Vinsæl biblíuvers úr 1तिमोथि 1

Deildu

इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

कालाउ येसु ख्रिस्ट कासेहेङ क्रिपा तिङपाहि, कि का पापिगेलाइ मध्येसो हेन्जा पापि हिलाउ बुङ स्यामा पितेङ तिङपाहि कि, वा ओसारापाङ सहनसिल हि। कालाउकि का न्हुसो वाको ह्रुता खाङधुरि पातेङ आनान्त जिबन निङकागेलाइको भाअ्सिङ का एनोङ उधाहरन जेङलि द्वाको।

का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

एला आनान्त काल थेकापा सासन पाका राजा, जेलाउ बुङ बान्चितेङ हिका कालाउ तिङलि बुङ मादोका एमि खिनिङ परमेस्वरहेङ आदार कालाउ महिमा जेलाउलाउ बुङ ज्याको। आमेन।

केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ, कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।