Popular Bible Verses from 1 TIHOSI 17

Deildu

Hikuva Yehovha, Xikwembu xa Israele, a ku: ‘Mapa ma nga ka ma nga heri embiteni, ni mafurha exikutswini, Yehovha a ko a nisa mpfula emisaveni.’ ”

Kutani Eliya, wa Tixibe, munhu wa tiko ra Giliyadi, a ku eka Akabu: “Yehovha, Xikwembu xa Israele, loyi ndzi yimaka emahlweni ka yena, wa hanya! Malembe lawa ku nga ka ku nga vi na mpfula ni mberha, loko ku nga ri hi rito ra mina.”

Eliya a ku eka yena: “U nga chavi! Muka u endla hilaha u nga vula hakona; ntsena rhanga u ndzi swekela ximbhundzwana, u ndzi tisela xona ehandle, kutani u ya tiswekela, u swekela ni n'wana wa wena.

Yena a ku: “Yehovha, Xikwembu xa wena, xa hanya! A ndzi na vuswa, ni byitsanana; ndzi ni xandla xa mapa ntsena embiteni, ni mafurhanyana exikutswini, ndzi rhotela tihunyi timbirhi, ndzi muka, ndzi ya swekela n'wananga na mina vuswanyana, kutani kutakuloko hi dyile, hi ta fa.”

“Pfuka, u ya eSarepta wa Sidoni, u tshama kona: Waswivo, ndzi lerisile noni ku ku phamela kona.”

Mapa a ma helanga embiteni, ni mafurha a ma pfumariwanga exikutswini hilaha Yehovha a nga vula hakona hi Eliya.

Kutani wansati a famba a ya endla hilaha Eliya a n'wi byeleke hakona; hi masiku layo tala a dya, yena, ni yindlu ya yena, na Eliya.

Eliya a suka a famba, a ya eSarepta. Kuteloko a fikile enyangweni ya muti, waswivo, noni a a rhotela tihunyi kona; kutani a n'wi vita, a ku eka yena: “Wa nga ndzi kela matinyana enkambaneni, ndzi nwa.”

U ta nwa mati ya xinambyana; ndzi lerisile mawukuwuku ku ku phamela kona.”

Kakuloko a ha ya n'wi kela, a n'wi vita, a ku: “Wa nga ndzi lavela ni xipandzwa xa vuswa.”

Kutani mawukuwuku ma n'wi tisela vuswa ni nyama nimixo, ni vuswa ni nyama nimadyambu, a ri karhi a nwa mati ya xinambyana.

Loko ku hundze masiku, xinambyana xi phya, hikuva mpfula a yi nga nanga emisaveni.

Kutani Eliya a ku: “Vona, n'wana wa wena wa hanya.” Wansati a ku eka Eliya: “Sweswi, ndzi tiva leswaku u munhu wa Xikwembu, ni leswaku rito ra Yehovha leri nga enon'wini wa wena ri tiyile.”

Kavaloko a famba, a endla hilaha Yehovha a n'wi byeleke hakona: a ya tshama exinambyaneni xa Keriti lexi nga emahlweni ka Yordani.

Yehovha a yingisa rito ra Eliya, moya wa n'wana wu tlhelela emirini wa yena, a hanya.