مَتَّ 22
22
بَلْندِ دٛوْ ࢡَنغَلْ
(لُکَ 14:15-24)
1کَدِبٛو عِيسَى وَطَنِ ࢡٜبَلْنْدِ، وِعِ ࢡٜ: 2«لَامُ عَسَمَنْجِ نَنْدِ بٜى لَامِيطٛ مٛ وَطِ جُولْدٜ ࢡَنغَلْ ࢡِيُمْ؞ 3عٛنٜلِ سُکَعٜنْ مَاکٛ حَا عٜوْنَاࢡٜ حَا ࢩَامْدُ جُولْدٜ مَنْ، عَمَّا ࢡٜشَلِ وَرْغٛ؞ 4ڢَحِنْ عٛنٜلِ سُکَعٜنْ ڢٜىٰرٜ بٜى عُمْرٛورٜ بَنَ نِعِ: مبِعٜ عٜوْنَاࢡٜ: غَعِ عَمْ عٜ ࢩَلْبِ عَمْ ݠَيْطِ کِرْسَامَ، ࢩَامْدُ دٜڢَامَ جٛنْتَ، کُوجٜ ڢُو تَاسْکِتِنَامَ، نغَرٜ حَا جُولْدٜ ࢡَنغَلْ؞ 5عَمَّا عٜوْنَاࢡٜ کَکِّلَنَايْ طُمْ، ࢡٜندِلِّ: غٛطّٛ حَا نغٜسَ مُوطُمْ، غٛطّٛ بٛو حَا ڢِلُ مُوطُمْ، 6لُتُّࢡٜ نَنغِ سُکَعٜنْ لَامِيطٛ غٛ، ࢡٜتٛرِّ ࢡٜ، ࢡٜمبَرِ ࢡٜ؞ 7لَامِيطٛ ࢡٜرْنِ، نٜلِ سٛوجٜعٜنْ مُوطُمْ، ࢡٜمبَرِ مبَرٛوࢡٜ کٛعٜ ࢡٜعٜ، ࢡٜنغُلِ وُرٛ مَࢡّٜ بٛو؞ 8ندٜنْ عٛوِعِ سُکَعٜنْ مَاکٛ: ࢩَامْدُ جُولْدٜ ࢡَنغَلْ دٜڢَامَ، عَمَّا عٜوْنَاࢡٜ کٜعَايْ وَرْغٛ؞ 9نغَمْ مَاجُمْ نجٜحٜ حَا کَوْتِرْطٜ لَابِ ڢُو، عٜوْنٜ مٛ تَوْطٛنْ ڢُو حَا جُولْدٜ ࢡَنغَلْ؞ 10سُکَاࢡٜ غٛ نجٜحِ حَا لَابِ، ࢡٜتَوِ حَلُّࢡٜ عٜ وٛوطْࢡٜ ڢُو، ࢡٜمٛوࢡْتِ ࢡٜ؞ سُودُ ࢡَنغَلْ حٜىٰوِ عٜوْنَاࢡٜ؞
11«لَامِيطٛ نَسْتِ نغَمْ لَارُغٛ عٜوْنَاࢡٜ؞ تٛنْ عٛيِعِ غٛطّٛ، مٛ ࢡٛرْنَاکِ لِمْشٜ ࢡَنغَلْ؞ 12عٛوِعِمٛ: سٛوبَاجٛ عَمْ، نٛيْ عَنَسْتِرِ حَا طٛ بِلَا تٛغّٛورٜ ࢡَنغَلْ؟ عٛوَاوَايْ جَابَاغٛ مٛ سَمْ؞ 13ندٜنْ لَامِيطٛ وِعِ جَغِّيࢡٜ مُوطُمْ: کَࢡّٜ کٛسْطٜ مَاکٛ عٜ جُوطٜ مَاکٛ، نغُدِنٜ مٛ يَاسِ ندٜرْ ࢩِࢡْرٜ، عٛوٛيَ، عٛحِرْࢨِنْدِرَ ࢩِيعٜ تٛنْ#مَتَّ 8:12؛ 25:30؛ لُکَ 13:28؞؞» 14نغَمْ وٛودِ عٜوْنَاࢡٜ طُوطْࢡٜ، عَمَّا سُࢡَاࢡٜ کَمْ طُوطَايْ؞
جٛمٛرْغٛلْ نغَمْ لَامِيطٛ
(مَرْکُسْ 12:13-17؛ لُکَ 20:20-26)
