Popular Bible Verses from Génesis 49

Deildu

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Qaq da José, qalaq 'eeta'am aca nañiguishe maye neto'ot na loigue ca 'etaxat, maye ỹataqta qalota ana ala, qataq ana lcoue nqapeguelec ca npaqtaxanaxat. Na checnec lo'opi qalaq ỹataqta nquiỹa qome, nache ỹaỹiitalec aca lchecnapi, qataq nache 'eetai' qome da sa ỹalemaxat

qalaxaye da José ỹataqta qaramteguelo naua lhua'q, qataq ỹataqta nllichiguiñi ca lchecnec, ¡sanot da ña'achec Ñim Natamnaxala' na Jacob, Ñim Qaica ca Ỹaqalanapec! ¡Sanot da ña'achec Ñim ilotague' qataq mpaxattalec na Israel! ¡Sanot da ña'achec Ñim Natamnaxala' na 'arta'a, Ñim 'am itauan qome, Ñim Qaica ca Ỹaqalanapec, maye 'am ỹaalec qome da lchoxonnataxanaxa! ¡Ñim 'am ỹanem qome da 'achecỹaxac maye chegoqo'ot na qaỹoqotcheguemec piguem! ¡dam 'achecỹaxac maye chegaqangui aso qaỹoqchiguingui auaxai! ¡dam 'achecỹaxac da nco'oxoc qataq da qaillepec aca nate'e!

Qaq 'am Judá, na 'arqaỹañecpi 'am llo'oxonnatac qome. Ca 'anpa'aguenaxauapi, qalaq choche 'auaconot qome na lana'q, qaq nam 'aralamaxat 'arqaỹañecpi 'am ỹa'aroto qome naua l-llecte. ¡'Am Judá, 'am ỹalcolec! 'Am qoneta'am ca llon llalec da ivita da ỹaxaañi da chec ca loxonec, ime, nache nlaxan, qataq nnaañi, 'eeta'am ca llon lta'araic. ¿Negue'tom ca ishet da sa ỹalemaxat?

'Am Rubén, maye nache'am ỹe ỹalec, 'am ỹa'añaxac, qataq nache'am la'auaxanec ỹa'añaqteguishec, 'am la'auaxanec da ño'oxoyec, qataq 'am la'auaxanec da na'añaxac. Qalaxaye nagui saishet da 'am la'auaxanec, cha'aye 'am qoneta'am ca la'auaxac maye saishet da qanpaxateguet: cha'aye 'aue'enai' co'ollaxa so imala' co'ollaq 'arauañi' aso ihua lỹa.