Màlité ỌzọIhe Nhụchatụ

Chineke Nke Mmalite Ọhụrụ. Nwaanyi amaghị onye ọ ga-ezute ụbọchị ahụ, na otú Ọ ga-esi gbanwee ndụ ya. Ọ lụọla di ugboro ise, ma ya na onye na-abụghị di ya bi ugbu a. Ikekwe (dị ka ụfọdụ ndị ọkà mmụta Akwụkwọ Nsọ chere) o seerè mmiri n’oge ehihie n’ihi na ọ dịghị onye ọzọ n'esere mmiri n’oge a. Ikekwe ọ bụghị onye ndi obodo nabatarà. Ikekwe n'ihi nhọrọ omume o mere, ọ bụ onye achụpụrụ achụpụ. N’ezie, dị ka nwaanyị onye Sameria, ọ tụghị anya na Jizọs ga-agwa ya okwu n’ụbọchị ahụ - ma ọ bụkwanụ̀ rịọ ya mmiri ka Ọ ṅụọ. Nwaanyi Sameria kọwara ya n’onwe ya, sị: “Ị bụ onye Juu, abụkwa m nwaanyị Sameria. Gịnị mere i ji na-arịọ m mmiri ka Ị ñụọ?” Nwaanyi a maarà "ebe" ya. Mana Jizọs ma ihe Ọ n'ēme; ọ bu oké ọṅù Ya kasi elu - dika nri nye afọ n'eribeghị ihe ọbụla. Jizọs maarà onye Nwaanyị Sameria bụ̀, Ọ makwaarà ihe na Onye ọ chọrọ. Ee, Ọ rịọrọ ya ka o nye Ya mmiri ka Ọ ñụọ, n'ụdụdị mmadụ Ọ dị na ike gwụrụ́ Ya n'ihi ije O jere n'okpuru anyanwu ọkpọmọkụ. Mana mgbe ahu ka Ọ nyere ya miri nke ndụ, ka akpiri ghara ikpọ ya nkụ ọzọ. Ndụ Nwaanyi Sameria gosiri otú ọ dị ya mkpa ka e mejụọ agụụ ya, ka obi ya chọta ebe obibi ya. Ma ebe a ka Jizọs nọ -- Mesaịa ya, ebe obibi ya. Nwaanyi Sameria hapụrụ ite mmiri ya n’akụkụ olulu mmiri ahụ, ite mmiri ahụ ọ ji n'eme ka akpịrị ghara idi na-akpọ ya nkụ, ọ gbaghachirì n’obodo nta ahụ ka ọ gwa ndị obodo ahụ banyere nwoke ahụ gwara ya ihe niile o merè, ma jụọ ajụjụ nke ga-eme ka onye ọ bụla chọpụta banyere onwe ha. "Ò nwerè ike ịbụ Mesaịa ahụ?" (amaokwu iri abụọ na itọlụ) Ọtụtụ ndị Sameria kweerè na Jizọs n’ihi ihe o kwụrụ (amaokwu iri atọ na itọlụ rụọ iri anọ na abụọ). Mgbe Jizọs gosiri ya ihe ọ mere ma nye ya ndụ nke akpịrị na-agaghị akpọ ya nkụ ọzọ, nke ahu tụgharịrị ndụ ya isi n'ala. A gbaghaarà ya, ya enwee mmetụta nke amara, ma e nyekwarà ya ohere ọhụrụ ná ndụ. O nwetarà ozi ọma nke amara wee gbara ga gwa onye ọ bụla ọ maarà n’ihi ndụ ọhụrụ o nwetarà, ọtụtụ ndị mmadu wee chọta Ndụ n’onwe ha. Mmalite ọhụrụ ya nyerè ndị ọzọ mmalite ọhụrụ ha. Nke a bụ̀ ọñụ Kraịst. Ajụjụ ndị aga atụgharị n'uche: 1. Mmadụ nwerè ike ịsị na ite mmiri nke nwaanyị Sameria nọchiri anya mbọ ya imeju obi ya jiri ịhụnanya nke umu nwoke. Ma nke ahụ emeghị ka ọ mejụọ ọchịchọ obi ya nke miri emi n'ezie. Kedụ maka gị? Kedụ ihe ị ji eju ite mmiri gị? Kedụ ka o si mee ka afọ ju obi gị nke ọma? 2. Jizọs nyerè nwaanyị Sameria ihe ga-eju obi ya n'ezie: Onwe Ya bụ́ Jizọs. Ọ maarà mmehie ya ma nye ya ihe ga-enye ya ndụ n'ezie. Jizọs nà-enye gị otu ihe ahụ. Ọ maarà gị na ndụ nke na-adịghị afọ ojuju n'ezie, ma nà-enye gị Onwe Ya - mmiri nke ndụ. Ọ̀ gà-amasị gị ịnata onyinye Mmiri Nke Ndụ ka Ị wee nweta mmalite ọhụrụ gasị n'ime ndụ gị?