Chiinika 35
35
1Moab peelim kpiemu ale moata Jodan benni kauk kuui ale tuk Jeriko la, Naawen a yaa biisi ale Moosis ayen, 2<<Weeni Izirali demma ayen ba te Livaima tɛŋsa a ta nyini ba nitalimu po ate ba mɛ a boro. Abe ni te ba tɛŋ sii ale ta wuuk a gilim ba boka jigini la. 3Ate dila ale basi ate ba ta tɛŋsa a bo si po abe si ta wuuk a te ba niiŋa ale ba duŋ buulimu ale duŋ yoŋsa meena.
4<<Tɛŋ sii ale ta wuuk a gilim tɛŋsaŋa ate ni te Livaima ale teeri a cheŋ paari anamagib tusa ŋaye (2,000) zaani tɛŋka parisaŋa a ta cheŋ. 5Tɛŋka peelim geŋsa magsi anamagib tusa ŋanaansi (4,000) a nyini kori geŋsa, abe anamagib tusa ŋanaansi (4,000) a nyini yeseoku geŋsa abe anamagib tusa ŋanaansi (4,000) me yeniŋka abe anamagib tusa ŋanaansi (4,000) a nyini wiilukku geŋsa ate tɛŋka a bo suŋsuŋ. Ba le ta si dɛ kama ase tɛŋ sii ale ta wuuk ba tɛŋsaŋa po la.
6<<Tɛŋsaŋa ate ni te Livaima la po siyuebi ale si chim sukka jigi, kauk kuui ate waai a dan ko nuru abe wa chali cheŋ dula. Ni maa gum tɛŋsa pisinaansi ale siye du a te ba. 7Fi dan pai si meena a gum chaab, ku a fɛ ate ni te Livaima ka tɛŋsa pisinaansi ale naaniŋ a gum chaab ale tɛŋ sii ale ta wuuk a magsi ba tɛŋsaŋa la. 8Tɛŋsaŋa ate ni te Livaima la a ta nyini tɛŋka ate Izirali demma a ta la a magsi ni lab chari dɔkdemma meena ase nitalim la. Tuesi tɛŋ boari a ta nyini buuri dii ale ta tɛŋsa nna yegayega la jigi, abe fi tuesi maga a nyini baai tɛŋsa ale kan soa diila jigi.>>
9Naawen a yaa weeni Moosis ayen, 10<<Biisi a te Izirali demma a weeni ba ayen, <Ase ni dan lo Jodan benni a jueli Keenan tɛŋka po, 11ni lueri tɛŋsa gela ate sila a chim sukka jigi ate waai a dan kan potim seba ale ko nuru a chali ga dula. 12Tɛŋ sila ale chim ka suka jigi ate kotundɔ a kan nya wa, ate dila basi ate waai ale kan potim seba ale ko la kan kpi, ka wa nin zaani tigsuŋku niŋ ate ba nya wa wanni zuk. 13Tɛŋsa siyuebiwa ate ni a te la ale chim ka sukka jigi a te ni. 14Jodan benni kauk kude ni te ba tɛŋsa sita abe ni te ba sita me Keenan tɛŋka po ase sukka jigi la. 15Tɛŋsa siyuebiwa de ale chim ka sukka jigi a te Izirali demma ale nichamma ale nuru yontaŋa ale maa bo ale ba la, ate waai ale kan seba ale ko nuru la a chali cheŋ dula.
16<< <Alege nuru a dan nak waai ale kutuk ate wa kpi, wa ka nuru koorik, nuru koorika ku a fɛ ate ba ko wa mɛ. 17Yaase nuru a ta tintain wa nisima po ate di baga a ko, ate wa pai di a ko nuru, wa ka nuru koorik ku a fɛ ate ba ko nuru wala me. 18Yaase nuru waai a dan ta diok wa nisima po ate ku baga a ko nuru, ate wa nak waai ate wa kpi, wa ka nuru koorik, ku a fɛ ate ba ko nuru koorika. 19Kotundɔ a baga a ko nuru koorika de ase wa nin nya wa, ku a fɛ ate wa ko wa. 20Ase waai a dan potim seba ale pai jaab a chub nuru yaase wa pai jaab a yuk nuru ate wa kpi 21yaase fi dan ka a yaali waai wari ya a nak wa ate wa kpi, nuru wala ku a fɛ ate ba ko wa, wa ka nuru koorik. Kotundɔwa ku a fɛ ate wa ko nuru koorika ase wa nin tu wa.
