1 कुरिन्थियां 6
6
आपसी झग़ड़ा चा निपटारा
1का तम्चे महु कानु हा हिम्मत छै कि जिसे बेले ङुजे लारे झग़ड़ा हो तां फैंसले वास्ते अविश्वासीया गोढु जाओ ते नरीकारा चे पवित्र लौका गोढु ना जाओ? 2का तम्ही ना जाणा, कि नरीकारा चे पवित्र लौक संसारा चा न्यां करे? ते जब तम्हानु संसारा चा न्यां करना छै, तां का तम्ही यां छोटे कनु छोटे झग़ड़ा चा वी निर्णय करने चे काबिल कोनी? 3का तम्ही ना जाणा कि अम्ही स्वर्ग़दूता चा न्यां करु? तां का संसारिक बाता चा निर्णय ना करु? 4अगर तम्हानु संसारिक बाता चा निर्णय करना हो, तां का वानु ब़िसाणा जको कलीसिया मां कहीं ना समझले जई? 5मैं तम्हानु कायल करने वास्ते ईं किहे पला। का सच्चमां तम्चे महु हेक वी दिमाकदार कोनी जको आपणे भावां चा न्यां कर सग़ो? 6पर इठे तां भऊ भावां मां मुकदमा हुवे ते ओ वी अविश्वासीया चे सामणे।
7सच्चमां तम्चे मां बङा कसूर तां हा छै कि आपस मां मुकदमा करा बल्कि अन्याय कां ना सीहा? आपणे नुकसान कां ना सीहा? 8पर ऐचे बजाय अन्याय करा ते नुकसान पुचावा, ते ऊं वी भावां नु।
9का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्का ना खावा, ना वेश्यागामी, ना मूर्तिपूजक, ना परअसतरी गामी, ना लुच्चे, ना पुरुषगामी, 10ना चोर, ना लोभी, ना शराबी, ना चुग़लखौर, ना ठग़्ग़ी करने आले नरीकारा चे राज़ चे वारिस नी हुवे। 11ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।
शरीर नरीकारा ची महिमा वास्ते छै
12 #
1 कुरि 10:23
सारीया चीजा माये वास्ते वाजिब तां छी। पर सारीया चीजा फायदे चा कोनी। सारीया चीजा माये वास्ते वाजिब छी। पर मैं कुई बाते चे अधीन नी हुवी। 13खाणे ढिड्डा वास्ते ते ढेड्ड खाणे वास्ते छै। पर नरीकार यां ङुंहु नु नाश करी। शरीर व्यभिचार वास्ते कोनी, बल्कि प्रभु वास्ते छै ते प्रभु शरीरा वास्ते छै। 14ते नरीकारा ने आपणी सामर्थ लारे प्रभु नु मरले आला महु जिवाले ते यूं अम्हानु वी जिवावी। 15का तम्ही ना जाणा कि तम्चे सब शरीर मसीह चे अंग छी? तां का मैं मसीह चे अंगा नु वेश्या चे अंग बणावे? कङी वी ना। 16का तम्ही ना जाणा कि जको कुई वेश्या लारे संगति राखे ओ विचे लारे हेक तन हुती जाये? कांकि लिखले आले छै, “वे ङोनी हेको तन हुवे।” 17ते जको प्रभु ची संगति मां रिहे ऊं ओचे लारे हेक आत्मा हुती जाये।
18व्यभिचार कनु बचले रिहा। ङुजे सारे पाप इन्सान करे वे शरीरा चे ब़ाहर छी, पर व्यभिचार करने आले आपणे ही शरीरा चे खिलाप पाप करे। 19#1 कुरि 3:16; 2 कुरि 6:16का तम्ही ना जाणा कि तम्चे शरीर पवित्र आत्मा चा मन्दर छै जको तम्चे भीतर बसला आला छै ते तम्हानु नरीकारा चे तरफु मिड़ला आला छै? तम्हानु तम्चे उपर अधिकार कोनी। 20कांकि तम्ची कीमत ङिती कर मोल खरीदले, ऐवास्ते आपणे शरीरा चे जरिये नरीकारा ची महिमा करा।
Nke Ahọpụtara Ugbu A:
1 कुरिन्थियां 6: ODR
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
CC BY-NC-ND 4.0