Xo̱jo̱n Salmoo̱ 83
83
¡Ti̱ꞌincheje ji kondra̱jne̱!
Só xi katsꞌénda Asaa̱f.
1¡Ji Ne, ngata̱ xiójín mindyin Ji!
¡Ji Ne, chjáxꞌé Jí ndso̱ꞌbe, kó ndókjo̱e̱ Ji!
2Ngatꞌa̱ kꞌi̱e̱e̱ je kjima xa̱n xa̱n kondra̱a̱,
kó kui xi chꞌoo̱ ji, je ndyi̱kjininkꞌá to̱ko̱.
3Ndyi̱tsꞌènkjó cha̱n cha̱n ni xi ndyi̱ꞌbínda kondra̱a̱ xota̱ na̱xi̱ńdáa̱,
kó je índa ni xi ndajín xi sa̱ꞌínjo̱ xota̱ xi Ji tichìi̱n,
4kó ngaskande je bi̱ katsó:
Ndibájnú, kó si̱ꞌankjie, tsi̱ꞌe̱ nga nde ngiti̱ ingo na̱xi̱ńdá ka̱májín,
ko̱jo nga nginijánjín ko̱ndókjo̱a̱ ngase jaꞌeén xota̱ na̱xi̱ńdá Israee̱l.
5Ngatꞌa̱ ta̱ ngo ini̱ma̱ kamá nga kondra̱a̱ kisꞌińdoni,
kó kondra̱ tse̱ je índa ngo ni,
6kó ki̱a̱ kamátikó ki̱a̱ ndiꞌaa̱ xota̱ tji̱e̱e̱ Endoo̱n, ko̱jo xota̱ tji̱e̱e̱ Ismaee̱l,
ko̱jo xota̱ tji̱e̱e̱ Moaa̱b, ko̱jo xota̱ tji̱e̱e̱ Angaa̱r,
7ko̱jo xota̱ tji̱e̱e̱ Ngebaa̱l, ko̱jo xota̱ tji̱e̱e̱ Amoo̱n, ko̱jo xota̱ tji̱e̱e̱ Amalee̱k,
ko̱jo xota̱ Filisteaa̱, ko̱jo xota̱ na̱xi̱ńdáꞌniú Tiroo̱,
8ko̱jo xota̱ xi chji̱a̱ni nangi Asiriaa̱, ki̱a̱ nijan kamá kui xotaa̱ nga,
kó kuí boá xi tsjangaꞌniuú xota̱ tji̱e̱e̱ Loo̱t.
9Bo̱a̱ ti̱ꞌinje̱ Ji kui xotaa̱, xikó kiniꞌínje̱ Ji xota̱ tji̱e̱e̱ Mandiaa̱n,
ko̱jo xikó kiniꞌínje̱ Ji nda̱jun xi ꞌmí Sísaraa̱,
ko̱jo xikó kiniꞌínje̱ Ji nda̱ re Jabii̱n ki̱a̱ tꞌa ndejèꞌ Sisoo̱n.
10Kui xi kiniꞌánkjié ki̱a̱ nangi Endoo̱r,
kó ki̱a̱ kisꞌiyojo tꞌanangii̱, xikó maá yeꞌe.
11Bo̱a̱ ti̱ꞌinje̱ Ji xota̱ xi ngito̱ko̱o̱, xikó kiniꞌínje̱ Ji Oree̱b, ko̱jo See̱b,
ko̱jo xikó kiniꞌínje̱ Ji já ngito̱ko̱ xi ꞌmí Sebaa̱ ko̱jo xi ꞌmí Salmunaa̱,
12ngatꞌa̱ bi̱ katsó: Si̱ꞌantsa̱ñá kuí tꞌanangi nínga tjín ndi̱xcho̱o̱, kui xi tsi̱ꞌe̱ Néná.
13¡Ji Ne, ti̱ꞌin Ji nga ndyíkií ngatjíjo̱,
xikó má tsꞌén fíjo̱ tjo̱o̱ xka̱ kixií!
14Ti̱yítji̱ngíi̱ xikoó ndiꞌí xí tsꞌenkjié kꞌijñaá,
ko̱jo xikoó ndiꞌí xí tsꞌenkjié na̱xi̱i̱.
15Bo̱a̱ tsꞌén ti̱yítji̱ngìi̱ nga siꞌinkjìn Jí tjo̱ꞌniúu̱.
Tindyiendikíi̱n nga siꞌinkaꞌe Ji stsé xí ta̱nisién ꞌniuú.
16Tꞌíkitsie máa̱ kjo̱a̱soboá kje̱n,
tsi̱ꞌe̱ nga ko̱ngase Jaꞌée̱n. ¡Ji Ne!
17¡Ngatsjéni̱xtjin ti̱ꞌinkjeꞌe Ji kjo̱a̱soboá ko̱jo nda̱ ngatamaa̱!
¡Nga niꞌánni̱ma̱kjo̱a̱, kó nga niꞌánkjie,
18kó ngatamabe nga ta̱ Jí tsí, xi ꞌmií Néná,
ko̱jo nga Jí boá kui Néná xí tikón ndiꞌakꞌajmii̱,
xi tsꞌénbotixómaá ngayeje nga̱sondiee̱!
Nke Ahọpụtara Ugbu A:
Xo̱jo̱n Salmoo̱ 83: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014