Popular Bible Verses from Yoohá̧na 15

Deildu

“Mí man kan la"ɨ; ví man víí kan waa hȩȩné woo vu̵ yu̵. Nán a má'án kan mí, a̧n má'án kannɔ á̧ḿ tée, wú̵ń kɔ́ hȩn yȩ́ń ɓu̵u̵lı̵́ na'a. Tow i hı̵́'ı̵́n kan mí tée, víń kɔ́n hȩn yȩ́ń tóó né sá̧ḿ.

I má'án kan mí tée, míń má'án kan ví á̧ḿ. Tow i má'án kan mí ní tée, víń kɔ́n hȩn yȩ́ń tóó né, kɔ́ ı̵́ la' waa ka liin kan fó̧ó̧ woo né máa wɔgɔ. Séý wú̵ń bé'én kan la' na'a pȩ́ń.

Tow i má'án kan mí, moo míí u̵u̵ mbaa zó̧ó̧ víílí á̧ḿ tée, i ɓá' hȩn kíí hí̧í̧ máa tée, víń nuŋŋɔ́.

Víi yeen mí ní, a̧máa míi yee 'yɛ́ ví, moo i la kɔ́ hȩn yȩ́ńne, ba'ad víí a lı̵́d sá á̧ḿ. Moo woo nɔ, i ɓá' Ba'á hȩn kan yɛ́g míí tée, wú̵ń pú̵ ví ú.

Hí̧í̧lí̧ gbo̧o̧ tóó mban nán ka pú̵n fó̧ó̧ woo moo daga gboo voo máa né.

La' waa 'waapád ka hȩȩ míílí̧ máa, a lii ní tée, wú̵ń heewu̵ gbɔ. La' waa 'waapád ı̵́ ka lii máa, wú̵ń mbɔ́ggu̵ moo a duu lii mba hȩnne.

Dooká míí wu̵ yɛ nɔ. I hí̧í̧n ya víílí kɔ́ ı̵́ káń hí̧í̧ ví yɛ wɔgɔ.

I kɔ́ hȩn yȩ́ń vu̵ ɓu̵u̵lı̵́ na'a tée, Ba' míí wú̵ń nuŋ na"ȩ́ wu̵lı̵́; víń mbaa waa duulí míí vu̵ ı̵́ yo̧go̧ á̧ḿ.”

Yesu duu o̧d vu̵: “Mí man kan la' ka lii də́ń kəd má nɔ; Ba' míí wu̵ ı̵́ bab aga ka dɨ baalı̵́ má nɔ.

Nán a má'án kan mí ní tée, vú̵ń gbɔgɔ gɔ́ŋ́ kɔ́ ı̵́ la' waa wɔgɔ. Wú̵ń 'wɔ́, tée vú̵ń fá̧á̧ gbɔgɔ vɛlı̵́, wú̵ń a̧n.

“Mí o̧d ví hȩn yȩ vu̵ sú̵'ú̵, moo zó̧ó̧ dȩ"ȩ́ míí a mbaa kan víw, moo zó̧ó̧ dȩ"ȩ́ víí a dȩ' sí̧' la gbug á̧ḿ.

I duu moo míí káń pa yɛ vu̵ ú̵ tée, víń mbaa kan hí̧í̧lí̧ míí yɛ kɔ́ ı̵́ káń duu dooká Ba'á woo, ma káń mbaa kan hí̧í̧lí̧ woo yɛ wɔgɔ á̧ḿ.

Hȩn káń bi o̧d ví máa, wu̵ yɛ nɔ: I hí̧í̧n ya víílí ú.”

Ka víń nán hágá yɛ vu̵ yu̵ á̧ḿ tée, ka vu̵n hí̧í̧ ví ú, moo ví nán voo vu̵ yu̵. A̧máa ví nán hágá yɛ vu̵ yu̵ pɛ́lı̵́, mí yee ví sı̵́ sa̧a̧m voolı̵́ ú̵, moo woo nɔ ma, vu̵ máń ví.