Popular Bible Verses from عٜڢٜسُعٜنْ 4

Deildu

مبٛونِنْدِرٜ، عٜنْطٛوتِرٜ، نجَاڢٛتِرٜ بَنَ اَللَّه يَاڢٛرَنِ عٛنْ ندٜرْ اَلْمَسِيحُ؞

لَاتٜ تُمْ يَنغْکِنِيࢡٜ عٜ طٜلْمَ-غِکُّعٜنْ عٜ مُࢩْࢡٜ، مُࢩِندِرٜ بٜى يِيدٜ؞

تَا مبٛلْوٜ بٛلّٜ نَاوْطٜ، سٜيْ نَڢٛوجٜ، مَوْنِنٛوجٜ، کَانْدُطٜ، حَا عٛنْ مٛعَّنَ نَنَنْࢡٜ عٛنْ؞

شٛتِّنٜ مٜتَّمْࢡٜرَمْ عٜ ࢡٜرْنُکِ عٜ تِکّٜرٜ عٜ حَاعِنَارٜ عٜ تُڢْلٜ ڢُو دِغَ ندٜرْ ࢡٜرْطٜ مٛنْ؞ عِتّٜ نغَࢩَاندِ ڢُو بٛو شَکَ مٛوطٛنْ؞

تٛ عٛنْ تِکِّ، تَا مبَطٜ حَکّٜ؞ تَا عٛنْ ࢩَلَّ بٜى تِکّٜرٜ، تَا عٛنْ ندٛکَّ عِبْلِسَ لَاوٛلْ نَنغُغٛ عٛنْ؞

عٛعٜکِّتِنِ عٛنْ نغَمْ حَا عٛنْ شٜىٰدَ بٜى نٜطّٛ مٛنْ ࢡٛويْمَاجٛ عٜ بٜى غِکُّ مُمْ ࢡٛويْمَاوُ، مٛ سُونٛوجِ مُمْ طٛنّٛ مَجِّنَ، کَلْکَ طُمْ، نٛنْ بٛو عٛنْ عَشَّ رُوحُ اَللَّه حٜسْطِتِنَ حَکِّيلٛوجِ مٛنْ، عٛنْ ࢡٛرْنٛ نٜطّٛ کٜسٛ مٛ اَللَّه تَغِ ندٜرْ عَدِلَاکُ عٜ سٜنَارٜ غٛونغَ مُوطُمْ؞

تِينٜ عَيْنُغٛ نغٛوتَاکُ رُوحُ ندٜرْ جٛوندٜ سَلَامَنْ حَوْتُندٜ عٛنْ‏

کَنغْکٛ وٛنِ دٛکُّطٛ دٛکّٜ‏: عٛوَطِ وٛطْࢡٜ نٜلَاࢡٜ، وٛطْࢡٜ اَلنَّبِعٜنْ، وٛطْࢡٜ وَازٛوࢡٜ، وٛطْࢡٜ بٛو وَيْنَاࢡٜ عٜ عٜکِّتِنٛوࢡٜ نغَمْ حَا ࢡٜتَاسْکِتِنَ سٜنَاࢡٜ نغَمْ کُوطٜ مُوطُمْعٜنْ، نغَمْ مَوْنِنْغٛ ࢡَنْدُ اَلْمَسِيحُ بٛو، حَا تٛ عٜنْ ڢُو عٜنْ کَوْرِتِ بٜى نُطِّنْکِ غٛوتِ عٜ عَنْدَلْ ࢡِطّٛ اَللَّه غٛوتَلْ، عٜنْ مَوْنِ بَنَ غٛطّٛ مَوْطٛ، عٜنْ نجٛتّٛ دَرْندٜ اَلْمَسِيحُ تِمُّندٜ،

عٜنْ مٜىٰتَتَا لَاتَاغٛ ࢡِکّٛيْ کٛيْ ࢨُوغٜ ندِمْبِنْتَ، تٛکّٛتٛوکٛيْ عٜکِّتِنٛلْجِ ݠٜوٛوجِ عٜ رِکِشِ يِمْࢡٜ، دَبَرٜىٰجِ مَࢡّٜ عٜسْتَتَا عٜنْ؞ عَمَّا بٜى وٛلْوِندِرْغٛ غٛونغَ بٜى يِيدٜ، سٜيْ عٜنْ مَوْنَ غَلْ بَکٜىٰجٜ ڢُو حٜىٰدِ اَلْمَسِيحُ، لَاتِيطٛ حٛورٜ ࢡَنْدُ؞