Xo̱jo̱n Salmoo̱ 13

Tsitsíjinní, kó ndokjo̱e̱jení

Só xi katsꞌénda Ndabii̱.

1Ngaskande kjiꞌání Ji Ne.

Ngaskande kjiꞌání nga kꞌuiꞌmíní kje̱n ji.

A jè ngatsjéni̱xtjin nga si̱ꞌinchíyení.

2Ngaskande kjiꞌání nga nda̱ ka̱mana,

ko̱jo nga ndyiojón ndyiojón ndasen ka̱maa̱ ini̱ma̱na.

Ngaskande kjiꞌání nga to̱kó kondra̱na xi sa̱ꞌínna.

3¡Chꞌi̱e̱xki̱ní, kó ti̱ꞌinsénní Jí Ne xi tsa̱ꞌa̱n!

Te̱ꞌéndièní nga skuié an ni xi kjima, tsi̱ꞌe̱ nga ko̱yàjín an,

4kósꞌe̱ kondra̱na, bo̱a̱jín ka̱tso̱ nga kuí boá xi je katsꞌénna,

ti̱nde tsjajínngatamaa̱ kondra̱na tsi sti̱ngí an.

5Ngatꞌa̱ an, kjo̱a̱ni̱ma̱takóo̱n boá xi kjimaꞌniáko̱n an,

kó ini̱ma̱na achichí tsjá ka̱maa̱ kjo̱a̱a̱ kjo̱a̱ꞌnaxiéꞌáa̱.

6Néná boá xi sièe̱ só xi ndaa,

ngatꞌa̱ achichí ni xi nda je katsjána.

Nke Ahọpụtara Ugbu A:

Xo̱jo̱n Salmoo̱ 13: MAIX

Mee ka ọ bụrụ isi

Kesaa

Lee anya n'etiti ihe abụọ

Mapịa

Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye

Amaokwu Akwụkwọ Nsọ Ndị Ama Ama siteré na
Xo̱jo̱n Salmoo̱ 13