مَتَّ 21
21
عِيسَى نَسْتِ عُرُسَلِيمَ
(مَرْکُسْ 11:1-11؛ لُکَ 19:28-40؛ يُحَنَّ 12:12-19)
1ندٜ ࢡٜࢡَدِ عُرُسَلِيمَ، ࢡٜنجٛتِّ وُرٛ بَيْتِڢَاجِ، غَلْ حٛوسٜىٰرٜ جَيْتُنْجٜ، عِيسَى نٜلِ ݠُکَرَعٜنْ مُوطُمْ طِطٛ؞ 2عٛوِعِ ࢡٜ: «نَسْتٜ وُرٛ وٛنْنغٛ يٜىٰسٛ مٛوطٛنْ تٛ، عٛنْ تَوَنْ وَمْندٜ عٜ مٛلْدٜ مَارٜ طٛنْ کَࢡِّ؞ ݠِيسْتٜ طٜ، نغَدَّنٜىٰطَمْ؞ 3تٛ غٛطّٛ وِعِ عٛنْ کٛو طُمٜ، نجَابٜ مٛ: جَوْمِرَاوٛ وٛودِ حَاجٜ مَاجٜ، لَوْ عٛعَشَّنَنْ عٛنْ طٜ؞» 4طُمْ وَطِ نٛنْ نغَمْ حِࢡِّنغٛ بٛلّٜ اَلنَّبِيجٛ، بِيطٛ:
5«مبِعٜ بٜرْنِوٛلْ سِيٛنَ:
ندَا لَامِيطٛ مَ طٛنْ وَرَ حَا مَاطَ،
عٛ جَنغْکِنِيطٛ، عٛ بَعِّيطٛ وَمْندٜ عٜ مٛلْدٜ مَارٜ#جٜکَرِيَ 9:9؞؞»
6ݠُکَرَعٜنْ غٛ ندِلِّ، ࢡٜمبَطِ بَنَ عِيسَى عُمْرُنٛ ࢡٜ؞ 7ࢡٜنغَدِّ وَمْندٜ عٜ مٛلْدٜ مَارٜ؞ ࢡٜندَطِّ لِمْشٜ مَࢡّٜ دٛوْ مَاجٜ، ندٜنْ عِيسَى وَعِّ؞ 8يِمْࢡٜ طُوطْࢡٜ مبٜعِّتِ لِمْشٜ مُوطُمْعٜنْ دٛوْ لَاوٛلْ، وٛطْࢡٜ بٛو عِتِّ لِشٜ لٜطّٜ مبٜعِّتِ طٜ دٛوْ لَاوٛلْ؞ 9مٛوࢡْرٜ عَرْدُندٜ عِيسَى عٜ تٛکِّيندٜ ࢡَاوٛ طٛنْ مبِعَ بٜى سَوْتُ: «حٛسَنَّ، تٜدُّنغَلْ لَاتَنٛ ࢡِي دَاوُدَ! بَرْکَ لَاتَنٛ غَرَنْطٛ بٜى عِنْدٜ جَوْمِرَاوٛ! حٛسَنَّ، تٜدُّنغَلْ لَاتَنٛ اَللَّه ندٜرْ عَسَمَ#جَبُورَ 118:26؞!»
10ندٜ عِيسَى نَسْتِ عُرُسَلِيمَ، بٜرْنِوٛلْ ڢُو دِمْبِ؞ جٛوطِيࢡٜ تٛنْ ࢨَمْࢨَمْتِرِ: «غٛرْکٛ عٛو، طُمْ مٛيْ؟» 11مٛوࢡْرٜ جَابِ ࢡٜ: «طُمْ عِيسَى، اَلنَّبِيجٛ عِوْطٛ نَسَرَتُ ندٜرْ لٜسْدِ غَلِيلِ؞»
عِيسَى ندٜرْ حَيْکَلِيرُ
(مَرْکُسْ 11:15-19؛ لُکَ 19:45-48؛ يُحَنَّ 2:13-22)
12ندٜنْ عِيسَى نَسْتِ حَيْکَلِيرُ؞ عٛڢَارْتِ سٛورّٛوࢡٜ عٜ سٛودٛوࢡٜ وٛنْࢡٜ ندٜرْ مَارُ ڢُو، عٛحِݠِّ تَابٜ سَنْجٛوࢡٜ شٜىٰدٜ عٜ کٛرٛمْجٜ سٛورّٛوࢡٜ ݠٛولِ؞ 13عٛوِعِ ࢡٜ: «ندَا کٛ وِنْدَ: سُودُ عَمْ وِعٜتٜ سُودُ وَطُغٛ دٛعَ، عَمَّا عٛنٛنْ، عٛنْ لَاتِنِ ندُ لٛوٛلْ ڢَسٛوࢡٜ#عٜسَايَ 56:7؛ يٜرٜمِيَ 7:11؞؞»
