Chiinika 36
36
1Dɔkdem kpaga ŋaai ale nyini Gilead yezukku la, ate Gilead a chim Makir nidoabili la ate Makir a chim Manasa nidoabili la, ate ba nyini Josefi ŋaaŋbisaŋa yezuimaŋa la, a yaa jam biisi ale Moosis ale niŋdeerɔma Izirali dɔkdemma kpaŋŋa. 2Ba weeni ayen, <<Ase Naawen ale weeni m nyɔnɔwa ayen wa nak gbaŋ la, wa weeni fu ayen fi pai ti suoku Zelofehad nitalimu a te wa liema. 3Yɔgyɔgla de ase ba nin yali nidoaba Izirali dɔkdem yoŋta, ba nitalimu ba le pai bu a ta nyini ti ŋiaka nitalimu po kama a ta ga gum dɔkdem baai ate ba yali la po. Ate nitalim buui ate tama soa la geli ale cheŋ jigi yoŋ. 4Ase Izirali demma Ŋmanpateka Beinni a dan paari, ba nitalimu ale gum chaab ale ka buui dii ate ba le yali la po ate ba ŋantaŋa ba le yeeri ba a ta nyini ba kokpieŋsaŋa buuni nitalimu po.>>
5Naawen ale weeni la, Moosis a yaa te Izirali demma wanni de ayen, <<Dii ate Josefi ŋaaŋbisaŋa a weeni la ka wensie. 6Di de ale Naawen a weeni te Zelofehad liema. Ba bag a yaali nuru waai meena ale a yɔk ba sue la kama ase ba nin yali ba kowa buuni po. 7Nitalim ka Izirali tɛŋka po a nyini dɔkdem mba jigi a taam mba jigi ya, Izirali denɔ meena a ta wa buuni po tɛŋka nitalimu ate wa kokpieŋsaŋa a soa la kama. 8Lie meena waai ale ta tɛŋ a nyini Izirali buuni po ase nitalim la, ku a fɛ ate wa yali nuru a nyini wa kowa buuni po, ate dila ale basi ate Izirali denɔ meena a tuesi wa koma nitalimu. 9Ni kan ta a nyini dɔkdemma de a ga dɔkdemma de, Izirali dɔk denɔ waai meena a ta tɛŋ kaai ate wa tuesi la.>>
10Dila nyiŋla Zelofehad liema a yaa nye dii ate Naawen a weeni Moosis la. 11Zelofehad liema Mala ale Tirza ale Yogla ale Milka ale Nowa a yaa yali ba kowa suok bisa. 12Ba jam yali ka Manasa Josefi dɔkku po, ate ba nitalimu a wari ba kowa dɔkku po.
13Suitaŋa de ale Naawen a ta va Moosis zuk a te Izirali demma Moab tɛŋka peelim kpiemu a moata Jodan benni kauk kuui ale tuk Jeriko la.
Nke Ahọpụtara Ugbu A:
Chiinika 36: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Chiinika 36
36
1Dɔkdem kpaga ŋaai ale nyini Gilead yezukku la, ate Gilead a chim Makir nidoabili la ate Makir a chim Manasa nidoabili la, ate ba nyini Josefi ŋaaŋbisaŋa yezuimaŋa la, a yaa jam biisi ale Moosis ale niŋdeerɔma Izirali dɔkdemma kpaŋŋa. 2Ba weeni ayen, <<Ase Naawen ale weeni m nyɔnɔwa ayen wa nak gbaŋ la, wa weeni fu ayen fi pai ti suoku Zelofehad nitalimu a te wa liema. 3Yɔgyɔgla de ase ba nin yali nidoaba Izirali dɔkdem yoŋta, ba nitalimu ba le pai bu a ta nyini ti ŋiaka nitalimu po kama a ta ga gum dɔkdem baai ate ba yali la po. Ate nitalim buui ate tama soa la geli ale cheŋ jigi yoŋ. 4Ase Izirali demma Ŋmanpateka Beinni a dan paari, ba nitalimu ale gum chaab ale ka buui dii ate ba le yali la po ate ba ŋantaŋa ba le yeeri ba a ta nyini ba kokpieŋsaŋa buuni nitalimu po.>>
5Naawen ale weeni la, Moosis a yaa te Izirali demma wanni de ayen, <<Dii ate Josefi ŋaaŋbisaŋa a weeni la ka wensie. 6Di de ale Naawen a weeni te Zelofehad liema. Ba bag a yaali nuru waai meena ale a yɔk ba sue la kama ase ba nin yali ba kowa buuni po. 7Nitalim ka Izirali tɛŋka po a nyini dɔkdem mba jigi a taam mba jigi ya, Izirali denɔ meena a ta wa buuni po tɛŋka nitalimu ate wa kokpieŋsaŋa a soa la kama. 8Lie meena waai ale ta tɛŋ a nyini Izirali buuni po ase nitalim la, ku a fɛ ate wa yali nuru a nyini wa kowa buuni po, ate dila ale basi ate Izirali denɔ meena a tuesi wa koma nitalimu. 9Ni kan ta a nyini dɔkdemma de a ga dɔkdemma de, Izirali dɔk denɔ waai meena a ta tɛŋ kaai ate wa tuesi la.>>
10Dila nyiŋla Zelofehad liema a yaa nye dii ate Naawen a weeni Moosis la. 11Zelofehad liema Mala ale Tirza ale Yogla ale Milka ale Nowa a yaa yali ba kowa suok bisa. 12Ba jam yali ka Manasa Josefi dɔkku po, ate ba nitalimu a wari ba kowa dɔkku po.
13Suitaŋa de ale Naawen a ta va Moosis zuk a te Izirali demma Moab tɛŋka peelim kpiemu a moata Jodan benni kauk kuui ale tuk Jeriko la.
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation