II. Korinito 3
3
1HAWA, öhmun e hwân hmetu he ka haisoi öhmun bi? ke hawa, e ûnyi hnathu kohmun je tusi helâ me keihen hnân haisoâ köbun, ame ne ûnyi gabun bi? 2Öbun ang anyihmun tusi, adre set hnyi je hnyekuhmun, adre wâhmakhmetoâ me aû hnen tavat hia; 3anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok. 4Ke e hu gahmun ûnykûme a helâe ka Khong a deny Keriso: 5ca ha bi a öhmun hake ûcû he ka ûnykûme ke ûnyi, me ka ûnyi gahmun bi; ke öhmun ûcû a ûnyi ge Khong; 6waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu. 7Ke a ne hmanenang he ka bi athnyabainy ûnyi adre me mekiny hnyin, waleji adre sihnalimen me kave hnyi veto, me me ca khana bi lakon Isaraela he ka wâ hmâ hnyimakö Mose anyin ae hmanenang hnyimakan; waleji a hmanenang ame he ka hia: 8hawa, ame ca he ka beönuâ hmanenanginy bi athnyabainy hanu? 9Anyin a ne hmanenang bi athnyabainy hnaûhango, awe, e ti hmanenangʼ gan hmâ he ka bi athnyabainy ka hwakecin ae wisa. 10Anyin a haba ûnyi waleji adre ohmanenangâ me helâke e ca hmaneng bi ge hmanenang ae beönua. 11Anyin a ne hmanenang ûnyi ame he ka hia, awe, e ti hmanenang gan hmâ ûnyi ame he ka tethmâ.
12Anyin a wale, öhmun e ha hwegiâ, anyin ae hu gahmun gejon a helâng, 13ke ca helâ me Mose, at ame tube hnyimakan, me me ca khana bi lakon Isaraela he ka wâ hmâ ka hnyi obiny ûnyi ame he ka hia: 14ke adre onâkâ je oûnykûmenödra: anyin a e bala bi ke ne o but hnyi bong ang adre ca hota but hna tube eling, hnyi ûen adre me aû ûhihinyköu adrem; waleji hna tube adre me ohia ûnyi hnyi Keriso. 15Ke so bi ae hu hna tube je hnyekudra ke ne o but hnyi bong ang, at ka aû Mose. 16Ke adre me hnyimakodra ka Than, me ame he ka hia but hna tube. 17Ke haba Than, me wale Hanu: ke haba dok ame laba hnyin Hanon Than, me adre me hna bâûâ at eling. 18Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.
Valið núna:
II. Korinito 3: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
II. Korinito 3
3
1HAWA, öhmun e hwân hmetu he ka haisoi öhmun bi? ke hawa, e ûnyi hnathu kohmun je tusi helâ me keihen hnân haisoâ köbun, ame ne ûnyi gabun bi? 2Öbun ang anyihmun tusi, adre set hnyi je hnyekuhmun, adre wâhmakhmetoâ me aû hnen tavat hia; 3anyin ae manen a öbun ang tusi anyin Keriso, öhmun e huliwan, adre ca set ge köiö sisit, ke hnen bi Hanon Khong ae möt; ke adre ca set hnyi je veto, ke so bi hnyi je viny hnyok. 4Ke e hu gahmun ûnykûme a helâe ka Khong a deny Keriso: 5ca ha bi a öhmun hake ûcû he ka ûnykûme ke ûnyi, me ka ûnyi gahmun bi; ke öhmun ûcû a ûnyi ge Khong; 6waleji at ame oûcû öhmun he ka bi athnyabainy ûhihinyköu a teb ûnyi; ca ge tusi, ke hanu bi: anyin a haba tusi, me at ûhlingö, ke at ûhomeli hanu. 7Ke a ne hmanenang he ka bi athnyabainy ûnyi adre me mekiny hnyin, waleji adre sihnalimen me kave hnyi veto, me me ca khana bi lakon Isaraela he ka wâ hmâ hnyimakö Mose anyin ae hmanenang hnyimakan; waleji a hmanenang ame he ka hia: 8hawa, ame ca he ka beönuâ hmanenanginy bi athnyabainy hanu? 9Anyin a ne hmanenang bi athnyabainy hnaûhango, awe, e ti hmanenangʼ gan hmâ he ka bi athnyabainy ka hwakecin ae wisa. 10Anyin a haba ûnyi waleji adre ohmanenangâ me helâke e ca hmaneng bi ge hmanenang ae beönua. 11Anyin a ne hmanenang ûnyi ame he ka hia, awe, e ti hmanenang gan hmâ ûnyi ame he ka tethmâ.
12Anyin a wale, öhmun e ha hwegiâ, anyin ae hu gahmun gejon a helâng, 13ke ca helâ me Mose, at ame tube hnyimakan, me me ca khana bi lakon Isaraela he ka wâ hmâ ka hnyi obiny ûnyi ame he ka hia: 14ke adre onâkâ je oûnykûmenödra: anyin a e bala bi ke ne o but hnyi bong ang adre ca hota but hna tube eling, hnyi ûen adre me aû ûhihinyköu adrem; waleji hna tube adre me ohia ûnyi hnyi Keriso. 15Ke so bi ae hu hna tube je hnyekudra ke ne o but hnyi bong ang, at ka aû Mose. 16Ke adre me hnyimakodra ka Than, me ame he ka hia but hna tube. 17Ke haba Than, me wale Hanu: ke haba dok ame laba hnyin Hanon Than, me adre me hna bâûâ at eling. 18Ke haba öta hia adre ca tubi hnyimaköta, kʼ ate me wâ hmanenanginy Than, helâke me hnyi uselat, me adre me wiʼ öta mʼ ate me we at a khaca ûnyi hnyi ke hmanenang ka hnyi ke hmanenang, helâke me ûnyi ge Than a Hanu.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society