Popular Bible Verses from 2. Mose 31

Deildu

Shun, me rodom jekes win, te krell lo kai budi mange. Kowa hi o Bezalel. Leskro dad hi o Uri. Koleskro dad his o Hur dran o kheer Juda. Me tchiwom miro ducho an leste, un dom les goswepen un wasta, hoi haiwenn mishto te budrell, te nai krell lo shukar koowa dran sonakai, rup un lolo saster. Ninna haiwell lo kutch barra te tchinell un an gustria te tchiwell. Ninna nai dell lo shukar koowa win tchurje dran kasht, jaake te nai krell lo haki budi.

Pen ap i tsele Israelitarja: Rikrenn o Debleskro diwes tumenge! Kowa sikrell tumen, kai me tumaro Dewel hom, un tumer mire menshe han an hako tsiro. Kowa hi tumenge un tumare tchawenge un lauterenge, kai pal tumende wenna, te dikenn tumer, te rodom me, o baro Dewel, tumen win, te wenn mire menshe.

O Debleskro diwes hi i sikepen mange un mire menshenge, i Israelitarja, hoi hako tsiro atchella. An shob diwessa kras o baro Dewel o bolepen un i phub. Un o eftato diwes kras job tchi un las newi soor.