Kaabka 18
18
1Naawen yaa weeni Moosis ayen, 2<<Weeni Izirali demma ayen, <Mi ale Naawen ni Wenni. 3Ku a fɛ ate ni kan nye dii ate ba a nye Ejipiti ate ni jam boro la, abe ni kaa nye Keenan tɛŋka demma ale a nye dii ba tɛŋka po ate Mi a ta ni a cheen la. Ni kan va ba ŋmarisika ale ka diila. 4Ni a chali m buusaŋa abe ni kpesi a va m ŋmarisika. Mi ale Naawen ni Wenni. 5Ni chiib a ta m ŋmarisika ale m buusaŋa. Nuru waai ale ta tuwomma ale ŋa la ale vua a boro ŋa nyiŋ. Mi ale Naawen.
6<< <Waai a kan bobi wa mabiik a goa. Mi ale Naawen.
7<< <Kan goa ale fi ma. Ku a te fi kowa ka chivie. Wa ka fi ma, kan goa ale wa.
8<< <Kan goa ale fi mawa ŋaaŋchoa. Dila ale te fi kowa ka chivie.
9<< <Kan bobi fi tua a goa. Dan poom ka fi mawa ŋaaŋchoa lie yaase fidek tua. Ba biak wa yeri po yaase ba biak wa jigi yoŋ yoo, ka fi tua.
10<< <Kan goa ale fi biik lie yaase fi liewa lie. Dila ale te fu ka chivie.
11<< <Kan goa ale fi mawa ŋaaŋchoa lie. Ka fi kowa ale biak wa. Wa ka fi tua.
12<< <Kan goa ale fi kowa tua. Wa ka fi kowa tua.
13<< <Kan goa ale fi mawa suowa, dii nyiŋla wa ka fi mawa suok.
14<< <Kan cheŋ fi kowa suok pok jigi ayen fi goa ale wa, wa ka fi kowa suok ma.
15<< <Kan goa ale fi sampowa. Wa ka fi biik pok. Kan goa ale wa.
16<< <Kan goa ale fi suok powa. Dila ale te fi suoku ka chivie.
17<< <Kan goa ale nipok ale wa lie. Kan goa ale wa biik lie yaase wa lie lie. Ba meena ka wadek mabisa. Dila ka gaasa.
18<< <Kan faari fi pok suowa ate ba chim ŋaaŋchaaba. Kan goa ale wa alege ate fi powa a vua.
19<< <Kan ga nipok jigi ayen fi goa ale wa diipo ate wa a lo chiak a daŋ la.
20<< <Kan goa ale fi vaanchoa powa a taŋ fi dega.
21<< <Kan pai fi bisa a nye kaabka a te Molek. Ku ale kaasi ka fi Wenni yuei. Mi ale Naawen.
22<< <Kan goa ale nidoa ase ba ale a goa le nipok diila. Ku a kisi kama.
23<< <Kan goa ale duŋŋa a taŋ fi dega. Nipok mɛ a kan goa ale duŋŋa kula ka kaasuŋ.
24<< <Ni kan taŋ ni dega ale wieŋa de dii ya, dii nyiŋla tɛŋ sii dem ate m za m yiak alege a te nama la a taŋ badek ka dila. 25Tɛŋka mɛ a taŋ kama ate mi a namsika ka biemu nyiŋ, ate ka chiiri ka nuruma. 26Alege ku a fɛ ate nama a ta m ŋmarisika ale m buusaŋa. Tɛŋ demma ale nichamma ale bo ale ni la a kan nye kisuk wieŋa de dii ya. 27Wieŋa de meena ka nuru baai ale liŋ bo tɛŋka po alege nama la, ale nye ate tɛŋka a yaa taŋ. 28Nama abe dan taŋ tɛŋka, ka le chiiri ni ase ka le chiiri nuru baai ale liŋ bo ka po la.
