Popular Bible Verses from Yokaana 3

Deildu

Kubba oKanca niyayenderye omuno ensi nʼokuweeryayo nʼaweeryayo omwana waamwe omwei yenkai, buli muntu amwikiriza aleke kubula baitu abbe nʼobwomi obutawaawo.

Kubba oKanca tiyatumire Mwana waamwe mu nsi kugisaara musango, baitu yamutumire ensi ejunirwe omu ye.

OYesu nʼamwiramu ati, “Kankukobere amananu, ndoowo muntu gonze omwei aliika omu bukama bwa Kanca okutoolaku nabyairwe omulundi ogwakabiri.”

Buli muntu amwikiriza omusango tigumusinga, baitu buli atamwikiriza omusango gubba gumaare okumusinga kubba abba taikiriize ibara rya Mwana omwei yenkai owa Kanca.

Guni nigwo musango: Ekyengeezi kyaizire omu nsi, baitu abantu ni bendya muno ekiiruma kubba ebikolwa byabwe byali bibbi.

OKurisito ateekwa okutumbisibwa; nje ndyowesebwe.”

Buli muntu akola ekibbi tayendya kyengeezi, era taiza mu kyengeezi olwa kutiina ebikolwa byamwe okumanyibwa.

Buli muntu aikiriza oMwana alina obwomi obutawaawo, baitu amugaana talitunga bwomi, kubba oKanca alimubonereza.

OYesu ni yeeyongera okukoba ati, “Kini kikwisanaku nkʼoMusa niyawanikire onjoka owa kikomo oku kikondo omwirungu, era nʼoMwana wa Muntu ateekwa okuwanikibwa

OIte wa Mwana ayendya oMwana waamwe era obuyinza bwona bwona yabutaire mu mikono gyamwe.