Nut Kaka 2
2
Nl nam'el m'er mlinar nakl
1Laha, a Mlin Eia iv'ana m'ei a Musis m'ei a Erun, kavr anr, kavr ti a, 2“M'ertu udlani a Isrel ipahl nmah kanuisan arna nut v'iv'a au na nmah kanuis na tamatan Atua. Ipahl vlaik ipamk, ipav'i nkan pr. Ipahli asn vlaik na nl nam'elan a tetian. 3Sarei, arna tv'eliel arna Is, arna nut neiel itpeia dan, arm'ertu avlak a nv' vlaik, la iv'i nkar m'rnur a Suta ha, apavhl nmah kanuisar atlera. A Nasun, iv'i a natn Aminatap, ipav'i mlinar arm'ertu a Suta.” 4Laha, naran avspanr m'rnuran, avla ti avv'i 74,600. 5Sarei, a Mlin Eia ivr ti a, “Arm'ertu apavhl nmah kanuisar arna nut ihihi apavv'i nl nam'elan a Isakar. A Netanel, a natn a Suar, ipav'i mlinar arm'ertu a Isakar.” 6Laha, naran avspanr m'rnuran, avla ti avv'i 54,400. 7Sarei, a Mlin Eia ivr ti a, “Nl nam'elan a Sepulun apavlak mima asnr. A Eliap, a natn a Elun, ipav'i mlinar arm'ertu a Sepulun.” 8Laha, naran avspanr m'rnuran, avla ti avv'i 57,400. 9Sarei ml, a Mlin Eia ivr ti a, “Arm'ertu udlani avv'i m'rnur kavp'lt m'er arm'rnuran a Suta, hir udlani apavlev'lar nmah kanuisar kavv'el kavtauamu anr m'ertu uraur nakl.” Laha, naran avspanr, avla ti avv'i 186,400.
10Sarei, a Mlin Eia ivr ti a, “Sarei, arna tv'eliel arna Saut, apavhl vlaikar arm'rnuran a Rup'en. Apavhl nmah kanuisar atlera. Laha, a mlinar m'ertu a Rup'en ipav'i a Elisur, a natn a Seteur.” 11Laha, naran avspanr m'rnuran, avla ti avv'i 46,500. 12Sarei, a Mlin Eia ivr ti a, “Arm'ertu apavhl nmah kanuisar arna nut ihihi apavv'i nl nam'elan a Simiun. A Selumiel, a natn a Surisatai, ipav'i mlinar arm'ertu a Simiun.” 13Laha, naran avspanr m'rnuran, avla ti avv'i 59,300. 14Sarei, a Mlin Eia ivr ti a, “Nl nam'elan a Kat apavlak mima asnr. A Eliasav, a natn a Ruel, ipav'i mlinar arm'ertu a Kat.” 15Laha, naran avspanr m'rnuran, avla ti avv'i 45,650. 16Sarei ml, a Mlin Eia ivr ti a, “Arm'ertu udlani avv'i m'rnur kavp'lt m'er arm'rnuran a Rup'en, hir udlani apavlev'lar nmah kanuisar kavv'el kavsapar arm'ertu a Suta, la avtauamu anr ha.” Laha, naran avspanr, avla ti avv'i 151,450.
17Sarei, a Mlin Eia ivr ti a, “Nmah kanuis na tamatan Atua ipav'el m'er arm'ertu a Livai, a p't nut nar m'ertu uraur. Inap'i lera, apavhl nmah kanuisar, sarei apavv'el--arm'ertu udlani apavv'el kavsapa nut attu sarei, kavsapa vlaikar.
18Sarei, arna tv'eliel arna Ues, apavhl vlaikar arm'rnuran a Ivrem. Apavhl nmah kanuisar atlera. Laha, a mlinar m'ertu a Ivrem ipav'i a Elisama, a natn Amihut.” 19Laha, naran avspanr m'rnuran, avla ti avv'i 40,500. 20Sarei, a Mlin Eia ivr ti a, “Arm'ertu apavhl nmah kanuisar arna nut ihihi apavv'i nl nam'elan a Manasa. A Kamaliel, a natn a Petasur, ipav'i mlinar arm'ertu a Manasa.” 21Laha, naran avspanr m'rnuran, avla ti avv'i 32,200. 22Sarei, a Mlin Eia ivr ti a, “Nl nam'elan a P'ensamin apavlak mima asnr. Apitan, a natn a Kitiuni, ipav'i mlinar arm'ertu a P'ensamin.” 23Laha, naran avspanr m'rnuran, avla ti avv'i 35,400. 24Sarei ml, a Mlin Eia ivr ti a, “Arm'ertu udlani avv'i m'rnur kavp'lt m'er arm'rnuran a Ivrem, hir udlani apavlev'la nmah kanuisar kavv'el, apavv'i nitlar arm'ertu avv'el nakl.” Laha, naran avspanr, avla ti avv'i 108,100.
25Sarei ml, a Mlin Eia ivr ti a, “Arna tv'eliel arna Nut, apavhl vlaikar arm'rnuran a Tan. Apavhl nmah kanuisar atlera. Laha, a mlinar m'ertu a Tan ipav'i Ahiesa, a natn Amisatai.” 26Laha, naran avspanr m'rnuran, avla ti avv'i 62,700. 27Sarei, a Mlin Eia ivr ti a, “Arm'ertu apavhl nmah kanuisar arna nut ihihi apavv'i nl nam'elan Aser. A Pakiel, a natn a Ukran, ipav'i mlinar arm'ertu Aser.” 28Laha, naran avspanr m'rnuran, avla ti avv'i 41,500. 29Sarei, a Mlin Eia ivr ti a, “Nl nam'elan a Navtali apavlak mima asnr. Ahira, a natn a Enan, ipav'i mlinar arm'ertu a Navtali.” 30Laha, naran avspanr m'rnuran, avla ti avv'i 53,400. 31Sarei ml, a Mlin Eia ivr ti a, “Arm'ertu udlani avv'i m'rnur kavp'lt m'er arm'rnuran a Ivrem, hir udlani apavlev'la nmah kanuisar kavv'el, apavtauatah anr m'ertu udlani atvv'el sarei.” Laha, naran avspanr, avla ti avv'i 157,600.
32Arm'ertu lera udlani avv'i m'ertu avspanr asnr arm'ertu a Isrel, kavsapar nl nam'elar a tetiar. Laha, arm'rnur lera udlani la avspanr ha, avv'i 603,550. 33V'eti ahavspanr arm'ertu a Livai asnr arm'ertu a Isrel, inep'a nut a Mlin Eia itvr sarei an a Musis inap'ei. 34Laha, arm'ertu a Isrel avan si udlani inep'a nut a Mlin Eia itvr sarei an a Musis a ti ipani ipanap'ei. Sarei, avhl nmah kanuisar a nv' vlaikar nakl, sarei kavlev'lar nmah kanuisar, m'ertu udlani p'sev' m'er vamliar nakl, kavsapar nl nam'elar a tetiar.
© 2023 Presbyterian Reformed Church of Australia