Popular Bible Verses from MATTHEW 1

Deildu

Tai ekta putro ke bukhibo, aru tumi tar laga nam Jisu eneka matibo lage, kilemane Tar pora nijor zati khan paap pora udhar koribo.”

“Sabi, koino tu bacha bukhibo aru putro ekjon jonom hobo, aru taikhan pora Tar ke Immanuel eneka matibo” (ki ortho hoise, amar logot te Isor ase).

Kintu ketiya eitu koribole tar mon te bhabna kori loise, sabi, ekjon Prabhu dut he sapna te ulaise aru koise, “Joseph, David laga putro, Mary tu tumi laga patni hobole ghor te loi jabole bhoi nakoribi, kilemane tai pora bukhi thaka bacha tu Pobitro Atma darai he ase.

Etiya Jisu Khrista jonom kora tu eneka hoise. Ketiya Tar laga amaa Mary he Joseph logote bondobos kori kene thakise, kintu taikhan eke logot nathaka aage te, tai Pobitro Atma darai bacha bukhi kene paise. Aru tai laga pati Joseph, ekjon dharmik manuh hua karne, aru Mary ke manuh khan aage te sorom nadibo karne, lukai kene sharibole mon te bhabna kori loise.