ኀበ ጢሞቴዎስ 2 3
3
ምዕራፍ 3
በእንተ ደኃሪ መዋዕል
1 #
1ጢሞ. 4፥1፤ ይሁዳ 18። ወዘንተ ባሕቱ አእምር ከመ በደኃሪ መዋዕል ይመጽኣ ዓመታት እኩያት። 2#ሮሜ 1፥29-31። ወይከውኑ ሰብእ መፍቀርያነ ርእሶሙ ባሕቲቶሙ ወመፍቀርያነ ፈጊዕ ወንዋይ ነባብያን ዓላውያን ዝኁራን ፅሩፋን ዐላውያነ አዝማዲሆሙ እለ አልቦሙ አኰቴት ወውፁኣን እምጽድቅ። 3እለ አልቦሙ ምሕረት ሥሑጻን ጸላእያነ ሠናይ። 4#ፊልጵ. 3፥19። ዝሉፋን ጽሉኣን እለ ያበድሩ ሐውዘ እምፍቅረ እግዚአብሔር። 5#ማቴ. 7፥15። ይትሜሰሉ ጻድቃነ ወይክሕድዎ ለኀይለ ጽድቅ ወለእለ ከመዝ ተገኀሦሙ። 6#ማቴ. 23፥14፤ ቲቶ 1፥11። እስመ እሙንቱ እለ ይትባውኡ አብያተ ሰብእ ወይፄውውዎን ለአንስት እለ ፅፉራት በኀጢአት ወያወርዳ ውስተ ብዙኅ ፍትወት። 7ወዘልፈ ይትጌሠጹ ወኢየአምርዋ ግሙራ ለጽድቅ። 8#ዘፀ. 7፥11። ከመ ኢያኔስ ወኢያንበሬስ እለ ተቃወምዎ ለሙሴ ከማሁ እሉሂ ይተቃወምዋ ለጽድቅ ሰብእ ሙሱናነ ልብ ወኑፉቃነ ሃይማኖት። 9ወባሕቱ ኢይትሌዐሉ እስመ ፈድፈደት እበዶሙ ወተዐውቀት ለኵሉ ከመ እበዶሙ ለእልክቱ ዓዲ።
በእንተ ተሊወ መምህራን
10ወአንተሰ ተለውከ ትምህርትየ ወተመሰልከ በግዕዝየ በዘመሀርኩከ በሃይማኖት ወበተስፋ ወበተፋቅሮ ወበትዕግሥት ወበኅድአት ወበተሰዶ ወበሕማም። 11ተአምር መጠነ ረከበኒ በአንጾኪያ ወበኢቆንያ ወበልስጥራን መጠነ ተዐገሥኩ ተሰዶ ወእምኵሉ አድኀነኒ እግዚአብሔር። 12#ማቴ. 16፥24፤ ግብረ ሐዋ. 14፥22። ወኵሎሙ እለ ይፈቅዱ ይሕየዉ በጽድቀ ኢየሱስ ክርስቶስ የሐምሙ። 13#1ጢሞ. 4፥1። ወሰብእሰ እኩያን ይትሌዐሉ ውስተ እንተ ተአኪ ወይስሕቱ ወያስሕቱ። 14#2፥2። ወአንተሰ ሀሉ በዘተመሀርከ ወተአመንከ። 15#ዮሐ. 5፥39። ተአምር በኀበ መኑ ተምህርከ እምንእስከ መጽሐፈ ቅዱሰ ዘይክል አሕይዎተከ በሃይማኖተ ኢየሱስ ክርስቶስ። 16#2ሳሙ. 23፥2፤ 2ጴጥ. 1፥19-21። ወኵሉ መጽሐፍ ዘበመንፈሰ እግዚአብሔር ተጽሕፈ ይበቍዕ ለኵሉ ትምህርት ወተግሣጽ ወአርትዖ ወጥበብ ወጽድቅ። 17#1ጢሞ. 6፥11። ከመ ይትገሠጽ ብእሴ እግዚአብሔር ውስተ ኵሉ ምግባረ ሠናይ።
Nke Ahọpụtara Ugbu A:
ኀበ ጢሞቴዎስ 2 3: ሐኪግ
Mee ka ọ bụrụ isi
Kesaa
Mapịa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye