Xo̱jo̱n Salmoo̱ 14

Xota̱ xi ndajiín tsꞌenchꞌó Néná

Só xi katsꞌénda Ndabii̱.

1Xota̱ xi kitikjo̱a̱a̱ bi̱ tsó nga chji̱a̱jo ini̱ma̱a̱: Jmí Nénájín.

Kui xotaa̱ jè jatson, kó ngayeje ni xi tsꞌén, ni xi chꞌo boá.

Nde ngojín xota̱ xi tsꞌén ni xi ndaa̱.

2Néná ndeskande ndiꞌakꞌajmii̱ askotsijee̱n xota̱ nga̱sondiee̱,

tsi̱ꞌe̱ nga sku̱i̱e̱ tsi ta̱ꞌaa̱ tjín ngo xota̱ xi makjiín, kó mongase Néná.

3Ta̱nga ngayejee̱ nga je kje̱ꞌe ndi̱yà kijí,

ngayejee̱ nga je jatson ini̱ma̱a̱.

Nde jmíjín xi tsꞌén ni xi ndaa̱, nde ngojín.

4A jmíjínrií kjo̱a̱niꞌánkjó ngayeje xota̱ xi tsꞌén ni xi ꞌniú ndajiín,

kui xi tsꞌenkjié nga kjinie xota̱ na̱xi̱ńdána, xikoó tsi pan xi ndyi̱kjinie,

kó a chji̱a̱jínrií Néná.

5Ki̱a̱ boá nínga kjo̱tsièndíkón májnú,

ngatꞌa̱ Néná kjo̱a̱ndaa̱ xota̱ tji̱e̱ xi kixi̱i̱ boá xi tikón.

6Akajnóchájnú ni xi mejeén sa̱ꞌín xota̱ ni̱ma̱a̱,

ta̱nga Néná boá xi koo̱n kui xotaa̱.

7¡Achichíra̱ ndakjiꞌi tsi ki̱a̱ na̱xi̱ńdáꞌniú Jerusale̱n kjo̱tjoni xi kꞌo̱xiéꞌá xota̱ Israee̱l!

Kjiꞌanga Néná sa̱ꞌíndé xota̱ na̱xi̱ńdaá kui xi tsangínjo̱ ꞌniuú,

achichí tsjá ka̱maa̱ xota̱ tji̱e̱e̱ Jakoo̱b, ko̱jo ngayeje xota̱ Israee̱l.

Nke Ahọpụtara Ugbu A:

Xo̱jo̱n Salmoo̱ 14: MAIX

Mee ka ọ bụrụ isi

Kesaa

Lee anya n'etiti ihe abụọ

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Amaokwu Akwụkwọ Nsọ Ndị Ama Ama siteré na
Xo̱jo̱n Salmoo̱ 14