Popular Bible Verses from Injil 4: Hannan 16

Deildu

Ami tumrare ita ḳoilam, zate tumra amar loge mishia aso gotike mono shanti fao. I duniat tumra duḳ-mosiboto aso, ta-o monobol rakio, ami-u duniare joy ḳorsi.”

Hou hok ruhu aia hari fot deḳaia tumrare furafur hokkan zanaiba. Tain to niz taki kunta ḳoita nae, ḳali zeta hunoin, ota-u ḳoiba. Ar zeta goṭbo, ota-u zanaiba.

Oḳono to tumra amar name kunta saiso na. Sao, teu faibae, zate tumrar kushi fura oy.

Tebou ami hok kota ḳoiram, amar zaoaḳan tumrar lagi bala, ami na gele to hou shaijjogir ruhu aita nae. Ami gelegi tanre tumrar gese faṭaimu. Tain aia gunar befare, Allar morzi mafik solar befare ar Allar bisaror befare manshore hozag korba.

Ou laḳan tumra-o oḳon duk-koshṭo ḳorrae, oile hirbar zebla tumrar loge amar deḳa oibo, hou shomoy kushie tumrar dil borizibo, i kushi keu ḳaṛia nito farto nae. “Hi shomoy tumra amar gese kunta saitae nae. Ami tumrare hasa ḳoiram, tumra amar name amar gaibi bafor gese zeta saibae, tain tumrare diba.

Huno, ami tumrare hasau ḳoiram, tumra ḳandibae ar ahazari korbae, oile i duniar manshe kushi korba. Tumra oḳon duk-koshṭo ḳorbae, oile bade i duk roito nae, er bodla kushi korbae.