ame si thö hwaiöu, ke hnyi bong a loiny öhmun e khop dö hnyi Potioli: 14ke öhmun e wâ eling je liamekeiny, tavat adre me khöû köhmun he ka laba unyidra hnyi seven je bong: me öhmun e o but hnyi Roma. 15Ke e khana je liamekeiny eling öhmun, me adre me he but ke ne o but hnyi hna ûcû anyin Apio, me Kun ta Uma Menâ, he ka ûkhanö mʼ öhmun: ke haba Paulo ame ō ʼdrin me e ame ole ka Khong, me hwege hnyekon.
16Ke öhmun e o but hnyi Roma, adre me hnö Paulo he ka hake laba, ke hu soja ame tuö.
17Ke hwaban kun ta bong, e ame ûkhacaköuâ je at hnathuiny at Juda: ke adre me ûkhacaköu thö, me e ame ha, ka habe, je liamekeiny lö, e ba monu oge ânyâ ka tavat, me ka hnyi hwakecin lakamöta, ke adre me hnö nya me cö nya ûhek Jerusalema ka hnyi hnyamen at Roma: 18ke adre hia but hnei nya, adre me ûnykûme he ka hnö nya, anyin ae ba can gak he ka mok. 19Ke adre me ba degecâ at Juda, wale me inye hongot dö kö Kaisara; ca anyin ae hu monu oge me he ka khûâ gan ik hnyei. 20Can e oge me hawʼ öbun he ka iouny me ûhnenamö mönya: anyin a can gejon anyin at Isaraela adre me cö nya ge tö fao eang. 21Me adre me ha, ka habe, Öhmun e ca kap je tusi gam ûnyi ge at Juda, ke ba minya ke at ge je liamekeiny ame o me haimemenâ me ha ke monu gam. 22Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.
23Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac. 24Haba keihen adre me kap hofuc e ame ba, kʼ ame ca kap bi keihen. 25Ke adre me ca tha hnyok bi, me adre me vese thö, hwaban hna ha ga Paulo hofuc a khaca, ka habe, E so hna ha hnen Hanu Kap a deny perofeta Isaia ka lakamöbun, haingen, ka habe,
26He thö ka hnyi hnyei ang me ha, ka habe,
Öbun e he bala ka long, kʼ öbun e ca he bala ka wâhmakhmetoâ;
Ke öbun e he bala ka wâ, kʼ öbun e ca he bala ka wâ ûnykûme:
27Anyin ae pipikhenya but hnyekon tavat ang,
Ke hmak je hnyikönyödra he ka long,
Ke mook ji emaködra;
Wâ adre nye wâ ge je emaködra,
Me long ge je hnyikönyödra,
Me wâ ûnykûme ge je hnyekudra,
Me hmetuhmetu but,
Ke wâ oge nye he ka omeli ödra.
28Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.
30Ke lo li huna ae bekhöt e ame laba hnyi umen uma a ka bi hwaban, kʼ ame kap tavat hia adre me didro kâu, 31kʼ ame khetâ dokhu dokhon Khong, me ûnö ta je ûnyi ga Iesu Keriso hnen tang hwege, ke ba at ame thawâ.
Valið núna:
Ta je huliwa 28: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 28
28
1KE ohmun e mödrut me öhmun e wâhmakhmetoâ a Melita ien bomene. 2Ke gan hmâ hnen ta je wanaithila hna betenge gahmun: anyin adre me hû hlögu-hmun, me köp öhmun hia, anyin ae hu we me megic. 3Ke haba Paulo ame thigö me ip hon meic, me ame silöu but vaipa anyin ame long kahwa, me ame kece ka hnyi hnyamen. 4Ke haba je wanaithila adre me wâ on ame him hnyi hnyamen, me adre me ûhaköuâ, ka habe, At ûhlingö at eang, wale a möt ut ûheny eû hnyi köiö, ke a ca hna e hnen Wisa he ka hnyi möt. 5Ke e ame nyikâ degecâ on ka hnyi meic, ke ba bi ûnyi ae kong a o kâu. 6Ke adre me halubahingen ame he ka khibi unyin, ame ne he ka ie û but me mokcu: ke beû hnö-dra hna lubahingen, ke adre me wâ ae ba ûnyi ae kong ame o kâu, me adre me wia je ûnykûmenödra a e ke khong.
