II. Korinito 2
2
1KE oge me ohmâ eû hnyi hnyekuk, ka habe, oge me ca he hmetu ka o köbun me hnyok ae hmak. 2Anyin a oge ne he bi ka ohmakâ je hnyekubun, me ewa at ame he ka osenyini nya, ke so bi at thibi oge me ohmakâ? 3Ke oge me sihnalimen ûnyi eling, wâ e nye hmak hnyekuk ûnyi ge tavat ae ûcû he ka osenyini nya, iny ka o; ke oge me geju köbun hia thithö, a haba anyik sēnyin, me anyibun minya sēnyin hia. 4Anyin oge me set köbun hnyi vec ae gan hmâ, ke hmak hnyekuk, ke gan hmâ deköien li emakök; ca hnân oveci öbun, ke so bi me me he ka manen köbun anyik betenge ae gan hmâ köbun.
5A ne ohmakö nya hnen at, me e ame ca ohmakö nya a hake inya ke (wâ oge nye ti ohmakʼ öbun), ke so bi öbun hia thithö minya. 6E ûcû ka at e hna bi hwaban helâe hnen tavat ae se; 7waleling me me so köbun he ka nuâ anyin monu me okahwâ e, wâ e nye utâ but at helâe hnen anyin hlöuhlöu ae ti gan hmâ. 8Anyin a wale, inya oge me sumat öbun, he ka ohmâ anyibun betenge kâu. 9Anyin oge me sihnalimen minya can e, me me khanö nya thö haten gabun, hawa la, öbun e ne ûling hnyi ta je ûnyi hia. 10Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso; 11wâ e nye iyâûʼ öta Satana, anyin ae ca iyong köta anyin ta je bihihwakecin.
12Haba hnyi ûen eji oge me o hnyi Troas me ûthumetu ae so anyin Keriso, ke adre khong hwanuma könya ûnyi hnyi Than, 13me ame ca menâ bi hanuk, anyin oge me ca iouny me Tito liamekeiny mönya: ke oge me ûhûne mʼ ödra, me he but Makedonia ai. 14Ke ole ka Khong at ame odökhu öhmun bala ûnyi ge Keriso, kʼ ame omanenâ ûnyi gahmun bunen metâ gan hnyi ta je hnyei hia. 15Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango; 16haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang? 17Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.
Valið núna:
II. Korinito 2: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society
II. Korinito 2
2
1KE oge me ohmâ eû hnyi hnyekuk, ka habe, oge me ca he hmetu ka o köbun me hnyok ae hmak. 2Anyin a oge ne he bi ka ohmakâ je hnyekubun, me ewa at ame he ka osenyini nya, ke so bi at thibi oge me ohmakâ? 3Ke oge me sihnalimen ûnyi eling, wâ e nye hmak hnyekuk ûnyi ge tavat ae ûcû he ka osenyini nya, iny ka o; ke oge me geju köbun hia thithö, a haba anyik sēnyin, me anyibun minya sēnyin hia. 4Anyin oge me set köbun hnyi vec ae gan hmâ, ke hmak hnyekuk, ke gan hmâ deköien li emakök; ca hnân oveci öbun, ke so bi me me he ka manen köbun anyik betenge ae gan hmâ köbun.
5A ne ohmakö nya hnen at, me e ame ca ohmakö nya a hake inya ke (wâ oge nye ti ohmakʼ öbun), ke so bi öbun hia thithö minya. 6E ûcû ka at e hna bi hwaban helâe hnen tavat ae se; 7waleling me me so köbun he ka nuâ anyin monu me okahwâ e, wâ e nye utâ but at helâe hnen anyin hlöuhlöu ae ti gan hmâ. 8Anyin a wale, inya oge me sumat öbun, he ka ohmâ anyibun betenge kâu. 9Anyin oge me sihnalimen minya can e, me me khanö nya thö haten gabun, hawa la, öbun e ne ûling hnyi ta je ûnyi hia. 10Anyin a haba at öbun e onuâ anyin monu, me oge me he bi nya ka önuâ: anyin a haba ûnyi oge hia but onuâ, a ne hu hnok hna önuâ, me oge me ânyâ ûnyi gabun hnyi hnyimakan Keriso; 11wâ e nye iyâûʼ öta Satana, anyin ae ca iyong köta anyin ta je bihihwakecin.
12Haba hnyi ûen eji oge me o hnyi Troas me ûthumetu ae so anyin Keriso, ke adre khong hwanuma könya ûnyi hnyi Than, 13me ame ca menâ bi hanuk, anyin oge me ca iouny me Tito liamekeiny mönya: ke oge me ûhûne mʼ ödra, me he but Makedonia ai. 14Ke ole ka Khong at ame odökhu öhmun bala ûnyi ge Keriso, kʼ ame omanenâ ûnyi gahmun bunen metâ gan hnyi ta je hnyei hia. 15Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango; 16haba öhmun me bunen mok ka keihen tavat adre me he ka hnyi mok; ke öhmun bunen möt ka keihen tavat adre me he ka hnyi möt. Ke ie at ae ûcû ka hnyi ta je ûnyi eang? 17Anyin a öhmun ca tha ûcû me tavat ae se hia adre omono hofuc hwan Khong: ke so bi hoton hnathu, me ûnyi ge Khong, me hnyi hnyimakan Khong, öhmun e fuc anyin Keriso.
Valið núna:
:
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society