Ta je huliwa 27
27
1KE mou thö a ohmun e he ka kec Italia ai, me adre me hnö Paulo me keihen tavat adre me cʼ ödra ka keneturioiny döiny vat anyi Auguso, jia Julio. 2Me ohmun e ölö ka hnyi hon hu Adamutiu, wale ame he ka kec ka hnyi je taun hnyi hobatköiöiny Asia, me ohmun e kec ut, tha ohmun me Aritako at Makedonia, ûheny Thesalonika. 3Ke nyi ohmun e khûö un hnyi Sidona; ke so hwakeci Julio kö Paulo, me e ame hna e he ka he but ka je lahanen he ka kap ibetengiö. 4Ke ohmun e hia but vhik un, me ohmun e kec hmelen Kupero anyin ae kong ang. 5Ke ohmun e hia but kâcâ köiö cicö Silikia me Pamafulia, me ohmun e khop dö hnyi Mura hnyi Lukia. 6Haba keneturio ame wâ eling hu Alesanedia ame he ka kec Italia ai; me e ame ip ohmun hon. 7Ke se hia je bong ohmun e bec kec, ke gan hmâ anyihmun huliwa he ka hakekenyâ Nido, anyin ae kong ang, me ohmun e kec hmelen Kerete, cicö Salamone; 8ke gan hmâ huliwa he ka hau but gan, me ohmun e o ka hnyi ke dok adre hwenyi ien Wasaû ae Hmanenang; ke e hakekeny eling taun Lasea.
9Ke hwaban je bong ae se hia, ke a o thö walang ûen ae kong he ka kec hnyin, anyin a um dö ûen adre ânyâ ca han, haba Paulo ame khöû ködrin, 10haingen, ka habe, je than lö, inya oge me ûnykûme ame he ka gan kong hnyi kec ang me ûohia, ca ka hnyi hna hauda me hu thibi, ke ka hnyi anyita minya bi möt. 11Ke haba keneturio ame long ka tuhan hu me at a hon hu, kʼ ame ca long bi hna ha hnö Paulo. 12Ke anyin ae kong wasaû he ka ikhölö hnyin hnyi ûen weneû, me ame ha tavat ae se gadrin ae so he ka kec ûhedra e, ame ne khanʼ ödra he ka khop hnyi Foinike me ikhölö hnyi ûen weneû; wale ke wasaû hnyi Kerete, cicö hwaiöu ke e jio, me hwadro ke e jio. 13Ke e so but ang a hwaiöu, me adre me ûnykûme he ka ohwâdâ ûnykûmenödra, me adre me vhik un dö, me kec cicö Kerete ke hakekeny hot. 14Ke ca bec bi hwaban e, me ame o but ang ae hwege hmonyin Eurakudo ien: 15me ame oûang hu, ke ca khana he ka hnyimakan ka hnyi ang, me ohmun e hna but e he ka oûang. 16Ke ohmun e kec hmelen ke ong bomene Kalauda ien, ke gan hmâ anyihmun huliwa he ka ohmâ bot: 17ke adre hia but lelo thö e goranyai, me adre me hom je ûnyi hnân ûhadruo, me wâdrâ; ke adre me ot, wâ e nye sa thö hnyi Sertis, me adre me hnahna je omjehen, me oûang ut hu. 18Ke ame kap hnahna hmönyini ohmun weneû, me nyi adre me hwân he ka degec ut hna hauda: 19ke hnyi bong a kuniny adre me degec hia ge je hnyam je omjehen hu. 20Ke se hia je bong ame ca manen hnyin seûno me ta je okhû, ke gan bala weneû kohmun, me ame hia but hnöhmun hna geju ka hnyi möt. 21Ke e beû hmâ ûen adre ca han hnyin, haba Paulo ame tot hnyi wanbödra, me ha, ka habe, je than lö, öbun e ne long könya ehac, me ca kec ûheny Kerete, me ame ca he bi ka o kong ang me hna ohia ta je ûnyi. 22Ke walang ang oge me khöû köbun, e so öbun e hwege ju, anyin ame ca he bi ka hia melen ke at gabun, ke hake hu thibi. 23Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu, 24ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu. 25Anyin a wale, je than lö, hwege thʼ öbun, inya oge me gejon ka Khong, a gʼ ame he ka e bala hnen hna ha könya. 26Ke so bi adre me he ka digic öta ka hnyi ke bomene.
