Popular Bible Verses from 2. Mose 32

Deildu

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

O baro Dewel rakras ap o Mose: “Naash, dja tele, tire menshe, kai tu dran o them Egiptia win anal, kran djungelo koowa. Sik djan le ko dromestar tele, kai me sikrom lende. Jon kran penge i dewel, – i terno gurum, – un mangan les an, maran viechen leske un penan: ‘Kawa hi tiro Dewel, Israel, kowa, kai anas tut dran o them Egiptia win.’”

Har dikas kowa o Aron, kras job i chatchepaskri glan ko gurum, te chatchrenn le viechen leske koi pre, un mukas wi-gole te dell: “Taissar hi i baro diwes, kai sharah o baro Debles!” Un jon stan taissarlakro pre un maran viechen, un chatchran len ko debleske, hoi kran le penge. Ninna wawar viechen anan le pashel, te chan le len khetne. Un jon beshan pen, te chan le un te pijenn le. Un jon stan pre un khelan.

O wawar diwes rakras o Mose ap i Israelitarja: “Tumer anan bari doosh un ladj ap tumende. Kanna kamau pale pash o baro Debleste ap i berga te djal, te mangap lestar, te bistrell lo tumari doosh.”