Popular Bible Verses from Romanos 4

Deildu

qalaxaye somaye saishet da iqoleguet da Ñim Lo'onatac 'Enauacna ipacchigui da ỹachaxanapec. Nachaqrata da nquictauec da qaramta da lpi'iỹaxac qataq da naquitaxac, qataq ỹaatacot da na'achecỹaxac Ñimaye. So Abraham ỹataqta ỹaỹateeta da Ñim Lo'onatac 'Enauacna huo'o da la'añaxac da ishet da ipactelec dam ỹachaxanapec.

Ana nere maye huetalec na la'aqtacpi Ñim Lo'onatac 'Enauacna, 'eeta': «Ñimaye 'enapega so Abraham da somaye ivira'a da lta'a na ỹotta'a't shiỹaxauapi ana 'alhua.» Qaq de'era ỹachaxanapec Ñim Lo'onatac 'Enauacna ỹo'otec so Abraham, cha'aye somaye ỹa'amaqten da nachaqñita 'oonolec qataq huo'o da la'añaxac da nca'alaxatec na mashe ileu qataq da huo'o ca ỹo'ot dalaxaic.

Ñim Lo'onatac 'Enauacna ỹan So Jesús co'ollaxa da yaqto' qomi' ileualeguete souaxat na qarasouaxashetpi, qataq nca'alaxateeguesop da nleuaxa, da yaqto' ỹapalaxat na qarasouaxashetpi.

Co'ollaq Ñim Lo'onatac 'Enauacna ỹachaxanapecot so Abraham da qalota ca llalaqpi. Qaq damaye ỹataqta 'eeta'am da saishet da ishet. Qalaxaye souaxat da naquitaxac qataq da lpi'iỹaxac Ñimaye, nache so Abraham ivira'a da nacheso so chegoxoguet na qalota shiỹaxauapi ana 'alhua maye nataqa'en ỹa'amaqten Ñim Lo'onatac 'Enauacna.

Qaq ỹoqo'oye dam ỹachaxanapec Ñim Lo'onatac 'Enauacna da yaqto' huo'o da 'enec da talec 'enauac nam llalaqpi so Abraham, nache Ñimaye saishet da iỹaxanaique ca naiguet damaye. Ỹo'ot de'era ỹachaxanapec da talec 'enauac nam huo'o da lpi'iỹaxac Ñimaye. Saishet da nachaqnata nam ỹalaxalec na namaxasoxonaxacpi, maye nataqa'en 'enauac nam huo'o da lpi'iỹaxac maye 'eeta'am so Abraham. Ỹoqo'oye so Abraham nacheso so 'enauac da qarta'a.

«¡Ỹataqta machiguiñi qome nam shiỹaxauapi maye ỹapalaxat Ñim Lo'onatac 'Enauacna na lasouaxashetpi! ¡Cha'aye Ñimaye ỹataqta icoua'ai na lasouaxashetpi maye ỹo'ot namayepi! ¡Ỹataqta machiguiñi qome nam shiỹaxauapi maye Ñim Lo'onatac 'Enauacna ỹapalaxat na lasouaxashetpi qataq 'enauac nam qauem maye ỹo'otpi!»

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñimaye ỹaỹamaxareeta so Abraham, cha'aye so Abraham huo'o da lpi'iỹaxac Ñim Lo'onatac 'Enauacna.»