Popular Bible Verses from انجیلِ یوحنا 12

Deildu

وِه که بِخوا مِنَه خذمت کِنِه، بایِس وَ دینِ مِ بیا؛ وِ جِیئی که مِ بُوم، خادمِ مِ هم وُچِنِه. کسی که مِنَه خذمت کِنِه، بُوم وِّ نَه سربِلَند ایکِنِه.

کسی که جونِ خِشَه دوس داشتَه بو، وِه نَه وَ دَس اییِه. امّا کسی که مِنِه ای دنیا وَ جونِ خُوش نفرت داشتَه بو، وِه نَه تا حیاتِ ابدی نِگَه ایکِنِه.

وراسی، وَ ایشا ایگُم، اَر دونۀ گندم مِنِه خَک نَیُفتِه وِ نَمیرِه، تِنا ایوِیسِه؛ امّا اَر بِمیرِه یِکِلی ثمرِ ایارِه.

مِ مِی نوری اومَمِه وَ دنیا تا هرکه وَم ایمون بیارِه، مِنِه تاریکی نَوِیسِه.

اَر کسی گَپَلِ مِنَه بِشنِفِه، امّا وَش اطاعت نَکِنِه، مِ وَش داوری نیکِنُم؛ سی‌یِکِه نَیومَمِه تا وَ مردم دنیا داوری کِنُم، بلکم اومَمِه تا اونگَلَه نجات بییُم.

مِنِه او موقَع، مریم روغَنِ گِرون قیمتی وَ سنبلِ خالِصَه که حدودِ نیم لیتر بی وَگِرُت وِ رِت سَرِ پایَلِ عیسی وِ بِی پَلَلِش خشک کِه، طوری که حونَه پِر وابی وَ بو عطر.

کِلغِه‌یَلِ خرما مِنِه دَسِشون رَتِن وَ رَش. اونگَل قیرَه ایزَن وِ ایگُتِن: «نجات! نجات! مبارکِه وِه که وَ نومِ خداوند ایایِه، مبارکِه پادشاهِ اسرائیل!»

عیسی وَشون گُت: «ساعتِ مُردَن وِ زِندَه وابی‌یَنِ کِرِ انسان رَسییِه.