Popular Bible Verses from Yokaana 2

Deildu

Akabonero akeewuunyisya kani oYesu keyakoleire e Kaana ekya Galiraaya niko keyeekereire kimwei okukola. Niyakakoore, nʼalanga ekitiinisya kyamwe, era abeegesebwa baamwe ni bamwikiriza.

OYesu nikwo okumwiramu ati, “Maama lwaki okunkoba kini ati? Obwire bwange bucaali kwika.”

OYesu nʼakoba abagabuli ati, “Mubiizulye amaizi.” Ni babiizuurya kimwei okwika oku munwa. Awo oYesu nʼabakoba ati, “Museneku mutware omubigiza wa bugenyi.” Ni bakola batyo.

OYesu nʼabairamu ati, “Eiramyo rini muriyendewo leke nje nyiremu ndyomboke omu biro bisatu.”

Ye nikwo okukola ekisuunyu omu buguwa nʼapeka abantu boona boona amwei nʼentaama nʼente zebaali bakutunda omu mbuga za iramyo. Nʼajuumuka emeeza zaabwe empiiya ni zaalalana. Abaali bakutunda enkaiba nʼabakoba ati, “Ebintu bini mubiwulukye! Mulekere awo okufoola enyumba ya Ite wange akatale!”