14وُمْࢡٜ عٜ وٛوسْࢡٜ نغَرِ حَا عِيسَى ندٜرْ حَيْکَلِيرُ، عٛيَمْطِتِنِ ࢡٜ؞ 15مَوْࢡٜ لِمَنْعٜنْ عٜ مٛودِࢡّٜ تَوْرٜىٰتَ تِکِّ ندٜ ࢡٜنغِعِ کُوطٜ کَيْطِنِيطٜ طٜ عٛوَطِ، ࢡِکّٛيْ بٛو طٛنْ نغٛوکَ ندٜرْ حَيْکَلِيرُ، طٛنْ مبِعَ: «حٛسَنَّ، تٜدُّنغَلْ لَاتَنٛ ࢡِي دَاوُدَ!» 16ࢡٜمبِعِ عِيسَى: «عَطٛنْ نَنَ کٛ کٛيْ مبِعَتَ نَ؟» عِيسَى جَابِ: «عٛوحٛ، مِطٛنْ نَنَ؞ عٛنْ مٜىٰطَايْ جَنغُغٛ کٛ وِنْدَ نَ: بٜى کُنْدُطٜ ࢡِکّٛيْ عٜ مُسِنَنْکٛيْ عَتَاسْکِتِنَنِ حٛورٜ مَ مَنغْتٛورٜ#جَبُورَ 8:3؞؞» 17ندٜنْ عٛعَشِّ ࢡٜ، عٛوُرْتِ بٜرْنِوٛلْ، عٛدِلِّ حَا بَيْتَنِيَ، عٛوَالِ تٛنْ؞
عِيسَى نَالِ عِبِّ
(مَرْکُسْ 11:12-14،20-24)
18جَنغٛ مَنْ ڢَجِرِ شُبْ ندٜ عِيسَى طٛنْ لٛرٛ حَا بٜرْنِوٛلْ، عٛمَاتِ دٛلٛ؞ 19عٛيِعِ عِبِّ کٛمْبِ لَاوٛلْ، عٛيٜحِ لٜسْ مَاکِ، عَمَّا عٛتَوَايْ کٛو طُمٜ، سٜيْ حَاکٛوجِ تَنْ؞ ندٜنْ عٛوِعِ عِبِّ: «تَا عَمٜىٰتَ رِمُغٛ ࢡِࢡّٜ سَمْ!» لَوْ عِبِّ غٛ يٛورِ؞ 20ندٜ ݠُکَرَعٜنْ نغِعِ طُمْ، ࢡٜکَيْطِنِ؞ ࢡٜࢨَمِ عِيسَى: «نٛيْ عِبِّ کِ يٛورِ لَوْ بَنَ نِي؟» 21عِيسَى جَابِ ࢡٜ: «غٛونغَ مبِعَنْمِ عٛنْ: تٛ عٛنْ نغٛودِ نُطِّنْکِ، عٛنْ شٜکَايْ، ندٜنْ کَمْ، عٛنْ مبَاوَنْ وَطُغٛ نَا کٛ مِوَطِ عِبِّ کِ تَنْ، عَمَّا کٛ ࢡُرِ طُمْ بٛو؞ کٛو تٛ عٛنْ مبِعِ حٛوسٜىٰرٜ ندٜعٜ: طٛوڢَ دِغَ طٛ طِسٛيَ ندٜرْ وٜىٰندُ، طُمْ وَطٛتٛ#مَتَّ 17:20؛ 1 کٛرِنْتُعٜنْ 13:2؞؞ 22تٛ عٛنْ نغٛودِ نُطِّنْکِ، عٛنْ کٜࢡَنْ کٛ عٛنْ تٛرِ ڢُو؞»
حَا تٛيْ بَاوْطٜ عِيسَى عِوِ؟
(مَرْکُسْ 11:27-33؛ لُکَ 20:1-8)
