Popular Bible Verses from BBƐ 2

Deildu

Bíel ɔsɛ : « Ánɔ bɛ́kákálákɛ́na máánɔ́ maabɛ́, mbá nɔ sɔ́mba ɔkɔlɔ́ eé meéme ; ɔɔcɔ okime aá banɔ́ é bíótíne eé nyiínyi nyí Yésus *Kilís. Aáná Bandɔ́mɛsɛ́ káá banɔ́ nyɛ́anakɛnɛna maanɔ́ maabɛ́, yɔ́ banɔ́ íínjíékíne Efúúménénú yí Elilé.

Bé ŋe bú bíínjíé bikúlú bikime ɔ ɔlátɛ́na nyiékúnyi nyɛ́ baacɔ bá ɛndɔ́ma, ne olíhe e nyimónjóló noómi, bá nyíáka beébe bekime haála hɔ́mɔtɛ́, bá bɛ́cɔ́kɔ́lɔ́kɛ́na Bandɔ́mɛsɛ́ ɔtɛ́má ɔ́mɔtɛ́.

Aáná *Efúúménénú yí Elilé ŋe yóófókíne e cííbú ɛtɛ́má, yí ŋé nyióyó hú mbiɔ́kɛ eé beébe bekime ; nyíábɔ́ nyitúme ɔtáŋa eényí ɛtáŋa cí etémbí acɛ́ bá ŋa bɔ́ bá bá tɛ abɔ́ táŋa buáyá, háyɛ Elilé ŋeé beébe iínjíékíné makɛ́nda ma ɔtáŋáka.

Bé ŋe síké ébú bítéme, bá ma lɔ́kɔ́ma hilulume hí húlúkúne ɔ ɔmuaná, háyɛ yaandándá yí ehúne ; hí ŋgo nyióyó eé ciíbe acɛ́ bá ŋa bɔ́ bá noómi. Bá ŋa bɔ́ lɛca bɛnyɛ́ma háyɛ tɔbɛ́mbɛ tú oocó awɔ́ ú ŋa lɔ́la ; bɛ́ ŋaá bá bɛ́álɔ́nákánɔ́ náányíá náányia, bí beébe tabaka a bɛɛtɔ́. Aáná *Efúúménénú yí Elilé ŋe yóófókíne e cííbú ɛtɛ́má, yí ŋé nyióyó hú mbiɔ́kɛ eé beébe bekime ; nyíábɔ́ nyitúme ɔtáŋa eényí ɛtáŋa cí etémbí acɛ́ bá ŋa bɔ́ bá bá tɛ abɔ́ táŋa buáyá, háyɛ Elilé ŋeé beébe iínjíékíné makɛ́nda ma ɔtáŋáka.

Ekúlú ekime bá ŋa bɔ́ bá bábɔ́ bɛ́bándákána mɔɔ́sɛ́ mekime eé *Ciíbe cɛ Bandɔ́mɛsɛ́ e nyimónjóló noómi, bé nyíékínyi haála hɔ́mɔtɛ́ a maabɔ́ meébe, bé biíbi nyíáka ne obíléne ne nulénéne ɔ ɔtɛ́má. Bá ŋa bɔ́ bá bébú nyémiki Bandɔ́mɛsɛ́, bé bílénékíne buéŋí baacɔ bekime. Aáná Otéŋí a Waáŋá ŋaá bá we yeéŋényísíki úúbú ɔlɔŋɔ mɔɔ́sɛ́ mekime na baacɔ a bá ma bɔ́ nɔ́hɔkɔ.

“Ɔ mɔɔ́sɛ́ ma nyɛmana, i ké mí neesiki yáámɛ Elilé anyía yé nyíóyo ɛ ɛtɛ́má cɛ́ baacɔ bekime ; híáná na bíánɔ́ bɛnɔ́kɔ́ na báánɔ́ babɔ́la ké bú hémúkúnyi bíámɛ bɛsana, bíánɔ́ bɛnɔ́kɔ́ ká bɔ́ lɛ́caka biseye bɛ́ bɛsana, bíánɔ́ bilunyí bɛ́ baacɔ ká bɔ́ lámanaka taaká cɛ́ bɛsana bɛ́ Bandɔ́mɛsɛ́.

Bá ŋaá bá bébú líhéke e nyimónjóló noómi, bá látaka bíábɔ́ bɛnyɛ́ma haála hɔ́mɔtɛ́. Bá ŋa bɔ́ bá bébú túéke na bíábɔ́ bikéti bí iisí, na bíábɔ́ bɛnyɛ́ma, bá áafakana mɔɔnyɛ́ eémé beébe bekime, ɔɔcɔ okime yó hiíte ɔmbana awɔ́ á nyɛ́mana ne wuúci a bɛsana e bí ŋeé wuúci yébi.

Yaátɛ́ asana ɔɔcɔ okime awɔ́ u káá lɔ́ŋɛ́ta Otéŋí a Waáŋá anyía wé wuúci nóhi kɔ́ɔ́ nɔ́hɔ.”

ɔɔ́cɔ́ ké búle á lɛ́cana háyɛ ibíne, oólí lɛcakana háyɛ manɔ́ŋɔ́, ekúlú eéyé ɛ́cɛ buɔ́sɛ́ bú nyɛkahálɔ́mɔ́na nyí Otéŋí a Waáŋá tɛ ŋgaá hámá ; bú káá bá yaandándá yɛ́ buɔ́sɛ́ abɔ́ núáyɛ́ nuúmi káá lɛ́cakana.