27Ke ame o but lit a fortininy, me ohmun e oûang hnyi köiö Aderia, ke hakekeny jut wanbenset haba aten hu ödrin e ûnykûme a ödrin hakekeny jut ka hnyi hnyei; 28me adre me tuluto ju, me wâ a twente je hna abâ: ke adre me tuluto hmetu eâu, me wâ a fiftin je hna abâ. 29Me adre me ot wâ e nye hmouca thö hu hnyi ke hme, me adre me khûâ but je un a vak hnyi obiny hu, me wedra hmonyin lany. 30Ke haba aten hu, me ödrin e hna but galu ka hnyi köiö, helâke adre me he ka khûâ ke je un hnyi homakan hu, ke adre me iyawö mʼ adre me he ka kec ûhedra hon hu, 31ke haba Paulo ame ha ka keneturio me ta je soja, ka habe, A ne ca laba hmâ hnyat e hon hu, me öbun e ca he ka möt. 32Me haba je soja adre me subâ toiny galu, me ame kolu but. 33Ke ame he but ka lany, haba Paulo ame ûjongi ödra hia he ka han, haingen, ka habe, Walang bong a fortininy öbun e lubahingen me ca han, ke ba bala ûnyi öbun e an. 34Anyin a wale oge me ûjongi öbun he ka han: anyin a hobi kâu anyibun möt: anyin ame ca he ka hia leûnen a khaca hnyi ban ke at gabun. 35E ame ha hofuc e, me hom areto, me oleâ ka Khong hnyi hnyimakodra hia: ke e ame susubâ, me hwân he ka han. 36Me adre me senyin hia, me adre me hnyi han minya. 37Haba ûseihmun hia hon hu, me tu haded ke sevente siks. 38Ame sekudra thö anyin han, me adre me ohâhâ hu, me degec hwit hnyi köiö ai. 39Ke a lany jut, me adre ʼ me ca wâhmakhmetoâ hnyei: ke adre me wâ ke hwâdâ dok ae hu öny hnyin, me adre me ûsabö he ka hna hu ka hnyin. 40Me adre me subâ degecâ but je un ka hnyi köiö, me thang ut je ohmâiny hna hogwi, me lau hûnyû ka hnyi ang, me kec ka hnyi öny. 41Ke adre me o but ka hnyi hna iouny hnen li wekhet, me ame laba thö hu; me ame hmâ ju homakan, ame ca ok hmetu bi, ke ame hmouca but obiny hu ge ta je waköiö ae gan. 42Me ame ha je soja ka haba e so he ka hlingâ tavat adre ca, wâ e nye he ka hai me kec dö ke at. 43Ke haba keneturio ame weny he ka omeli Paulo, waleling me me thawʼ ödrin ju; me hûna ka tavat ae khanʼ ödra hai, he ha utut ûheny hon hu, me bödra he ka hai hot ai: 44ke haba keihen minya, ödrin hon je esö, ke keihen hon je omjehen hu. Waleling me adre me möt hia thö hot.
Valið núna:
Ta je huliwa 27: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
Ta je huliwa 27
27
1KE mou thö a ohmun e he ka kec Italia ai, me adre me hnö Paulo me keihen tavat adre me cʼ ödra ka keneturioiny döiny vat anyi Auguso, jia Julio. 2Me ohmun e ölö ka hnyi hon hu Adamutiu, wale ame he ka kec ka hnyi je taun hnyi hobatköiöiny Asia, me ohmun e kec ut, tha ohmun me Aritako at Makedonia, ûheny Thesalonika. 3Ke nyi ohmun e khûö un hnyi Sidona; ke so hwakeci Julio kö Paulo, me e ame hna e he ka he but ka je lahanen he ka kap ibetengiö. 4Ke ohmun e hia but vhik un, me ohmun e kec hmelen Kupero anyin ae kong ang. 5Ke ohmun e hia but kâcâ köiö cicö Silikia me Pamafulia, me ohmun e khop dö hnyi Mura hnyi Lukia. 6Haba keneturio ame wâ eling hu Alesanedia ame he ka kec Italia ai; me e ame ip ohmun hon. 7Ke se hia je bong ohmun e bec kec, ke gan hmâ anyihmun huliwa he ka hakekenyâ Nido, anyin ae kong ang, me ohmun e kec hmelen Kerete, cicö Salamone; 8ke gan hmâ huliwa he ka hau but gan, me ohmun e o ka hnyi ke dok adre hwenyi ien Wasaû ae Hmanenang; ke e hakekeny eling taun Lasea.