22<< <Alege waai a dan kan kisi nuru a chub wa yaase wa an potim seba ale yuk wa ko ya 23yaase wa an nya wa a pai tain a lɔnsi wa zuk ate di baga a ko wa, ase wa le kan da wa dachiak alege wa bi an poli ka biem la, 24tigsuŋku a bo koorɔwa ale kotundɔ buusa a nya ase ka ba wana ale kaasi a ta va sinsaŋŋa de. 25Ku a fɛ ate tigsuŋku a vari waai ale kan potim seba ale ko la kotundɔwa nisa po a basi, ate tigsuŋku ta wa cheŋ sukka jigini ate wa chali cheŋ la. Ku a fɛ ate wa bo dula jigini a ta ga paari diipo ate kaabteerɔ kpioŋku ale kpi la, waai ate ba pai tuilum kpaam a kpiiri wa zuk a bobi wa la.
26<< <Ase waai ale kan potim seba ale ko la a dan nyini tɛŋ kaai ate wa chali a ga suk ka po la a nyini 27ate kotundɔwa a nya wa peelim, kotundɔwa a baga a ko waai ale kan potim seba ale ko la kama, wa an nye a kaasi ase nuru koorik la. 28Waai ale kan potim seba ale ko la a magsi wa bo sukka jigini kama ate ku paari diipo ate kaabteerɔ kpioŋku ale kpi la, kaabteerɔ kpioŋku kummu ŋaaŋnyiŋ wa baga ŋmani a cheŋ wadek nitalimu jigi kama.
29<< <Ŋade ka ŋmarisika buusa a magsi ni a va ŋa ni gaŋsaŋa meena ale bo ŋaaŋ cheen la kauk kuui meena ate ni boro la.
30<< <Nuru waai ale a ko nuru la, ba le ko wa ase ka nuru koorik la, ase seerɔba a nin biisi. Alege ni kan ko waai ate nuru yeŋ a chim wa seerɔ la.
31<< <Kan tuesi ligra abe fi basi nuru koorika waai ale magsi wa kpi la, ku a fɛ ate ni ko wa.
32<< <Kan tuesi ligra a ta nyini waai ale chali cheŋ tɛŋ kaai ate ba a suk la abe fi basi ate wa ŋman cheŋ wadek tɛŋka a boro a paari diipo ate kaabteerɔ kpioŋku a kpi la.
33<< <Kan taŋ tɛŋ kaai ate ni boro la, ziim a taŋ ka tɛŋ, biem duisi basika abe kan baga a nye a te tɛŋ kaai ate ziim a nyini ka zuk la, se ka waai dek ale basi ate ziimu a nyini la ziimu. 34Kan taŋ tɛŋ kaai ate fi boro la ale kauk kuui ate mi a boro la, ale Mi Naawen a bo ale ka Izirali demma.> >>
Nke Ahọpụtara Ugbu A:
Chiinika 35: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Chiinika 35
35
1Moab peelim kpiemu ale moata Jodan benni kauk kuui ale tuk Jeriko la, Naawen a yaa biisi ale Moosis ayen, 2<<Weeni Izirali demma ayen ba te Livaima tɛŋsa a ta nyini ba nitalimu po ate ba mɛ a boro. Abe ni te ba tɛŋ sii ale ta wuuk a gilim ba boka jigini la. 3Ate dila ale basi ate ba ta tɛŋsa a bo si po abe si ta wuuk a te ba niiŋa ale ba duŋ buulimu ale duŋ yoŋsa meena.
4<<Tɛŋ sii ale ta wuuk a gilim tɛŋsaŋa ate ni te Livaima ale teeri a cheŋ paari anamagib tusa ŋaye (2,000) zaani tɛŋka parisaŋa a ta cheŋ. 5Tɛŋka peelim geŋsa magsi anamagib tusa ŋanaansi (4,000) a nyini kori geŋsa, abe anamagib tusa ŋanaansi (4,000) a nyini yeseoku geŋsa abe anamagib tusa ŋanaansi (4,000) me yeniŋka abe anamagib tusa ŋanaansi (4,000) a nyini wiilukku geŋsa ate tɛŋka a bo suŋsuŋ. Ba le ta si dɛ kama ase tɛŋ sii ale ta wuuk ba tɛŋsaŋa po la.
6<<Tɛŋsaŋa ate ni te Livaima la po siyuebi ale si chim sukka jigi, kauk kuui ate waai a dan ko nuru abe wa chali cheŋ dula. Ni maa gum tɛŋsa pisinaansi ale siye du a te ba. 7Fi dan pai si meena a gum chaab, ku a fɛ ate ni te Livaima ka tɛŋsa pisinaansi ale naaniŋ a gum chaab ale tɛŋ sii ale ta wuuk a magsi ba tɛŋsaŋa la. 8Tɛŋsaŋa ate ni te Livaima la a ta nyini tɛŋka ate Izirali demma a ta la a magsi ni lab chari dɔkdemma meena ase nitalim la. Tuesi tɛŋ boari a ta nyini buuri dii ale ta tɛŋsa nna yegayega la jigi, abe fi tuesi maga a nyini baai tɛŋsa ale kan soa diila jigi.>>
9Naawen a yaa weeni Moosis ayen, 10<<Biisi a te Izirali demma a weeni ba ayen, <Ase ni dan lo Jodan benni a jueli Keenan tɛŋka po, 11ni lueri tɛŋsa gela ate sila a chim sukka jigi ate waai a dan kan potim seba ale ko nuru a chali ga dula. 12Tɛŋ sila ale chim ka suka jigi ate kotundɔ a kan nya wa, ate dila basi ate waai ale kan potim seba ale ko la kan kpi, ka wa nin zaani tigsuŋku niŋ ate ba nya wa wanni zuk. 13Tɛŋsa siyuebiwa ate ni a te la ale chim ka sukka jigi a te ni. 14Jodan benni kauk kude ni te ba tɛŋsa sita abe ni te ba sita me Keenan tɛŋka po ase sukka jigi la. 15Tɛŋsa siyuebiwa de ale chim ka sukka jigi a te Izirali demma ale nichamma ale nuru yontaŋa ale maa bo ale ba la, ate waai ale kan seba ale ko nuru la a chali cheŋ dula.
