Popular Bible Verses from BBƐ 1

Deildu

Asana ɔ́mɔtɛ́, Bandɔ́mɛsɛ́ káá banɔ́ iínjie makɛ́nda ekúlú eyí *Efúúménénú yí Elilé ké yóofine náánɔ́, nu ká nɔ́ bámɔ́kɔ́nɛ́na báámɛ bambasɔ́mbásɔ, núo bíkétíkínyi baacɔ bɛsana ebí nú ŋe nú menyi aámɛ a asana, o otúme e Yelúsalɛm, ɔ ɔháma i iisí ne ci *Yuté ikime na cɛ *Samalí, ɔ ɔkɔɔ́háma ɔ mɔnɔŋɔ mekime me nyióndi ma ɔmɛsɛ́ ooci. »

Yésus ɔsɛ : « Bu tɛ ŋá banɔ́ lɛ́ca anyía nuénu ményi bikúlú ta anyía onjéŋí, anyía bɛsana eébí ciamɛ́ Síkíne bímuócí ú ŋeé biíbi télímíkínyí aá maayɛ́ makɛ́nda ma bɛ́muátá.

Búmɔtɛ́ buɔ́sɛ́, u ŋaá bá weé nyíékínyi ne beébe, u ŋé beébe laána ɔsɛ : « Nɔtɛ hatɔ́na e *Yelúsalɛm, mbá núá tátáka ɛndána acɛ́ ciamɛ́ Síkíne ŋaá banɔ́ bɛ́tánɛ́ná, ciíci ɛ ŋa mɛ́ cáŋa ɔ banɔ́ láakɛna. Yááŋa anyía Sáaŋ ŋaá bá we yóotokine bu ootokine baacɔ ne menyífé, mbá banɔ́ Bandɔ́mɛsɛ́ káá banɔ́ óótokine ne Efúúménénú yí Elilé a tuɔ́sɛ́ɔ́sɛ́ a tɔ́ ŋá fáakɔna. »

E elime ci muuyé amɔ́ ú ŋaá lɔ́kɔ́máká, u ŋé wé. Mbá u ŋa háányúá e biwéewé, yó bítóŋgínyi bɔmbányɛ bɔmbányɛ náábɔ́ a mɔɔ́sɛ́ etíne éfendí bikúlú biéŋí, anyía bébú ményi anyía wáŋa wɔɔ́sɔ ; u ŋeé beébe bíkétíkínyi bɛsana a bɛ́ ŋa lɛ́ca *Butéŋí bɔ́ Bandɔ́mɛsɛ́.

Ekúlú ayɛ́ u ŋa máná ɔtáŋa oócí, Bandɔ́mɛsɛ́ nyi wuúci béétísi eényí ɔ Ɔmuaná, bé wuúci lɛcaka u báátáka ; bɛlɔndɔ́ ŋé wuúci bíhúéne, bá tɛ háná wuúci lɛca.

Ekúlú ayɛ́ bá ŋa bɔ́ bá batálánɔ́ eése ɔ Ɔmuaná, haála ehé Yésus ŋaá bá wá báátáka, bé ŋe síke ébú bítéme ɛ́cɛ baacɔ béfendí meé beébe tálɛ́mɛ́nɛ́na hú huasɛ eé buúse. Bá ŋa bɔ́ bá balaŋábákánɔ́ bɛlaŋa e bifúlúndúndúé, mbá báyɛ : « Banɔ́ baacɔ bá *Kalilé eebe, anyíatɛ́ nú ma nɔ́ yáánákɛ́na ɔ ɔlɛca ɔmuaná e ? Yésus ooci awɔ́ Bandɔ́mɛsɛ́ me wuúci béétísi ɔ Ɔmuaná, nu wuúci lɛcaka wá báátáka, wuúci u ká háná ka hálɔmɔna híáná háyɛ núánɔ́ lɛ́caka wá báátáka. »