Vinsæl biblíuvers úr HEBREOS 13

Deildu

Ja xuꞌwi tiye wan xkwiꞌ chaꞌ ꞌin tñi; suꞌwe si kalaꞌ tiꞌ wan loꞌo sa kwa ti nan nu nsuꞌwi chinꞌ ꞌwan. Nan wa ykwiꞌ Ndiose chaꞌ re loꞌoan: “Ja kulaa yaǎnꞌ ꞌaǎn ꞌwan” ndukwin Ni, “ja xnuǔn ꞌaǎn ꞌwan ngwa ti ñaꞌan.”

Ja nxaꞌan Jesucristo. Sa ñaꞌan nu ngwa Ni nu ngwa sꞌni ꞌa, kwiꞌ ngwañaꞌan lka Ni ni, loꞌo ti kwiꞌ ngwañaꞌan ka Ni nu ndyaa nde loo la.

Kanꞌ chaꞌ nde ñaꞌan tyaꞌan chaꞌ tiye wan chaꞌ ka ngula la tiꞌ niꞌ kasiya ꞌwan kwenta skaa wan: Ykwiꞌ Xꞌnaǎn lka nu ndayaꞌ ꞌñaǎn. Ja nꞌni chaꞌ kutseěn sikwa, chaꞌ ja ka ꞌa kuꞌni nten chaꞌ kuxi loꞌoǔn.

Loꞌo ja ka ndaja tiꞌ wan kuꞌni wan nchga chaꞌ suꞌwe, chaꞌ ngwañaꞌan tayaꞌ wan ꞌin taꞌa nten wan; kanꞌ lka tñan nu ndiya tiꞌ Ni chaꞌ kuꞌnian chaꞌ ꞌin Ni.

Kanꞌ chaꞌ nchga tsan kuꞌniin tnuan ꞌin Ndiose chaꞌ ꞌin Jesús; ñaꞌan tiꞌ si taan lomstan ꞌin Ni, kwiꞌ ngwañaꞌan lka xa nu tyukwi ti tiyean kuꞌniin tnuan ꞌin Ni. Loꞌo ngwañaꞌan, ¡suꞌwe ꞌa si nchga tsan chkwianꞌ chaꞌ tnun ꞌa chaꞌ nu ndiꞌin ꞌin Ndiose Stian!

Taꞌa wan ndiꞌin chaꞌ tyiꞌin suꞌwe wan loꞌo kwilyoꞌo wan; ja kuꞌni wan chaꞌ kuxi loꞌo kwilyoꞌo wan, kwiꞌ ja tyiꞌin chaꞌ ꞌwan loꞌo xka nten nu ja lka kwilyoꞌo wan. Ta Ndiose nu tiꞌí ꞌin nchga nten nu kuꞌni chaꞌ kuxi ngwañaꞌan, ta Ndiose nu tiꞌí ꞌin nten nu sten yuꞌwi loꞌo kwilyoꞌo xka nten.

Tyuꞌwi tiꞌ wan chaꞌ chkwiꞌ suꞌwe wan loꞌo nchga neꞌ xka kichen, nu tiyan naꞌan tyi wan; ta wan seꞌen tyiꞌin neꞌ kanꞌ, chaꞌ ngwañaꞌan yꞌni ayman kula ꞌwan nu ngwa sꞌni, loꞌo chunꞌ ndiꞌin la ngwa biyaꞌ tiꞌ neꞌ chaꞌ angajle ꞌin Ndiose nu ndiꞌin nde niꞌ kwan ngwa neꞌ kanꞌ nu yan naꞌan tyi neꞌ.

Ndiose lka nu yꞌni tñan chaꞌ ndyuꞌu Jesucristo nu nka Xꞌnaan xiyaꞌ, xa wa ngujwi Ni. Loꞌo ni, lka Jesús ndloo la ti, chaꞌ kuꞌni Ni kwenta ꞌñaan nu lkaan nten ꞌin Ni, ñaꞌan tiꞌ si ngiꞌni Ni kwenta ꞌin slyaꞌ ꞌin Ni, chaꞌ ngujwi Ni chaꞌ ꞌñaan. Bra nu ngujwi Jesús ni, kanꞌ mskanꞌ Ni chaꞌ loꞌo nchga nten ꞌin Ni, ska chaꞌ kwi nu ja tsaa tii ꞌa siyaꞌ ti. Ndiose yꞌni chaꞌ tiin ti tyiꞌin kasiya ꞌñaan lo chalyuu, loꞌo ni, nchka tiǎnꞌ chaꞌ suꞌwa yaꞌ Ni ꞌwan nchga seꞌen lyiji ꞌwan, chaꞌ ka kuꞌni wan nchga tñan, sa ñaꞌan tñan nu nchka tiꞌ Ni chaꞌ kuꞌni wan. Loꞌo nchka tiǎnꞌ chaꞌ kuꞌni Ni loꞌoan nchga nan nu suꞌwe la nka tiye Ni, chabiyaꞌ ꞌin Jesucristo. Loꞌo ngwañaꞌan nan, ja tsaa tii ꞌa chaꞌ kuꞌniin tnuan ꞌin Krixtu. ¡Ngwañaꞌan ka sikwa!