Vinsæl biblíuvers úr Rom 2

Deildu

Ku yïn ŋadï, yïn raan ee kɔc jɔ̈ɔ̈ny, kɔc ë ka cït ee kakë looi, ku ye kamankë looi gup, ye lueel ë yïpiɔ̈u, an, bä poth ë jäny bï Nhialic yï jɔ̈ɔ̈ny? Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Kuëny ee kɔc kuany yiic aliu tëde Nhialic.

Ku acie kɔc piŋ löŋ tei, kek ee kɔc piɛthpiɔ̈ɔ̈th tëde Nhialic, ee kɔc ë löŋ looi, kek abï tɔ ye kɔc piɛthpiɔ̈ɔ̈th.

Ago raan ëbɛ̈n gäm këde, kë bï röŋ ke luɔidɛn cï looi.

Ku kɔc ë wël tɛɛr, kɔc reec yic gam, ku gamkï kërac, kek abï diu de Nhialic piɔ̈u yök kekë agɔ̈th.

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.