Popular Bible Verses from MATTHEW 2

Deildu

Aru ghor bhitor te jaikene bacha tu Tar laga amaa Mary logot dekhise, aru taikhan athukarhi kene Tar ke aradhana korise. Tetiya, taikhan sampoti laga tupula khuli kene, taikhan pora sona, dhuna-etha, aru Myrrh koi kene gundh-roh upohar ani kene dise.

Heitu homoi, Herod raja din te ketiya Judea laga Bethlehem nagor te Jisu jonom hoise, sabi, gyani manuh khan purab pora Jerusalem te ahhi kene, hudise,“Jews laga raja hobole jonom lua bacha kot ase? Kilemane purab phale Tar laga tara ulai ahha amikhan pora dekhise, aru Tar ke aradhana koribole amikhan ahhise.”

Ketiya taikhan pora tara rukhi jua tu dekhise, dangor khushi pora taikhan mon bhorta hoise.

Aru Herod usor te ghurai najabole sapna te hushier kora nisna, taikhan dusera raasta pora nijor nijor desh te jai jaise. Etiya taikhan jua pasote, sabi, Prabhu dut ekjon he sapna te ulai kene Joseph ke koise, “Uthibi, bacha aru Tar amaa tu loi kene, Egypt te polai jabi, aru moi eku nakua tak tate he thakibi; kilemane Herod pora bacha tu morai dibole, bisara shuru hoise.”