Popular Bible Verses from ႁပၵ်ႉၵုၵ်ႉ 3

Deildu

ပိၵ်ႉ​သမ်ႉ​တူၼ်ႈ​မၢၵ်ႇ​လိူဝ်ႇ​သၢင်း​ၽေႃး ဢမ်ႇ​လႆႈ​မွၵ်ႇ​လႆႈ​ၵီႈ၊ ဢမ်ႇ​လႆႈ​မီး​တိၼ်ႇ မီး​မၢၵ်ႇ​တီႈ​တူၼ်ႈ ၶိူဝ်း​မၢၵ်ႇ​ၸပိတ်ႈ၊ တၢင်း​ဢၼ်​တူၼ်ႈ သၢၼ်ႇလုၼ်ႇ သၢင်ႈ​ႁဵတ်း​ၼၼ်ႉ ထၢတ်ႇ​ၵႂႃႇ​ႁၢႆ​ၵႂႃႇ၊ တူင်ႈ​ၼႃး​တင်း​လၢႆ ဢမ်ႇ​လႆႈ​ပၼ် မၢၵ်ႇ​မၼ်း​ႁူင်း​မၼ်း၊ ၽုင်​သူဝ်း​သဵင်ႈ​သေ ၵႃႈ​တီႈ​ၶွၵ်ႈ​သူဝ်း​လႄႈ ၽုင်​ဝူဝ်း​ဢမ်ႇ​လႆႈ​မီး ၵႃႈ​ၼႂ်း​သိုင်ႇ​ဝူဝ်း​သေ​ၵေႃႈ၊- ၵဝ်​တၵ်း​ၸူမ်း​ပျေႃႇ​ယူႇ ၵႃႈ​ၼႂ်း​ထႃႇဝရႃႉ​ၽြႃး လႄႈ သႂၢင်ႇ​သိူဝ်း​ယူႇ ၵႃႈ​ၼႂ်း​ၽြႃး​ပဵၼ်​ၸဝ်ႈ ဢၼ်​ၵႄႇ​သႄႇ​ၶျွတ်ႈ​ဢဝ်​ၵဝ်​ၼၼ်ႉ​ဢေႃႈ။

ၸဝ်ႈ​ထႃႇဝရႃႉ​ၽြႃး ပဵၼ်​တၢင်း​ၵတ်ႉ​တၢင်း​ၶၼ်​ၵဝ်​လႄႈ မၼ်း​ၸဝ်ႈ​တၵ်း​ႁႂ်ႈ တိၼ်​ၵဝ်​ပဵၼ်​ၸိူဝ်ႉ​ၼင်ႇ​ၵႂၢင် ၼင်ႇ​ယီး​ၼၼ်ႉ​သေ​လႄႈ တၵ်း​ႁႂ်ႈ​ၵဝ်​ၵႂႃႇ​မႃး​ယူႇ ၵႃႈ​ၼိူဝ်​ထႃႇၼႃႉ တီႈ​သုင်​ၵဝ်​တင်း​လၢႆ ဢေႃႈ။ ဢၼ်​ၼႆႉ​ပဵၼ်​ပုၼ်ႈ ၵေႃႉ​ဢၼ်​ပဵၼ်​ၵႄႇ​ပဵၼ်​ႁူဝ် ၶိူင်ႈ​ပိူင်​တူႇရီႉယႃႇ​ၵဝ်​ၼၼ်ႉ​ဢေႃႈ။ ၵျၢမ်ႇ​ဢၼႃႇၵၢတ်ႈ​တီႉ​ႁပၵ်ႉၵုၵ်ႉ​ယဝ်ႉ​ယဝ်ႉ​ဢေႃႈ။

ထႃႇဝရႃႉ​ၽြႃး​တီႈ​ၶႃႈ၊ ၶႃႈ​ၸဝ်ႈ လႆႈ​ငိၼ်း​သဵင်​ပျႃႇ​တိၵ်ႈ​ၸဝ်ႈ​ႁဝ်း​လႄႈ ၵူဝ်​ႁႄ​တီႈ​ၶႃႈ​ယဝ်ႉ။ ထႃႇဝရႃႉ​ၽြႃး တီႈ​ၶႃႈ၊ ၶႅၼ်း​တေႃႈ မႄး​ၵုမ်း​မႄး​ႁဵတ်း​ဢမူႉ​ၸဝ်ႈ​ႁဝ်း ၵႃႈ​ၼႂ်း​ၶူပ်ႇ​ပီႊ​ၸိူဝ်း​ၼႆႉ သေ​ၵမ်း​တီႈ​ၶႃႈ၊ ႁႂ်ႈ​လႆႈ​ႁူႉ​လႆႈ​ႁၼ် ၵႃႈ​ၼႂ်း​ၶူပ်ႇ​ပီႊ​ၸိူဝ်း​ၼႆႉ သေ​ၵမ်း​တီႈ​ၶႃႈ၊ ပိၵ်ႉ​သမ်ႉ တၢင်း​ၸႂ်​မႆႈ​ၶႆႈ​ၸႃႉ​ၸဝ်ႈ​ႁဝ်း ဢွၵ်ႇ​သေ​ၵေႃႈ၊ ၶႅၼ်း​တေႃႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵရူႉၼႃႇ​တြႃး သေ​ၵမ်း​တီႈ​ၶႃႈ၊