15ندٜنْ ڢَرِسَعٜنْ نجٜحِ، مبَطِ سَوَرِ نغَمْ نَنغُغٛ عِيسَى ندٜرْ بٛلّٜ مُوطُمْ ندٜرْ تُوڢٛرْغٛلْ؞ 16ࢡٜنٜلِ ݠُکَرَعٜنْ مَࢡّٜ بٜى يِمْࢡٜ حِرُدُسْ حَا عِيسَى، ࢡٜمبِعِمٛ: «مٛودِبّٛ، مِنْ عَنْدِ وَلَا کٛ يَالُ مَ بٜى غٛطّٛ، عَسٜنْدِندِرْتَا يِمْࢡٜ، عَطٛنْ عَنْدِنَ لَاوٛلْ اَللَّه بٜى غٛونغَ؞ 17وِعْ مِنْ کٛ عَنُمَتَ: طُمْ کَاندُطُمْ حٛکُّغٛ لَامِيطٛ رٛمَ جٛمٛرْغٛلْ نَ مَلَّ نَا نٛنْ؟» 18عَمَّا عِيسَى عَنْدِ نُمٛ مَࢡّٜ حَلُّنغٛ، عٛوِعِ ࢡٜ: «حٜيْ عٛنٛنْ نَاڢِکِعٜنْ، کٛنِ عٛنْ تُوڢَنِ يَمْ تُوڢٛرْغٛلْ؟ 19کٛلّٜىٰطَمْ شٜىٰدٜ طٜ ࢡٜنجٛࢡْرَتَ جٛمٛرْغٛلْ؞» ࢡٜنغَدَّنِمٛ سُلٜيْرٜ؞ 20ندٜنْ عِيسَى ࢨَمِ ࢡٜ: «سُورَ عٜ عِنْدٜ مٛيْ طٛ؟» 21ࢡٜمبِعِمٛ: «کَيْسَرَ، لَامِيطٛ رٛمَ جٜيِ؞» عِيسَى وِعِ ࢡٜ: «ندٜنْ کَمْ نجٛࢡٜ کَيْسَرَ کٛ حَانَنِمٛ، ندٛکّٜ اَللَّه بٛو کٛ حَانَنِ اَللَّه؞»
22ندٜ ࢡٜنَنِ جَاوَابُ مَنْ، ࢡٜکَيْطِنِ، ࢡٜندِلِّ، ࢡٜعَشِّمٛ؞
ࢨَمٛلْ دٛوْ عُمِّتِنٜىٰکِ مَايْࢡٜ
(مَرْکُسْ 12:18-27؛ لُکَ 20:27-40)
23ࢩَلَادٜ مَنْ سَدُکِعٜنْ، وِعَنْࢡٜ مَايْࢡٜ عُمِّتِتَّاکٛ، نغَرِ حَا عِيسَى؞ ࢡٜࢨَمِمٛ#کُوطٜ نٜلَاࢡٜ 23:8؞: 24«مٛودِبّٛ، مُوسَى وِعِ: تٛ غٛطّٛ مَايِ، وَلَا ࢡِکّٛيْ، سٜيْ دٜىٰرْطِيکٛ تٜعَ دٜبّٛ مَاکٛ نغَمْ حَا عٛحٜࢡَنَ مَايْطٛ ࢡِکّٛيْ#تٛوکْتَاکِ تَوْرٜىٰتَ 25:5؞؞ 25وٛودِنٛ حَا عَمِنْ دٜىٰرْطِرَاࢡٜ نجٛوٜىٰطِطٛ؞ عَرَنٛ تٜعِ دٜبّٛ، مَايِ، حٜࢡَايْ ࢡِکّٛيْ؞ بَنَ نِي عٛعَشَّنِ دٜىٰرْطِيکٛ دٜبّٛ مَاکٛ؞ 26طُمْ لَاتِ بَنَ نٛنْ دٛوْ طِطَࢡٛ، دٛوْ تَتَࢡٛ حَا يٛتِّ جٛوٜىٰطِطَࢡٛ؞ 27ࢡَاوٛ مَࢡّٜ ڢُو، دٜبّٛ بٛو مَايِ؞ 28ࢩَنْدٜ عُمِّتِنٜىٰکِ مَايْࢡٜ کَمْ، دٜبّٛ عٛو لَاتَنْتٛ مٛيْ شَکَ مَࢡّٜ؟ ندٜ نِي ࢡٜ ڢُو ࢡٜتٜعِنٛ مٛ؞»
29عَمَّا عِيسَى جَابِ ࢡٜ: «عٛنْ طٛنْ مبٛوڢَ مَسِنْ! نغَمْ عٛنْ عَنْدَا کٛ وِنْدَ ندٜرْ دٜڢْتٜ شٜنِيطٜ، عٛنْ عَنْدَا بَاوْطٜ اَللَّه بٛو؞ 30تٛ مَايْࢡٜ عُمِّتَکٜ، وَلَا تٜىٰغَلْ ڢَحِنْ، عَمَّا ࢡٜلَاتٛتٛ بَنَ مَلَاعِکَعٜنْ حَا عَسَمَ؞ 31عٛنْ نجَنغَايْ کٛ اَللَّه وٛلْوَنِ عٛنْ دٛوْ عُمِّتِنٜىٰکِ مَايْࢡٜ نَ؟ عٛوِعِ: 32مِنْ وٛنِ اَللَّه إِبْرَاهِيمَ عٜ اَللَّه إِسْحَاقَ عٜ اَللَّه يَعْقُوبُ؞ مِ اَللَّه يٜىٰطْࢡٜ نَا مٛ مَايْࢡٜ#غُرْتَاکِ 3:6؞!»
