Popular Bible Verses from Yoohá̧na 14

Deildu

Mí pú̵ ví ká̧'a̧d, ká̧'a̧d ı̵́ míí yɔ. Mí pú̵n ví kɔ́ ı̵́ nánán ku̵u̵ pú̵n daga vu̵ wɔgɔ né. Zó̧ó̧ a tó̧' ví sá, i gbɔ́ dam sá á̧ḿ.

Yesu hí̧i̧du̵: “Mí mbaa kɔ́ ı̵́ hi̧naa laalı̵́ Tayɨɨ woolı̵́ wɔgɔ. Míi tú' moo yȩ́ń yúú Tayɨɨ woolı̵́. Míi pú̵ nán vu̵ vágád káákáá á̧ḿ. Nán tóó wú̵ń ya̧n Ba'á woolı̵́ né, séý wú̵ń ya̧a̧ duu míílí̧ pȩ́ń.

Yesu o̧d waa duulí woo vu̵: “Zó̧ó̧ a tó̧' ví sá. I 'yɛ́ zó̧ó̧ Tayɨɨ woolı̵́, i 'yɛ́ zó̧ó̧ míílí̧ á̧ḿ.

A̧máa yigid Tayɨɨ woo, ı̵́ a maa ví yúú mbaalı̵́ víílí, Ba'á a ba' kan yɛ́g míí máa, wú̵ńnɔ tú'ud ví hȩn 'waapád. Wú̵ń duu ta'ad moo káń o̧d ví máa vu̵ 'waapád á̧ḿ.

Nán a ki dooká míí vu̵, a duu vu̵ tée, aga hí̧i̧n sú̵'ú̵. Nán a hí̧i̧n tée, Ba'á wú̵ń hí̧í̧wo̧ á̧ḿ. Ɨ́ míí míń hí̧í̧wo̧, míń yaa woolı̵́ á̧ḿ.”

Tée míń ɓá' Ba'á, wú̵ń pú̵ ví ı̵́ a maa ví yúú mbaalı̵́ víílí máa á̧ḿ, wú̵ń mbaa kan ví káákáá. Wu̵ yigid Tayɨɨ woo; wú̵ńnɔ tú'ud ví moo yȩ́ń. Nán ı̵́ tóó vú̵ń nugunɔ né, moo vu̵ ho̧nnɔ né, vu̵ gaanɔ né á̧ḿ. A̧máa ı̵́ víí máa, ví gaawu̵ sú̵'ú̵, moo mbaa dɨ bə́' kan ví, wú̵ń dɔ́ mbaa zó̧ó̧ víílí.

Hȩn i ɓá' kan yɛ́g míí máa, míń pú̵ ví ú, moo Ba'á a nuŋ na"ȩ́ yúú míílí̧. Mí Waa woo nɔ. Tow i ɓá' hȩn tóó kan yɛ́g míí tée, míńnɔ pú̵ ví.”

Yesu duu o̧d vu̵: “I hí̧i̧nɔ́ tée, víń duu dooká míí yɛ vu̵ á̧ḿ.

Ya mbaalı̵́ dɨ kíi Ba' míí woolı̵́ ɓu̵u̵lı̵́ na'a. Kan ı̵́ yo̧go̧ pɛ́lı̵́ tée, ka míń o̧d ví bin laad ví ya mbaalı̵́ mbɔ́ggáa?

A̧n la mbɔ́g 'waa sú̵'ú̵ tée, míń fíí ya ɓɛ ví laan míílí̧, moo ya a̧n mbaa wu̵lı̵́ máa, víń mbaa wu̵lı̵́ á̧ḿ.

Ma Tomás vigi: “Ba'á, vɔ́ gaan ya a̧m laan wu̵lı̵́ yȩ né, tée vɔ́ń dəŋ née gaa hi̧naa woolá?”