29<< <Baai meena ale a nye kisuk wieŋa de la, ba yeeri ba a nyini ba nuruma po a nyini. 30Ni ta mi ale a yaali diila abe ni kan va kisuk wieŋa de ale ba ŋiak wieŋa ate ba a nye alege ate nama a jam la. Ni kan taŋ nidek ale ŋa. Mi ale Naawen ni Wenni.> >>
Nke Ahọpụtara Ugbu A:
Kaabka 18: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Kaabka 18
18
1Naawen yaa weeni Moosis ayen, 2<<Weeni Izirali demma ayen, <Mi ale Naawen ni Wenni. 3Ku a fɛ ate ni kan nye dii ate ba a nye Ejipiti ate ni jam boro la, abe ni kaa nye Keenan tɛŋka demma ale a nye dii ba tɛŋka po ate Mi a ta ni a cheen la. Ni kan va ba ŋmarisika ale ka diila. 4Ni a chali m buusaŋa abe ni kpesi a va m ŋmarisika. Mi ale Naawen ni Wenni. 5Ni chiib a ta m ŋmarisika ale m buusaŋa. Nuru waai ale ta tuwomma ale ŋa la ale vua a boro ŋa nyiŋ. Mi ale Naawen.
6<< <Waai a kan bobi wa mabiik a goa. Mi ale Naawen.
7<< <Kan goa ale fi ma. Ku a te fi kowa ka chivie. Wa ka fi ma, kan goa ale wa.
8<< <Kan goa ale fi mawa ŋaaŋchoa. Dila ale te fi kowa ka chivie.
9<< <Kan bobi fi tua a goa. Dan poom ka fi mawa ŋaaŋchoa lie yaase fidek tua. Ba biak wa yeri po yaase ba biak wa jigi yoŋ yoo, ka fi tua.
10<< <Kan goa ale fi biik lie yaase fi liewa lie. Dila ale te fu ka chivie.
11<< <Kan goa ale fi mawa ŋaaŋchoa lie. Ka fi kowa ale biak wa. Wa ka fi tua.
12<< <Kan goa ale fi kowa tua. Wa ka fi kowa tua.
13<< <Kan goa ale fi mawa suowa, dii nyiŋla wa ka fi mawa suok.
14<< <Kan cheŋ fi kowa suok pok jigi ayen fi goa ale wa, wa ka fi kowa suok ma.
15<< <Kan goa ale fi sampowa. Wa ka fi biik pok. Kan goa ale wa.
16<< <Kan goa ale fi suok powa. Dila ale te fi suoku ka chivie.
17<< <Kan goa ale nipok ale wa lie. Kan goa ale wa biik lie yaase wa lie lie. Ba meena ka wadek mabisa. Dila ka gaasa.
18<< <Kan faari fi pok suowa ate ba chim ŋaaŋchaaba. Kan goa ale wa alege ate fi powa a vua.
19<< <Kan ga nipok jigi ayen fi goa ale wa diipo ate wa a lo chiak a daŋ la.
20<< <Kan goa ale fi vaanchoa powa a taŋ fi dega.
21<< <Kan pai fi bisa a nye kaabka a te Molek. Ku ale kaasi ka fi Wenni yuei. Mi ale Naawen.
22<< <Kan goa ale nidoa ase ba ale a goa le nipok diila. Ku a kisi kama.
23<< <Kan goa ale duŋŋa a taŋ fi dega. Nipok mɛ a kan goa ale duŋŋa kula ka kaasuŋ.
24<< <Ni kan taŋ ni dega ale wieŋa de dii ya, dii nyiŋla tɛŋ sii dem ate m za m yiak alege a te nama la a taŋ badek ka dila. 25Tɛŋka mɛ a taŋ kama ate mi a namsika ka biemu nyiŋ, ate ka chiiri ka nuruma. 26Alege ku a fɛ ate nama a ta m ŋmarisika ale m buusaŋa. Tɛŋ demma ale nichamma ale bo ale ni la a kan nye kisuk wieŋa de dii ya. 27Wieŋa de meena ka nuru baai ale liŋ bo tɛŋka po alege nama la, ale nye ate tɛŋka a yaa taŋ. 28Nama abe dan taŋ tɛŋka, ka le chiiri ni ase ka le chiiri nuru baai ale liŋ bo ka po la.
29<< <Baai meena ale a nye kisuk wieŋa de la, ba yeeri ba a nyini ba nuruma po a nyini. 30Ni ta mi ale a yaali diila abe ni kan va kisuk wieŋa de ale ba ŋiak wieŋa ate ba a nye alege ate nama a jam la. Ni kan taŋ nidek ale ŋa. Mi ale Naawen ni Wenni.> >>
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation