Popular Bible Verses from Romanos 5

Deildu

Qalaxaye na'aictaxa da qomi' ñaq souaqtaigui co'ollaxa da qaye'etaxaloxo, qalaxaye Ñim Lo'onatac 'Enauacna ỹachaxan da lta'araic lsoxoyec, nache qomi' namaxalo So Jesucristo da yaqto' qomi' ileualeguete.

Qaq da saỹaanaq da lleuenaxaguet na qanque'eenaxacpi, nache qomi' ỹaỹamaxareete' Ñim Lo'onatac 'Enauacna. Qaq Ñimaye da qomi' ỹaỹamaxareete', nache ỹataqta 'eesa da qomi' nca'alaxatre'c. Qaq de'era saỹatenaqta da ỹataqta 'eesa: Ñim Lo'onatac 'Enauacna ỹataqta ipacchigui cam ỹachaxanapec, ỹoqo'oye Ñimaye nlaxatchiguilo naua qarquiyaqtel da lsoxoyec, ỹachegoxotchigui So Saqcha'a Na'añaxac Qui'itta maye qomi' ỹanema.

Qalaxaye nataqa'en huo'o da qantonaxac souaxat da qanque'eenaxac, cha'aye saỹatenaqta da nache 'eetec de'era, nache saỹaanaq da lleuenaxaguet na qanque'eenaxaguesat. Qaq da saỹaanaq da lleuenaxaguet na qanque'eenaxacpi, nache qomi' ỹaỹamaxareete' Ñim Lo'onatac 'Enauacna. Qaq Ñimaye da qomi' ỹaỹamaxareete', nache ỹataqta 'eesa da qomi' nca'alaxatre'c. Qaq de'era saỹatenaqta da ỹataqta 'eesa: Ñim Lo'onatac 'Enauacna ỹataqta ipacchigui cam ỹachaxanapec, ỹoqo'oye Ñimaye nlaxatchiguilo naua qarquiyaqtel da lsoxoyec, ỹachegoxotchigui So Saqcha'a Na'añaxac Qui'itta maye qomi' ỹanema.

Ñim Lo'onatac 'Enauacna qomi' ỹaỹamaxareete' cha'aye souaxat da huo'o da qarpi'iỹaxac Ñimaye. Qaq damaye chegoqchigui So Qarataxala' Jesucristo. Qaq ỹoqo'oye nagui huo'o da qarlagaxayec da sonaqto'ot Ñim Lo'onatac 'Enauacna. Qaq huo'o da qaramaic da saỹaanaq da chegoqchigui da qarpi'iỹaxac So Jesucristo, nache nagui selagaqtapiguiñi souaqtaigui da lsoxoyec Ñim Lo'onatac 'Enauacna. Qataq que'eca anata na'a'q ñeuanaqaua'a qome Ñimaye da la'amaqchec.

Co'ollaq qomi', maye qomi' 'etaxaloxoiqa sa seshetaq da maiche ñeca'alaxataxala't, nache So Cristo nañaneguet da nleuaxa souaxat da shenaqta. Somaye ileu co'ollaq ivita so laloqo' maye ỹecchiguiña Ñim Lo'onatac 'Enauacna.

Qaq nagui da mashe ỹapalaxat na qarasouaxashetpi Ñim Lo'onatac 'Enauacna da chegoqchigui da l-leuaxa So Cristo, nache ỹoqta 'itchiguiñi qone' da huo'o da qana'achecỹaxac So Cristo, cha'aye Somaye qomi' nca'alaxateeguesopa cam nhuaxanaguec na shiỹaxauapi maye ñaq naỹa'acna.

Cha'aye dam naigui da sa ỹalaq so 'oonolec shiỹaxaua, damaye ỹo'ot da qalota na sa ỹalaq. Qalaxaye chegoqchigui da lalaxayec so lỹa 'oonolec maye le'enaxat Jesús da Ñim Lo'onatac 'Enauacna ỹapalaxat na lasouaxashetpi na shiỹaxauapi.

Nataqa'en Ñim Lo'onatac 'Enauacna qomi' ỹo'oteque da lta'araic da qaramaicỹaxac, cha'aye mashe souaqtaigui da nlagaxayec da sonaqto'ot Ñimaye, chegoqchigui So Qarataxala' Jesucristo.