16<< <Alege nuru a dan nak waai ale kutuk ate wa kpi, wa ka nuru koorik, nuru koorika ku a fɛ ate ba ko wa mɛ. 17Yaase nuru a ta tintain wa nisima po ate di baga a ko, ate wa pai di a ko nuru, wa ka nuru koorik ku a fɛ ate ba ko nuru wala me. 18Yaase nuru waai a dan ta diok wa nisima po ate ku baga a ko nuru, ate wa nak waai ate wa kpi, wa ka nuru koorik, ku a fɛ ate ba ko nuru koorika. 19Kotundɔ a baga a ko nuru koorika de ase wa nin nya wa, ku a fɛ ate wa ko wa. 20Ase waai a dan potim seba ale pai jaab a chub nuru yaase wa pai jaab a yuk nuru ate wa kpi 21yaase fi dan ka a yaali waai wari ya a nak wa ate wa kpi, nuru wala ku a fɛ ate ba ko wa, wa ka nuru koorik. Kotundɔwa ku a fɛ ate wa ko nuru koorika ase wa nin tu wa.
22<< <Alege waai a dan kan kisi nuru a chub wa yaase wa an potim seba ale yuk wa ko ya 23yaase wa an nya wa a pai tain a lɔnsi wa zuk ate di baga a ko wa, ase wa le kan da wa dachiak alege wa bi an poli ka biem la, 24tigsuŋku a bo koorɔwa ale kotundɔ buusa a nya ase ka ba wana ale kaasi a ta va sinsaŋŋa de. 25Ku a fɛ ate tigsuŋku a vari waai ale kan potim seba ale ko la kotundɔwa nisa po a basi, ate tigsuŋku ta wa cheŋ sukka jigini ate wa chali cheŋ la. Ku a fɛ ate wa bo dula jigini a ta ga paari diipo ate kaabteerɔ kpioŋku ale kpi la, waai ate ba pai tuilum kpaam a kpiiri wa zuk a bobi wa la.
26<< <Ase waai ale kan potim seba ale ko la a dan nyini tɛŋ kaai ate wa chali a ga suk ka po la a nyini 27ate kotundɔwa a nya wa peelim, kotundɔwa a baga a ko waai ale kan potim seba ale ko la kama, wa an nye a kaasi ase nuru koorik la. 28Waai ale kan potim seba ale ko la a magsi wa bo sukka jigini kama ate ku paari diipo ate kaabteerɔ kpioŋku ale kpi la, kaabteerɔ kpioŋku kummu ŋaaŋnyiŋ wa baga ŋmani a cheŋ wadek nitalimu jigi kama.
29<< <Ŋade ka ŋmarisika buusa a magsi ni a va ŋa ni gaŋsaŋa meena ale bo ŋaaŋ cheen la kauk kuui meena ate ni boro la.
30<< <Nuru waai ale a ko nuru la, ba le ko wa ase ka nuru koorik la, ase seerɔba a nin biisi. Alege ni kan ko waai ate nuru yeŋ a chim wa seerɔ la.
31<< <Kan tuesi ligra abe fi basi nuru koorika waai ale magsi wa kpi la, ku a fɛ ate ni ko wa.
32<< <Kan tuesi ligra a ta nyini waai ale chali cheŋ tɛŋ kaai ate ba a suk la abe fi basi ate wa ŋman cheŋ wadek tɛŋka a boro a paari diipo ate kaabteerɔ kpioŋku a kpi la.
33<< <Kan taŋ tɛŋ kaai ate ni boro la, ziim a taŋ ka tɛŋ, biem duisi basika abe kan baga a nye a te tɛŋ kaai ate ziim a nyini ka zuk la, se ka waai dek ale basi ate ziimu a nyini la ziimu. 34Kan taŋ tɛŋ kaai ate fi boro la ale kauk kuui ate mi a boro la, ale Mi Naawen a bo ale ka Izirali demma.> >>
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation