Popular Bible Verses from 2. Mose 16

Deildu

Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.” Kote rakras o baro Dewel ap o Moseste: “Me mukau tumenge maro dran o bolepen tele te perell. Pen i menshenge te djan le hako diwes win, te lenn le penge jaake bud, har jon an jek diwes nai chan. Jaake nai dikap me palla, te kamenn le tchatchepah pal miro lab te djiwell.

Kote an o mulo tato them wan le chojedo ap o Moseste un o Aroneste.

Palle penas o Mose: “Ap i rat dell lo tumen mass un taissarlakro jaake bud maro, te wenn tchalo. O baro Dewel shunas, har choiran tumen ap leste. Koon ham mer? Gar ap mende choiran tumen, na-a, han chojedo ap o baro Debleste.”

“Me shunom, har chojedo i Israelitarja his. Rake ap lende un pen: ‘An i rat chan tumer mass. Un taissarlakro chan tumer tumen tchalo ap o maro, te dikenn, te hom me tumaro baro Dewel.’”