Vinsæl biblíuvers úr Rom 1

Deildu

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Ka ke Nhialic ɣɔn ciɛk ë piny, ka cïï duëërë tïŋ, ka cït riɛldɛn thɛɛr, ku luɔi ee yen Nhialic, kakë aye ke ŋic ëgɔk, aye ke ŋic në ka cï cuëëc. Ku acïn kë bï kek röt kɔ̈c

ku të ciɛk kek Nhialic ŋic, ka cïkï ee riëëu ë riëëu ee Nhialic riëëu, ku cïkï ee leec, acïk aa kɔc ee ɣɔ̈ric tak ë kepiɔ̈ɔ̈th, ago piɔ̈ndɛn piɔl ago cuɔl ëcut.

Kɔc cï yic de Nhialic puk tɔkï ye lueth, ku yek kë cï cuëëc riëëu ku yek luööi, awär Aciëŋ ë cak käŋ, Raan cath ke athiɛɛi aɣet athɛɛr. Amiin.

Ku agönhdïït ë Nhialic agönh bɔ̈ nhial acï nyuɔɔth ë baŋ de reec reecë kɔc Nhialic gam ku baŋ de luɔi rɛɛc ee kɔc looi, kɔc ë yic waan ciëën në rac de kekpiɔ̈ɔ̈th.

Yen aa koonë Nhialic keek abïk kacol ëcut aa kɔɔr ë kepiɔ̈ɔ̈th, acakaa diëërken gup ayek ciɛɛŋ de tik puk, ciɛɛŋ ë ciɛkë piny, ku jɔkï ciɛɛŋ ë piny cak kɔɔr. Ku röör ayadäŋ, ayek luɔi de tik pɔ̈l, luɔi de ciɛɛŋ ë ciɛkë piny, ago ŋɔ̈ɔ̈ŋ de röör ke dɔm arëët, ago röör kë cïï piɛth aa luöi röör, agokï käŋ aa yök ë kegup ka bï röŋ në awäny cïk wööc. Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Aake ye röt tɔ ye kɔc pelnïïm, ku acïk aa kɔc piɔlpiɔ̈ɔ̈th, ku aake ye dhuëëŋ de Nhialic cïï duëër dhiap puk tɔkï cït kë cï cuëëc cït guöp raan bï dhiap, ayï diɛt, ayï läi de cök kaŋuan, ayï ka mol piny.