23عِيسَى دِلِّ، نَسْتِ حَيْکَلِيرُ؞ ندٜ عٛطٛنْ عٜکِّتِنَ يِمْࢡٜ، مَوْࢡٜ لِمَنْعٜنْ عٜ ندٛتِّعٜنْ يَحُودُعٜنْ نغَرِ حَا مَاکٛ، ࢨَمِمٛ: «بٜى دُنغَيٜىٰرٜ مٛيْ عَوَارَتَ کُوجٜ طٜعٜ؟ مٛيْ دُنغَنِ مَ وَطُغٛ بَنَ نِي؟» 24عِيسَى جَابِ ࢡٜ: «مِنْ بٛو، مِࢨَمَنْ عٛنْ حُوندٜ وٛورٜ؞ تٛ عٛنْ نجَابَکٜ يَمْ، ندٜنْ کَمْ، مِنْ بٛو مِوِعَنْ عٛنْ بٜى دُنغَيٜىٰرٜ مٛيْ مِوَطَتَ کُوجٜ طٜعٜ؞ 25مٛيْ دُنغَنِ يُحَنَّ وَطَنْغٛ يِمْࢡٜ بَݠْتِسْمَ؟» اَللَّه نَا مَلَّ يِمْࢡٜ؟ ࢡٜݠُطِّ سَرْوٛوتِرْغٛ حَکُّندٜ مَࢡّٜ، ࢡٜمبِعْمبِعْتِرِ: «تٛ عٜنْ مبِعِ اَللَّه، عٛࢨَمَنْ عٜنْ: کٛنِ عٛنْ نُطِّنَايْ يُحَنَّ؟ 26عَمَّا تٛ عٜنْ مبِعِ يِمْࢡٜ بٛو، عٜنْ طٛنْ کُلَ يِمْࢡٜ، نغَمْ يِمْࢡٜ ڢُو نُطِّنِ يُحَنَّ عٛ اَلنَّبِيجٛ؞» 27نغَمْ مَاجُمْ ࢡٜنجَابِ: «مِنْ عَنْدَا؞» عِيسَى وِعِ: «مِنْ بٛو مِوِعَتَا عٛنْ بٜى دُنغَيٜىٰرٜ مٛيْ مبَطَنْمِ کُوجٜ طٜعٜ؞»
بَلْندٛلْ دٛوْ ࢡِࢡّٜ طِطٛ
28«کٛ نُمٛتٛنْ دٛوْ بَلْندٛلْ نغٛعٛلْ؟ غٛطّٛ وٛودِ ࢡِࢡّٜ طِطٛ؞ عٛيٜحِ حَا عَرَنٛ، عٛوِعِمٛ: ࢡِنغٜلْ عَمْ، يَحْ حُووٛيْ حَا نغٜسَ عِنَبٛوجٜ حَنْدٜ؞ 29عٛجَابِ: مِيَحَتَا؞ عَمَّا ࢡَاوٛ مَنْ عٛنُمْتِ، عٛيٜحِ؞ 30ندٜنْ بَابَ يٜحِ حَا طِطَࢡٛ، وِعِمٛ کٛ عٛوِعْنٛ عَرَنٛ؞ کَنغْکٛ بٛو عٛجَابِ: مِيَحَنْ، جَوْمَمْ! عَمَّا عٛيَحَايْ؞ 31شَکَ ࢡِࢡّٜ طِطٛ ࢡٜعٜ، مٛيْ وَطِ کٛ بَابَ مُمْ يِطِ؟» ࢡٜمبِعِمٛ: «عَرَنٛ؞» ندٜنْ عِيسَى وِعِ ࢡٜ: «غٛونغَ مبِعَنْمِ عٛنْ: جٛمْنٛوࢡٜ عٜ رٜوْࢡٜ دَاکَارٜعٜنْ عَارْتَنْ عٛنْ نَسْتُغٛ لَامُ عَسَمَنْجِ؞ 32نغَمْ يُحَنَّ وَرِ حَا مٛوطٛنْ، عٛحٛلِّ عٛنْ لَاوٛلْ عَدِلَاکُ، عٛنْ نُطِّنَايْ مٛ؞ عَمَّا جٛمْنٛوࢡٜ عٜ رٜوْࢡٜ دَاکَارٜعٜنْ نُطِّنِمٛ؞ کٛو ندٜ عٛنْ نغِعِ طُمْ، عٛنْ تُوبَايْ، کٛو ࢡَاوٛطٛنْ بٛو عٛنْ نُطِّنَايْ مٛ#لُکَ 3:12؛ 7:21-30؞؞»
بَلْندٛلْ دٛوْ رٜمٛوࢡٜ نغٜسَ عِنَبٛوجٜ
(مَرْکُسْ 12:1-12؛ لُکَ 20:9-19)
