I. Korinito 5
5
1AME lung a öbun e bi ûnyi monu, ke ba bi ûnyi monu ae kong helâe unyin Aten ta je hnyei, wale a gʼ ame he at ka hom âiân kamen. 2Ke öbun e bi gan, kʼ öbun e ca hlöuhlöu bi, mʼ adre me he ka obâ but ûnyi gabun at ame ânyâ ûnyi eling. 3Haba inya oge me ca laba unyibun, ke e unyibun hnyekuk, me oge hia but thamuâ kâu at ame ânyâ ûnyi e, helâke me ka inya e, 4kʼ öbun ka ûkhacaköu, a tha öbun me hnyekuk, me man maniny Tuhöta Iesu, hnyi ien Tuhöta Iesu, 5he ka hna but e ko Satana, me me ohia unyin, me me möt hanon bi hnyi bong bongon Than Iesu. 6E ca so anyibun hobeluâ. Hawa e ca khanʼ öbun a gʼ adre olevenâ tap falawa ae gan hnen leven ae ûhnyûkong? 7Degec ut leven adrem, mʼ öbun e tap falawa ae teb ûnyi, helâke adre me ca leveni öbun. Anyin adre hia but hlingâ anyita paseka, wale Keriso: 8anyin a wale, e so ate me he ka tuö bijeû, ca hnen leven adrem, ke ca hnen leveniny hnyok ae kong me hwakecin ae kong, ke so bi hnen areto adre ca levenâ bi wale hnyok ae wisa me hnathu.
9Oge hia but sit köbun hnyi anyik tusi, ka habe, ca tha he öbun me tavat bi ûnyi monu; 10oge me ca ha, ge tavat bi ûnyi monu eang hmeledrany, me tavat behnyekon, me tavat hûgûnö omjeû, me tavat adre me hmi ka hnatheat; anyin a ne helâe, me hamöbun he ka he but ûhebun ang hmeledrany: 11ke walang ang inya oge me sit köbun, ka habe, öbun e ca he ka tha he me at adre hâiâ, ka habe, liamakeiny, ke e at bi ûnyi monu bi, ame ne at behnyekon, ame ne at a hmi ka hnatheat, ame ne at ae hwege hnyimen, ame ne at ic monu, ame ne at hûgûnö omjeû; ke ca tha han me at a helâe. 12Hnân eû könya he ka owisa tavat eû hnyöu? Hawa öbun e ca owisa tavat adre me laba eû hnyin, 13ke Khong ame owisa tavat adre me laba eû hnyöu? Obâ but unyibun at ae kong.
Valið núna:
I. Korinito 5: IAAI
Áherslumerki
Deildu
Afrita
Want to have your highlights saved across all your devices? Sign up or sign in
maintained by the British and Foreign Bible Society