Vinsæl biblíuvers úr 1तिमोथि 2

Deildu

हाइपालिपानु परमेस्वर एमि खिनिङ हि, परमेस्वर कालाउ द्‍याङगेलाइको माझाता सान्ति चुमाका बुङ एमि खिनिङ मध्यस्थ हि, कालाउ उङको द्‍याङ चाहि येसु ख्रिस्ट हि। ख्रिस्ट गोताङ द्‍याङगेलाहेङ पाप कालाउ सिकाको सरबुङसो लाअ्पालि मोल तिरितेङ ताइमिहेङ बलिदान पिहि। कालाउ वाको सिकासो परमेस्वर झाराङ द्‍याङ बान्च्याको दोअ्तेङ ठिक सोमोइता प्रमान पिहि।

झाराङ खान्तेङ लाम्फा का आनुरोध पाङका, कि गोताङ द्‍याङको भाअ्सिङ परमेस्वर दोफा मोनोइ निबेदन, प्रार्थाना, बिन्ति कालाउ धन्यबाद पासु। राजागेलाइ कालाउ गोताङ आधिकारिगेलाइको भाअ्सिङ बुङ प्रार्थाना पासु। कालाउकि केलाइ सान्ति कालाउ सुरुक्स्याता जियाइतेङ परमेस्वरको आराधाना पालि दोवाइने कालाउ वा जेदोङ पालि भोखे इङको केलाइ पालि दोवाइने।

का चाहिखा, कि जेलाउ बुङ नेलाइ परमेस्वरहेङ आराधाना पालि जोम्सुखेना, परमेस्वरहेङ ग्रहन योग्य जिबन जियाइका वाबालाइ ताइको पबित्तरो खुर तोल्हेतेङ बिना क्रोड कालाउ बिना माचेरसुसिङ प्रार्थाना पाको। एसाङ पातेङ का चाहिखा, कि खान्धुराइ बेबालाइ सोबाइका सुइकार योग्य कालाउ आदार योग्य लोखोन धाबा लागाइयाको। पुसुङहेङ हेन्जा साजाइतेङ, सोना, मोति कालाउ हेन्जा जाङका लोखोन धाबागेलाइ लागाइतेङ माको, कालाउ रेम्का कामगेलाइ पातेङ ताइमिहेङ सोबाइका बानाइलि, जाइ परमेस्वरको भक्ति पाका बेबालाइहेङ सोबाइखे।