33«نَنٜ بَلْندٛلْ غٛطْنغٛلْ: وٛودِ جَوْمُ سَارٜ ڢٜىٰرٜ، عٛوَطِ نغٜسَ عِنَبٛوجٜ، عٛتَارْنِ کَ بٜى کٛوَاغٛلْ، عٛوَطِ ࢡِطِّرْدٜ عِنَبٛوجَمْ، عٛمَحِ سُودُ تٛوْندُ نغَمْ عَيْنٛووٛ نغٜسَ؞ ندٜنْ عٛحَلْڢِنِ کَ رٜمٛوࢡٜ، عٛدِلِّ جَحَانغَلْ#عٜسَايَ 5:1-2؞؞ 34ندٜ سَاعِ تٜࢡُغٛ عِنَبٛوجٜ وَطِ، عٛنٜلِ جَغِّيࢡٜ مَاکٛ حَا رٜمٛوࢡٜ غٛ نغَمْ ࢡٜنجَࢡَنَ مٛ عِنَبٛوجٜ نغٜسَ مَاکٛ؞ 35رٜمٛوࢡٜ نَنغِ نٜلَاࢡٜ مَاکٛ، ࢡٜࢡٛشِّ غٛوتٛ، ࢡٜمبَرِ غٛوتٛ، تَتَࢡٛ بٛو ࢡٜݠِطِمٛ بٜى کَاعٜ؞ 36عٛنٜلِ نٜلَاࢡٜ وٛطْࢡٜ ࢡُرْࢡٜ ࢡٜيَ طُوطُغٛ حَا مَࢡّٜ ڢَحِنْ، ࢡٜمبَطِ ࢡٜ بَنَ نٛ ࢡٜمبَطِنٛ عَارْتُࢡٜ؞ 37ࢡَاوٛ مَنْ عٛنٜلِ ࢡِيِيکٛ حَا مَࢡّٜ، عٛوِعِ: ࢡٜتٜدِّنَنْ ࢡِيَمْ؞ 38عَمَّا ندٜ رٜمٛوࢡٜ نغِعِ ࢡِيِيکٛ، ࢡٜمبِعِ حَکُّندٜ مَࢡّٜ: ندَا، کَنغْکٛ وٛنِ دٛنٛووٛ؞ عٜنْ مبَرَ مٛ نغَمْ حَا عٜنْ مَرَ ندٛنْنغُ مَاکٛ؞ 39ࢡٜنَنغِمٛ، ࢡٜشَکِّنِمٛ يَاسِ نغٜسَ عِنَبٛوجٜ، ࢡٜمبَرِمٛ؞»
40عِيسَى ࢨَمِ ࢡٜ: «کَدِ تٛ جَوْمُ نغٜسَ عِنَبٛوجٜ وَرِ، طُمٜ عٛوَطَتَ يِمْࢡٜ ࢡٜعٜ؟» 41ࢡٜنجَابِمٛ: «عٛحَلْکَنْ حَلُّࢡٜ ࢡٜعٜ بِلَا عٜنْطَمْ، ندٜنْ عٛحَلْڢِتِنَنْ کَ رٜمٛوࢡٜ وٛطْࢡٜ، تَمِّيࢡٜ حٛکُّغٛ مٛ ࢡٜنْدَلٛوجٜ تٛ سَاعِ مَنْ يٛتَّکٜ؞» 42عِيسَى وِعِ ࢡٜ: «عٛنْ مٜىٰطَايْ جَنغُغٛ کٛ وِنْدَ ندٜرْ دٜڢْتٜ شٜنِيطٜ نَ؟
حَيْرٜ ندٜ مَحٛوࢡٜ نغُدِنِ،
لَاتِ حَيْرٜ تَلْکُمٛورٜ ࢡُرْندٜ سَمَنْ؞
جَوْمِرَاوٛ وَطِ طُمْ،
طُمْ کَايٜىٰڢِ حَا غِتٜ مٜىٰطٜنْ#جَبُورَ 118:22-23؞؞»
43نغَمْ مَاجُمْ مِطٛنْ وِعَ عٛنْ: «اَللَّه حٛوسِتَنْ لَامُ مُوطُمْ، حٛکَّنْ نغُ عُمَّاتٛورٜ وٛطْندٜ تَمِّيندٜ رِمُغٛ ࢡٜنْدَلٛوجٜ؞ [ 44کٛو مٛيْ دٛعِّ دٛوْ حَيْرٜ ندٜعٜ، سَمْݠِتِتّٛ؞ تٛ ندٜ دٛعِّ دٛوْ غٛطّٛ بٛو، ندٜ نَمَنْ مٛ؞]»
45مَوْࢡٜ لِمَنْعٜنْ عٜ ڢَرِسَعٜنْ نَنِ بَلْندِ طِ عِيسَى وَطِ، ࢡٜݠَامِ دٛوْ مَࢡّٜ عٛوٛلْوِ؞ 46ندٜنْ ࢡٜتٜڢِ دَبَرٜ نَنغُغٛ مٛ، عَمَّا ࢡٜکُلِ يِمْࢡٜ، نغَمْ يِمْࢡٜ طٛنْ ندَارَ مٛ بَنَ اَلنَّبِيجٛ؞
Valið núna:
مَتَّ 21: داَ
Áherslumerki
Deildu
Afrita
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.