Popular Bible Verses from 2. Mose 15

Deildu

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

Peskri sorjah was o baro Dewel ap miri rig. Miri giljah sharau les dran o dji. Job las man win. Miro Dewel hi lo, un me kamau les te sharell. Miro dadeskro Dewel hi lo, un me kamau les pre te hadell.

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Tire menshenge kamlo hal, kolenge, kai tu i sorjah win lal un ap i latcho drom anal, hoi pash tiro Debleskro kheer djal.

Palle wan le pash i pani. Ko pani his shutlo, un jon nai pijan les gar. Doleske kharan le les ‘Mara’. Un i menshe wan chojedo ap o Moseste un penan: “Hoi pijas mer?” Koi das lo gole ap o baro Debleste. Un o baro Dewel sikras les i kotar kasht. Kowa witsras lo an o pani, un o pani was latcho. Kote das o baro Dewel len laba, hoi sikrenna, hoi lo lendar kamell, un har te djiwenn le an leskro tchatchepen. Un kote kamas lo ninna te dikell, te shunenn le ap leste.