ኀበ ጢሞቴዎስ 2 4
4
ምዕራፍ 4
በእንተ አዝልፎ ትምህርት
1 #
ግብረ ሐዋ. 10፥42። ወእኤዝዘከ በቅድመ እግዚአብሔር ወእግዚእነ ኢየሱስ ክርስቶስ ዘሀለዎ ይኰንን ሕያዋነ ወሙታነ አመ ይመጽእ በመንግሥቱ። 2#ኢሳ. 58፥1፤ ቲቶ 1፥9-10። ከመ ትስብክ ቃሎ ቀዊመከ በድቡት በጊዜሁ ወዘእንበለ ጊዜሁ ገሥጽ ወተዛለፍ ናዝዝ ወየውህ እንዘ ትትዔገሥ በኵሉ ወትሜህር። 3#1ጢሞ. 1፥13፤ 4፥1። እስመ ይበጽሕ ጊዜሁ አመ የአብይዋ ለትምህርተ ሕይወት ወየሐውሩ በፍትወቶሙ ወያመጽኡ መምህራነ ለርእሶሙ በሁከተ እዘኒሆሙ። 4#1ጢሞ. 4፥7፤ 2ተሰ. 2፥11። ወይመይጡ እዘኒሆሙ እምጽድቅ ወያመጽኡ ካልአ ትምህርተ ወይትመየጡ ኀበ መሐደምት። 5#ግብረ ሐዋ. 21፥8። ወአንተሰ ንቃህ ወጥበብ በኵሉ ወጻሙ ወግበር ምግባረ ወንጌላዌ ወኩን ወፈጽም መልእክተከ። 6#ፊልጵ. 2፥17። ወአንሰ ወዳእኩ ወሰለጥኩ ወበጽሐኒ ዕድሜየ ለአዕርፎ። 7#1ቆሮ. 9፥25፤ 1ጢሞ. 6፥12። ሠናየ ገድለ ተጋደልኩ በድርየኒ ፈጸምኩ ወሃይማኖትየኒ ዐቀብኩ። 8#2፥5፤ 1ጴጥ. 5፥4፤ ያዕ. 1፥12። እንከሰ ጽኑሕ ሊተ አክሊለ ጽድቅ ዘየዐስየኒ ይእተ ዕለተ እግዚአብሔር መኰንነ ጽድቅ ወአኮ ለባሕቲትየ አላ ለኵሎሙ እለ ያፈቅሩ ምጽአተ ዚኣሁ። 9አስተፋጥን ትምጻእ ኀቤየ ፍጡነ። 10#ቈላ. 4፥14፤ ፊል. 24፤ 2ቆሮ. 8፥23፤ ገላ. 2፥3፤ ቲቶ 1፥4። ዴማስ ኀደገኒ ወአፍቀሮ ለዝንቱ ዓለም ዘይእዜ ወሖረ ተሰሎንቄ ወቆሬቄስኒ ገላትያ ወቲቶ ድልማጥያ። 11#ቈላ. 4፥10-14፤ ፊል. 24፤ ግብረ ሐዋ. 12፥12-25፤ 15፥37-39። ሉቃስ ባሕቲቱ ምስሌየ ወአምጽኦ ምስሌከ ለማርቆስ እስመ ይበቍዐኒ ለመልእክት። 12ወፈነውክዎ ለጢኪቆስ ኤፌሶን። 13#ግብረ ሐዋ. 20፥6። ወፌሎነኒ ዘመጽሐፍ ዘኀደጉ በጢሮአስ ኀበ አክርጳ ተማላእ ምስሌከ አመ ትመጽእ ወዓዲ መጻሕፍተ ወረቀ። 14#1ጢሞ. 1፥20፤ መዝ. 28፥4፤ 2ሳሙ. 3፥39፤ ሮሜ 2፥6። እለ እስክንድሮስ ነሃቢ ብዙኀ ሣቀየኒ ባሕቱ ይፍድዮ እግዚአብሔር በከመ ምግባሩ። 15ወአንተኒ ወልድየ ተዓቀቦ እስመ ፈድፋደ ተቃወሞ ለነገርነ። 16#ግብረ ሐዋ. 7፥60። ወበቀዳሚ ነገርየ አልቦ ዘኀብረ ምስሌየ ዳእሙ ኵሎሙ ኀደጉኒ ወይስረይ ሎሙ ዘንተ። 17#ማቴ. 10፥19-40። እስመ እግዚአብሔር ቆመ ሊተ ወአጽንዐኒ ከመ ይእመኑ በስብከተ ዚኣየ ወይስምዑ ኵሎሙ አሕዛብ ከመ ድኅንኩ እምአፈ አንበሳ። 18#መዝ. 121፥7። ወያድኅነኒ እግዚአብሔር እምኵሉ ግብር እኩይ ወያሐይወኒ ውስተ መንግሥቱ ዘበሰማያት ውእቱ ዘሎቱ ስብሐት ለዓለመ ዓለም አሜን።
ማኅተመ መልእክት
19 #
ግብረ ሐዋ. 18፥2፤ 2ጢሞ. 1፥16-17፤ ሮሜ 16፥3። አምኅ ጵርስቅላ፥ ወአቂላ ወቤተ ሄኔሴፎሩ። 20#ግብረ ሐዋ. 19፥22፤ ሮሜ 16፥23፤ ግብረ ሐዋ. 20፥4፤ 21፥29። አርስጦስ ነበረ ቆሮንቶስ ወለጥሮፊሞስ ኀደግዎ በሀገረ መሊጡ ይደዊ። 21አስተፋጥን ትምጻእ ኀቤየ እምቅድመ ክረምት ይኤምኁከ ኤውግሎስ ወጱዴስ ወሊኖስ ወቀላውድያ ወኵሎሙ አኀዊነ። 22#ቲቶ 3፥5-6። ወእግዚእነ ኢየሱስ ክርስቶስ የሀሉ ምስለ መንፈስከ ወጸጋሁ ምስሌከ አሜን።
ተፈጸመት መልእክት ካልእት ኀበ ጢሞቴዎስ ወተጽሕፈት በሮሜ ወተፈነወት በእደ አንክሮሎስ።
ወስብሐት ለእግዚአብሔር አሜን።
Nke Ahọpụtara Ugbu A:
ኀበ ጢሞቴዎስ 2 4: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye