Xo̱jo̱n Salmoo̱ 82
82
Néná boá ngo Ne xi kixi̱
Só xi katsꞌénda Asaa̱f.
1Néná boá xi tikóntjoón kui ngi̱ndie
nínga botíxoma xi tikón ki̱a̱ nkꞌajmii̱,
kó ngamasiee̱n ngayeje ne xi ki̱a̱ síndoo̱, kuí boá xi tsꞌénjeé:
2Ngaskande kjiꞌání nga to̱kó kixi̱jín si̱ꞌanjéjnúu̱ xotaa̱,
ko̱jo nga ta̱sá xota̱ xi ndajiín xi ko̱ꞌna̱xiéꞌájnú.
3¡ꞌNa̱xiéꞌájnú xota̱ xi jmí ngaꞌniújiín ko̱jo xi síndo xꞌi̱a̱a̱n!
¡Kixi̱ ti̱ꞌanjo̱jnú xota̱ xi ndasen síndoo̱,
ko̱jo xota̱ xi ni̱ma̱ nga jmíjiín to̱n!
4¡ꞌNa̱xiéꞌájnú xota̱ xi ndasen síndoo̱,
ko̱jo xota̱ xi ni chjieén!
¡Ti̱ꞌandéjnú ngi̱ya tsja xota̱ xi ꞌniú ndajiín!
5Ta̱nga jún jmí ni yajínjnú, ti̱nde mejénjínjnú nga ka̱makjínjnú,
to̱kó ki̱a̱ tima kichajájnú nínga jñoó,
kó kuí nii̱ xi tsꞌénkjátsié má ngindiee̱ tꞌanangii̱.
6Kó bi̱ kixianjnúꞌun: Jún boa xi Nejnú,
kó ngayeje jún boá xi ndií Néná xí tikón ndiꞌakꞌajmii̱,
7ta̱nga, ko̱yàjnú xikoó xota̱ nga̱sondiee̱,
ko̱jo xikoó ta̱ꞌya xota̱xání xi botixómaá.
8¡Ji Ne, ti̱sítji̱n Ji, kó Ji ti̱ꞌinjée̱ xota̱ nga̱sondiee̱,
ngatꞌa̱ Jí boá xi tse̱ ka̱ma ngayeje na̱xi̱ńdá xí tjiín!
Nke Ahọpụtara Ugbu A:
Xo̱jo̱n Salmoo̱ 82: MAIX
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014