33عٜکِّتِنٛلْ مَاکٛ حَيْطِنِ مٛوࢡٜ نَنْطٜ مٛ ڢُو؞
عُمْرٛورٜ ࢡُرْندٜ مَوْنُغٛ
(مَرْکُسْ 12:28-34؛ لُکَ 10:25-28)
34ندٜ ڢَرِسَعٜنْ نَنِ نٛ عِيسَى جٜعِّنِرِ سَدُکِعٜنْ، ࢡٜمٛوࢡْتٛتِرِ؞ 35غٛوتٛ مَࢡّٜ، مٛودِبّٛ تَوْرٜىٰتَ وَطَنِ عِيسَى ࢨَمٛلْ نغٛعٛلْ نغَمْ جَرِّبَاغٛ مٛ: 36«مٛودِبّٛ، عُمْرٛورٜ ندٜيٜ ࢡُرِ مَوْنُغٛ حَا تَوْرٜىٰتَ؟» 37عِيسَى جَابِمٛ: «يِطْ جَوْمِرَاوٛ، اَللَّه مَاطَ بٜى ࢡٜرْندٜ مَ ڢُو، بٜى يٛنغْکِ مَ ڢُو عٜ بٜى حَکِّيلٛ مَ ڢُو#تٛوکْتَاکِ تَوْرٜىٰتَ 6:5؞؞ 38کَيْرٜ وٛنِ عُمْرٛورٜ مَوْندٜ عٜ عَرَنْدٜ؞ 39ندَا طِطَوْرٜ نَنْدُندٜ بٜى مَارٜ: يِطْ کٜىٰدِّطِّرَاوٛ مَاطَ بَنَ نٛ عَيِطِرِ حٛورٜ مَ#ڢَرِلَّاجِ لٜوِعٜنْ 19:18؞؞ 40تَوْرٜىٰتَ مُوسَى عٜ کٛ اَلنَّبِعٜنْ نغَازِنِ ڢُو طٛنْ ندَرِ دٛوْ عُمْرٛوجٜ طِطِ طٜعٜ#لُکَ 10:25-28؞؞»
اَلْمَسِيحُ عٜ دَاوُدَ
(مَرْکُسْ 12:35-37؛ لُکَ 20:41-44)
41ندٜ ڢَرِسَعٜنْ مٛوࢡْتٛتِرِ، عِيسَى ࢨَمِ ࢡٜ: 42«کٛ نُمٛتٛنْ دٛوْ اَلْمَسِيحُ؟ عٛ ࢡِي مٛيْ؟» ࢡٜمبِعِمٛ: «عٛ ࢡِي دَاوُدَ؞» 43عِيسَى وِعِ ࢡٜ: «کَدِ نغَمْ طُمٜ دَاوُدَ عٜوْنِمٛ جَوْمِرَاوٛ بٜى بَاوْطٜ رُوحُ اَللَّه؟ عٛوِعِ:
44جَوْمِرَاوٛ وٛلْوَنِ جَوْمَمْ:
جٛوطَ حَا ࢩَامٛ عَمْ،
حَا تٛ مِوَلِّنِ کٛنّٜعٜنْ مَاطَ لٜسْ کٛسْطٜ مَ#جَبُورَ 110:1؞؞
45دَاوُدَ عٜوْنِمٛ جَوْمِرَاوٛ، نٛيْ اَلْمَسِيحُ لَاتٛرِ ࢡِيِيکٛ کَدِ؟»
46وَلَا مٛ وَاوِ جَابَاغٛ مٛ کٛو وٛلْدٜ وٛورٜ؞ دِغَ ࢩَنْدٜ مَنْ کٛو مٛيْ حُلِ ࢨَمُغٛ مٛ ࢨَمْطٜ غٛطّٜ؞
Valið núna:
مَتَّ 22: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.