7Ke e hakekeny eling je hnyaban tuhan bomene, Popilio ien; e ame hum öhmun ka hnyi hnyaban, me betenge gan hmâ gahmun hnyi kun ta bong. 8Ke haba kamö Popilio ame moko kahwa me kongo dra: ke haba Paulo ame didro kâu, me hic, me ip li hnyamen hon e, me osoâ e. 9Ke ame um dö e haba keihen ame takû ödra mok hnyi bomene, adre me o but, me e ame osoi ödra: 10ke adre me ogânʼ öhmun ge ta je ûnyi ae so ae se hia; ke hnyi ûen öhmun e he but ka hnehne, adre me ham köhmun ta je ûnyi ae ûcû.
11Ke hwaban kun ta tehi öhmun e kec hon ke hu Alesanedria, waleji a ikhölö hnyi bomene hnyi ûen weneû, haba haten hu e, me Lihûnye. 12Ke öhmun e khop dö hnyi Surakusa, me laba eling hnyi kun ta bong. 13Ke ûhehmun e, öhmun e sisiki me khop dö hnyi Regio: ke khaca bong eling, me ame si thö hwaiöu, ke hnyi bong a loiny öhmun e khop dö hnyi Potioli: 14ke öhmun e wâ eling je liamekeiny, tavat adre me khöû köhmun he ka laba unyidra hnyi seven je bong: me öhmun e o but hnyi Roma. 15Ke e khana je liamekeiny eling öhmun, me adre me he but ke ne o but hnyi hna ûcû anyin Apio, me Kun ta Uma Menâ, he ka ûkhanö mʼ öhmun: ke haba Paulo ame ō ʼdrin me e ame ole ka Khong, me hwege hnyekon.
16Ke öhmun e o but hnyi Roma, adre me hnö Paulo he ka hake laba, ke hu soja ame tuö.
17Ke hwaban kun ta bong, e ame ûkhacaköuâ je at hnathuiny at Juda: ke adre me ûkhacaköu thö, me e ame ha, ka habe, je liamekeiny lö, e ba monu oge ânyâ ka tavat, me ka hnyi hwakecin lakamöta, ke adre me hnö nya me cö nya ûhek Jerusalema ka hnyi hnyamen at Roma: 18ke adre hia but hnei nya, adre me ûnykûme he ka hnö nya, anyin ae ba can gak he ka mok. 19Ke adre me ba degecâ at Juda, wale me inye hongot dö kö Kaisara; ca anyin ae hu monu oge me he ka khûâ gan ik hnyei. 20Can e oge me hawʼ öbun he ka iouny me ûhnenamö mönya: anyin a can gejon anyin at Isaraela adre me cö nya ge tö fao eang. 21Me adre me ha, ka habe, Öhmun e ca kap je tusi gam ûnyi ge at Juda, ke ba minya ke at ge je liamekeiny ame o me haimemenâ me ha ke monu gam. 22Ke e wehmun he ka long gam ûnykûmenâm: anyin ae khanʼ ohmun a gʼ adre me haikongoâ hnyi je dok hia hmi ang.
23Ke adre me thu bong hobi kâu, me ödrin se hia adre me o kâu hnyi hnen hna laba; ke e ame khetâ hofuc, me ohnathoâ ködra dokhu dokhon Khong, me ûjongi ödra ga Iesu, ûnyi hnyi hnanyibu anyi Mose me ta je perofeta, hwân hnyi hnyomakatu ke ne o but sahac. 24Haba keihen adre me kap hofuc e ame ba, kʼ ame ca kap bi keihen. 25Ke adre me ca tha hnyok bi, me adre me vese thö, hwaban hna ha ga Paulo hofuc a khaca, ka habe, E so hna ha hnen Hanu Kap a deny perofeta Isaia ka lakamöbun, haingen, ka habe,
26He thö ka hnyi hnyei ang me ha, ka habe,
Öbun e he bala ka long, kʼ öbun e ca he bala ka wâhmakhmetoâ;
Ke öbun e he bala ka wâ, kʼ öbun e ca he bala ka wâ ûnykûme:
27Anyin ae pipikhenya but hnyekon tavat ang,
Ke hmak je hnyikönyödra he ka long,
Ke mook ji emaködra;
Wâ adre nye wâ ge je emaködra,
Me long ge je hnyikönyödra,
Me wâ ûnykûme ge je hnyekudra,
Me hmetuhmetu but,
Ke wâ oge nye he ka omeli ödra.
28Anyin a wale, wâhmakhmeto ju Öbun, a gʼ adre hia but kunâ ûhomeli eang anyin Khong ka Aten ta je hnyei: me adre me he minya ka long.
30Ke lo li huna ae bekhöt e ame laba hnyi umen uma a ka bi hwaban, kʼ ame kap tavat hia adre me didro kâu, 31kʼ ame khetâ dokhu dokhon Khong, me ûnö ta je ûnyi ga Iesu Keriso hnen tang hwege, ke ba at ame thawâ.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society