9Ke hwaban je bong ae se hia, ke a o thö walang ûen ae kong he ka kec hnyin, anyin a um dö ûen adre ânyâ ca han, haba Paulo ame khöû ködrin, 10haingen, ka habe, je than lö, inya oge me ûnykûme ame he ka gan kong hnyi kec ang me ûohia, ca ka hnyi hna hauda me hu thibi, ke ka hnyi anyita minya bi möt. 11Ke haba keneturio ame long ka tuhan hu me at a hon hu, kʼ ame ca long bi hna ha hnö Paulo. 12Ke anyin ae kong wasaû he ka ikhölö hnyin hnyi ûen weneû, me ame ha tavat ae se gadrin ae so he ka kec ûhedra e, ame ne khanʼ ödra he ka khop hnyi Foinike me ikhölö hnyi ûen weneû; wale ke wasaû hnyi Kerete, cicö hwaiöu ke e jio, me hwadro ke e jio. 13Ke e so but ang a hwaiöu, me adre me ûnykûme he ka ohwâdâ ûnykûmenödra, me adre me vhik un dö, me kec cicö Kerete ke hakekeny hot. 14Ke ca bec bi hwaban e, me ame o but ang ae hwege hmonyin Eurakudo ien: 15me ame oûang hu, ke ca khana he ka hnyimakan ka hnyi ang, me ohmun e hna but e he ka oûang. 16Ke ohmun e kec hmelen ke ong bomene Kalauda ien, ke gan hmâ anyihmun huliwa he ka ohmâ bot: 17ke adre hia but lelo thö e goranyai, me adre me hom je ûnyi hnân ûhadruo, me wâdrâ; ke adre me ot, wâ e nye sa thö hnyi Sertis, me adre me hnahna je omjehen, me oûang ut hu. 18Ke ame kap hnahna hmönyini ohmun weneû, me nyi adre me hwân he ka degec ut hna hauda: 19ke hnyi bong a kuniny adre me degec hia ge je hnyam je omjehen hu. 20Ke se hia je bong ame ca manen hnyin seûno me ta je okhû, ke gan bala weneû kohmun, me ame hia but hnöhmun hna geju ka hnyi möt. 21Ke e beû hmâ ûen adre ca han hnyin, haba Paulo ame tot hnyi wanbödra, me ha, ka habe, je than lö, öbun e ne long könya ehac, me ca kec ûheny Kerete, me ame ca he bi ka o kong ang me hna ohia ta je ûnyi. 22Ke walang ang oge me khöû köbun, e so öbun e hwege ju, anyin ame ca he bi ka hia melen ke at gabun, ke hake hu thibi. 23Anyin a mwi unyik eja hnyinghet angela anyin Khong wale at oge me bi athnyabainy, ke oge me huliwa kâu, 24ame ha, ka habe, Paulo lö, ca ot bi; anyin a u me he bala ka tot hnyi hnyimakö Kaisara: ke wâ bi, a hia but Khong ham ödra hia köu, tavat adre me tha kec möu. 25Anyin a wale, je than lö, hwege thʼ öbun, inya oge me gejon ka Khong, a gʼ ame he ka e bala hnen hna ha könya. 26Ke so bi adre me he ka digic öta ka hnyi ke bomene.
27Ke ame o but lit a fortininy, me ohmun e oûang hnyi köiö Aderia, ke hakekeny jut wanbenset haba aten hu ödrin e ûnykûme a ödrin hakekeny jut ka hnyi hnyei; 28me adre me tuluto ju, me wâ a twente je hna abâ: ke adre me tuluto hmetu eâu, me wâ a fiftin je hna abâ. 29Me adre me ot wâ e nye hmouca thö hu hnyi ke hme, me adre me khûâ but je un a vak hnyi obiny hu, me wedra hmonyin lany. 30Ke haba aten hu, me ödrin e hna but galu ka hnyi köiö, helâke adre me he ka khûâ ke je un hnyi homakan hu, ke adre me iyawö mʼ adre me he ka kec ûhedra hon hu, 31ke haba Paulo ame ha ka keneturio me ta je soja, ka habe, A ne ca laba hmâ hnyat e hon hu, me öbun e ca he ka möt. 32Me haba je soja adre me subâ toiny galu, me ame kolu but. 33Ke ame he but ka lany, haba Paulo ame ûjongi ödra hia he ka han, haingen, ka habe, Walang bong a fortininy öbun e lubahingen me ca han, ke ba bala ûnyi öbun e an. 34Anyin a wale oge me ûjongi öbun he ka han: anyin a hobi kâu anyibun möt: anyin ame ca he ka hia leûnen a khaca hnyi ban ke at gabun. 35E ame ha hofuc e, me hom areto, me oleâ ka Khong hnyi hnyimakodra hia: ke e ame susubâ, me hwân he ka han. 36Me adre me senyin hia, me adre me hnyi han minya. 37Haba ûseihmun hia hon hu, me tu haded ke sevente siks. 38Ame sekudra thö anyin han, me adre me ohâhâ hu, me degec hwit hnyi köiö ai. 39Ke a lany jut, me adre ʼ me ca wâhmakhmetoâ hnyei: ke adre me wâ ke hwâdâ dok ae hu öny hnyin, me adre me ûsabö he ka hna hu ka hnyin. 40Me adre me subâ degecâ but je un ka hnyi köiö, me thang ut je ohmâiny hna hogwi, me lau hûnyû ka hnyi ang, me kec ka hnyi öny. 41Ke adre me o but ka hnyi hna iouny hnen li wekhet, me ame laba thö hu; me ame hmâ ju homakan, ame ca ok hmetu bi, ke ame hmouca but obiny hu ge ta je waköiö ae gan. 42Me ame ha je soja ka haba e so he ka hlingâ tavat adre ca, wâ e nye he ka hai me kec dö ke at. 43Ke haba keneturio ame weny he ka omeli Paulo, waleling me me thawʼ ödrin ju; me hûna ka tavat ae khanʼ ödra hai, he ha utut ûheny hon hu, me bödra he ka hai hot ai: 44ke haba keihen minya, ödrin hon je esö, ke keihen hon je omjehen hu. Waleling me adre me möt hia thö hot.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society