Popular Bible Verses from ၸႃႇၶရီႉ 9

Deildu

လုၵ်ႈ​ယိင်း ၸီႉဢုၼ်ႇ ​ဢိူၺ်း၊ ၸူမ်း​သိူဝ်း​ၼႃႇ​လူင်​လၢင်​တႃႉ။ လုၵ်ႈ​ယိင်း ဝဵင်း​ ယေႇရူႉသလႅမ်ႇ ​ဢိူၺ်း၊ ႁွင်ႉ​ပၢဝ်ႇ​ႁွင်ႉ​လၢတ်ႈ​တႃႉ။ တူၺ်း​လူး။ ၶုၼ်​လူင်​မႂ်း ဢၼ်​ဝႃႈ ၸဝ်ႈ​ဢၼ်​ၸီႇ​ယၢင်ႇ​ၸွမ်း​ၼင်ႇ​တြႃး​လႄႈ မီး​တၢင်း​ဢၼ် ၵႄႇ​သႄႇ​ၶျွတ်ႈ​ဢဝ်​ၼၼ်ႉ မီး​တင်း​ၸႂ်​ဢၼ်​ဢူၼ်ႈ​ဢၼ်​ဢွၼ်ႇ ၶီႇ​လီႈ တင်း​လီႈ​ဢွၼ်ႇ​သေ​လႄႈ မႃး​ၸူး​ၵႃႈ​တီႈ​မႂ်း​ဢေႃႈ။

ၵဝ်​တၵ်း​ပႄႇ​ၽဵဝ်ႈ လေႃႉ​ရထႃး​ပႅတ်ႈ​လႄႈ ၵႃႈ​ၼႂ်း​မိူင်း ဢေႇၽရိမ်ႇ ဢိၵ်ႇ​တင်း​မႃႉ ပႅတ်ႈ​သေ​ၵႃႈ​ၼႂ်း​ဝဵင်း​ ယေႇရူႉသလႅမ်ႇ ​ဢေႃႈ။ ၵၢင်ႇ​တိုၵ်း​သိုၵ်း​ၵေႃႈ တၵ်း​လႆႈ​ၶၢမ်ႇ​တၢင်း​ဢၼ် ပႄႇ​တႅပ်း​ပႅတ်ႈ​ဢေႃႈ။ ၸဝ်ႈ​ၼၼ်ႉ​တၵ်း​မီး​ဢမိင်ႉ ႁႂ်ႈ​ၵူၼ်း​တၢင်ႇ​ၸိူဝ်ႉ​တၢင်ႇ​မဵဝ်း​တင်း​လၢႆ လႆႈ​ထၢတ်ႇ​သိုၵ်း​၊ယဵၼ်​သိုၵ်း​လႄႈ၊ ဢႃႇၼႃႇ​ၸဝ်ႈ တၵ်း​တႄႇ​ယူႇ ဢဝ်​ၵႃႈ​တီႈ​ပၢင်ႇ​လၢႆႇ​မႄႈ​ၼိုင်ႈ တေႃႇ​ထိုင်​ႁွတ်ႈ​ပၢင်ႇ​လၢႆႇ​မႄႈ​ၼိုင်ႈ ဢိၵ်ႇ​တင်း ဢဝ်​ၵႃႈ​တီႈ​ၼမ်ႉ​ႁွင်ႈ​လူင် တေႃႇ​ထိုင်​ႁွတ်ႈ​ႁိမ်း​လႅၼ်​သုတ်း လိၼ်​မိူင်း ဢေႃႈ။

ၼႂ်း​မိုဝ်ႉ​ဝၼ်း​ၼၼ်ႉ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ​ၶဝ် တၵ်း​ၵႄႇ​သႄႇ​ၶျွတ်ႈ​ဢဝ်​ၶဝ်​ၼၼ်ႉ မိူၼ်​ၸိူဝ်ႉ​ၼင်ႇ ၽုင်​သူဝ်း​ဢၼ်​ဝႃႈ ၵူၼ်း​မၼ်း​ၸဝ်ႈ​တင်း​လၢႆ​ၼၼ်ႉ​လႄႈ ၶဝ်​ၼၼ်ႉ​တၵ်း​ပဵၼ် ၸိူဝ်ႉ​ၼင်ႇ​သႅင်​လီ​သႅင်​မျၢတ်ႈ ၵႃႈ​တီႈ​မွၵ်ႇ​ႁူဝ်​သရၽူႇ ဢၼ်​ထၢင်ႇ​သႃး​ႁူင်​ႁၢင်း ၵႃႈ​ၼႂ်း​ၼမ်ႉ​ၸဝ်ႈ၊​လိၼ်​ၸဝ်ႈ​ဢေႃႈ။