Popular Bible Verses from Génesis 50

Deildu

Qami', aỹem qauo'ochec co'ollaxa so qauem, qalaxaye Ñim Lo'onatac 'Enauacna nmeneguet naqa'en se'eso qauem dam no'on, da yaqto' so'ot dam seloqta'a nagui da yaqto' ñeca'alaxatec da nachaalataxac na qalota shiỹaxauapi.

Qalaxaye so José 'enapeco': «Saishet qome da qayi'i. Cha'aye aỹem saishet da sa'aualec ca lo'onataxanaxac Ñim Lo'onatac 'Enauacna.

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

da 'am sa'aqtaxanaxam da la'aqtac maye 'eeta': Aỹem 'arqouaguec qome, 'am seỹaxanot da 'auchoxoren da sa ỹaỹamaxañi maye 'am ỹo'otec naua 'arqaỹa't, cha'aye naamaye ỹataqta qauem da 'am ỹo'otec. Qaq ỹoqo'oye nagui 'am ñachoxonnaqot da qomi' 'auchoxore'n cha'aye qomi' lamaxa'she Ñim Natamnaxala' so 'arta'a.» Qaq soua namaxa'she co'ollaq ña ỹa'axattrac de'era na'aqtac, nache so José nỹeetac.

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Ime, nache so José 'enapega so llalaqpi so Israel da ỹan da la'aqtac, da yaqto' ipactelec, nache 'enapega, 'eeta': «Ỹoqta 'eesa qome da anac Ñim Lo'onatac 'Enauacna da qami' itaua'n. Qaq qom ipacchigui damaye nache qami' qauache' qome naua ipi'ineqa.»

Qaq so José mashe ivi' soua ciento diez vi'iye da nachaalataxac co'ollaq ileu huaña ye Egipto. Ime, nache qaicoyigui da lo'ocỹaxac so lata' da yaqto' saishet da nlaguiñi da lo'ocỹaxac. Ime, nache qaỹachagui aso laỹe' na saqca.