Popular Bible Verses from 1 TIHOSI 18

Deildu

Ndzi hlamule, Yehovha ndzi hlamule! Tiko leri ri ta tiva leswaku wena Yehovha u Xikwembu la tlherisaka timbilu ta vona.”

Kutani hi nkarhi wa ku humesa magandzelo, muprofeta Eliya a tshinela, a ku: “Yehovha, Xikwembu xa Abrahama, na Isaka, na Israele, a ku tiviwe namuntlha leswaku hi wena Xikwembu xa Israele, ni leswaku ndzi nandza wa wena, ni leswaku ndzi endlile swilo hinkwaswo leswi, hi ku lerisa ka wena!

Eliya a tshinelela tiko hinkwaro, a ku: “Mi ta khwita hi milenge mimbirhi ku yisa kwihi xana? Loko Yehovha xi ri Xikwembu, n'wi landzeni; kambe loko Baali xi ri Xikwembu, n'wi landzeni!” Tiko ri miyela, ri ku ntsee.

Kavaloko ndzilo wa Yehovha wu wa, wu heta holokosta, ni tihunyi, ni maribye, ni misava; wu phyisa ni mati ya khele.

Tiko hinkwaro ri swi vona, va khinsama hi mimombo ya vona, va ku: “Xikwembu i Yehovha! Xikwembu i Yehovha!”

Kuteloko a yile kantlhanu na kambirhi, a vuya, a ku: “Ku ni papanyana leri fanaka ni xandla xa munhu, ri hume elwandle.” Kutani Eliya a ku: “Famba u ya ka Akabu, u ku eka yena: ‘Pana kalichi ya wena u ngirimela, u nga ti sivela hi mpfula.’ ”

Kutani Akabu a khandziya ekalichini ya yena, a muka eYizriele. Kambe voko ra Yehovha ri va henhla ka Eliya a tiboha xisuti a tsutsuma emahlweni ka Akabu, ku fika enyangweni ya Yizriele.

Eliya a ku eka Akabu: “Tlhandluka, u ya dya, u nwa, hikuva ku twala mpfula.”

A ku eka nandza wa yena: “Wa nga tlhandluka, u languta tlhelo ra lwandle.” A tlhandluka, a languta, kutani a ku: “A ku na nchumu.” Eliya a ku: “Famba u ya kantlhanu na kambirhi.”

Kavaloko Eliya a ku eka tiko hinkwaro: “Ndzi tshineleleni!” Kutani tiko hinkwaro ri n'wi tshinelela; va lunghisa alitari ya Yehovha leyi mbundzuxiweke.

Kutani mi ta khongela xikwembu xa n'wina, na mina ndzi ta khongela Yehovha; kutani xikwembu lexi nga ta hlamula hi ndzilo hi xona Xikwembu.” Tiko hinkwaro ri hlamula, ri ku: “Hi swona.”

Kutani Eliya a teka maribye ya khume na mambirhi hi ntsengo wa tinyimba ta vana va Yakobo loyi Yehovha a n'wi byeleke, a ku: “Vito ra wena ri ta va Israele.”

Ninhlekanhi, Eliya a sungula ku va vungunya a ku: “Huwelelani hi matimba, leswi xi nga xikwembu! Kumbe u anakanya swin'wana, kumbe u tirha swa yena, kumbe u endzile, kumbe u etlele, loko swi ri tano u ta pfuka!”

Hi maribye lawa a akela vito ra Yehovha alitari; a cela khele hi matlhelo hinkwawo ya alitari, ri ringana mipimo mimbirhi ya timbewu.