Popular Bible Verses from Injil 4: Hannan 17

Deildu

Tumi tarare tumar hok dia ḳas hishabe raḳo. Tumar kalam-u oilo ou hok.

Eḳmatro hok Allare mani tumare ar tumi zenre faṭaiso, hou Isa al-Mosire sina-u oilo aḳeri zindegi.

“Te ami kali erar lagi minot ḳoriar na, tarar lagi-o minot ḳorram, zera erar ḳota hunia amar ufre iman anbo. Ami minot ḳoriar tara hoḳol zanu eḳ oy. Baba, tumi zela amar loge aso ar ami-o zela tumar loge asi, oula tara-o zanu amrar loge milia roin. Teu duniar manshe ekin ḳorba, tumi-u amare faṭaiso.

Ami tumar gese abdar ḳorram na, tumi tarare dunia taki nitaegi, borong ou abdar ḳorram, tumi tarare Iblisor at taki hefazot ḳoro.

Tumi amare ze mohima dan ḳorso, ami ita tarare dan ḳorsi, zate amra zela eḳ, oula tara-o eḳ oita faroin. Tumi zela amar maze aso, ola ami-o tarar maze asi. Ou laḳan tara zanu furafur eḳ oita faroin. Teu duniar manshe buzbo, tumi-u amare faṭaiso, ar tumi amare zela maya ḳoro, oula tarare-o maya ḳoro.