Kaabka 19
19
1Naawen yaa weeni Moosis ayen, 2<<Biisi ate Izirali demma meena a weeni ba ayen, <Weeni Izirali demma meena ayen, <<Ni abe ta tuilum, dii la Mi Naawen ni Wenni ta tuilum kama.>> > >>
3<< <Waai meena a zuli wa ma ale wa ko. Abe ni a zuli M vuusumu daaŋa. Mi ale Naawen, ni Wenni.
4<< <Ni kan cheem va bɔgta yaase ni pai kuta a nye wena a te ni dega. Mi ale Naawen ni Wenni.
5<< <Ni daa kaab suiyɔgni tiirim a te Naawen, ni kaab suik kuui po ate mi ale tuesi ni nyiŋ. 6Ni ŋɔbi lammu kaabka danni yaase dai dii ale pai a saŋ la. Buui ale a tali daa ŋatawa danni la ni pai ju. 7Bu dan tali daa ŋatawa danni ate ni ŋɔbi bu, ni nye kaasi kama. M kan siagi. 8Waai dek ale a ŋɔbi la, M le yik wa a dari wa turi ku nyiŋ, dii nyiŋla wa an zuli jabuui ale ta tuilum a te Naawen la. Ku a fɛ ate ba yeeri wa a ta nyini wa nuruma po a nyini.
9<< <Ni dan boro a che yaase ni a ŋari ni kpanni ŋantaŋa ni kan paari kaduksaŋa kpeglimka yaase ni tigsi ŋan baai ale magsi yiisika la. 10Ni kan cheŋ kadukka po a tulim buye yaase ni gbesi yɔna ate ŋa gela a lo la. Ni basi a te ŋanjaksaŋa ale nichamma. Mi ale Naawen, ni Wenni.
11<< <Kan zu. Kan velimu. Kan paasi waai ya.
12<< <Ni kan pai mi yuenni a pɛ venta pɛka a kaasi ni Wenni yuei ya. Ka Mi ale Naawen.
13<< <Kan vari fi vaanchoa jaaboa. Fi dan pai waai ate wa tom te fu kan zɛri wa tuni ka. Kan te vari veenti.
14<< <Kan ka te tukpara nyɔnɔ yaase fi pai jaab a kasi yeo. Alege ni a chali ni Wenni. Ka Mi ale Naawen.
15<< <Ni a bo wensie buusa. Ni kan ŋmani a te ŋanjaksa, yaase ni a zuli nuru kpienta, alege ni a bo ni vaanchaab buusa a magsi.
16<< <Kan nyiem a kaasi nuruba yue nuruba po. Kan nye dii ale pai fi vaanchoa a nyo daanika po la, ka Mi ale Naawen.
17<< <Kan kisi fi mabiik fi suinum po. Toariŋ fi vaanchoa wensie toariŋka ate wa kaasuŋku kan maa chim fi kaasuŋ.
18<< <Kan pai biem a tuni waai ya, yaase fi ta chaab ale fi nuruma waai ya. Alege yaali fi vaanchoa ase fi ale a yaali fidek diila. Mi ale Naawen.
19<< <Ni ta m ŋmarisika. Ni kan basi ate duŋsa tɔgatɔga a jueli chaaba. Ni kan pai ŋanbuura tɔgatɔga buye a bori talim yeŋ po. Ni kan jo garuk tii ate ba pai garuk pala ŋaye a baali la.
20<< <Nuru waai a dan goa ale nipokbili waai ale ka yɔma ate ba puulim ayen ba pai te nuru yoŋ, alege ate ba an tuni wa nyiŋla, ku magsi namsika a boro kama alege ba kan ko ba. Dii nyiŋla wa diem ka yɔma. 21Nuruwa a ta padiak a jam Tuka Viuku nansuiŋku a magsi nyemagsika tiirim a te Naawen. 22Padiaka ale magsi nyemagsika tiirimu la, kaabteerɔwa ale nye biem duisi basika a te wa Naawen niŋ, wa le nye biemu la nyiŋ, ate wa nya vɔŋteka.
23<< <Ni dan jo tɛŋka po a vuk ti sii buuri ale ta yɔna la, ni a kisi si yɔnaŋa. Ni a kisi ate ku paari bena ŋata. Ni kan dɛ. 24Bein dii ale a saari ŋanaansiwa la, si yɔnaŋa a ta tuilum kama, ale chim pimpauk tiirim a te Naawen. 25Alege bein dii ale a saari ŋanuwa la ni yaa dɛ si yɔnaŋa. Suiku de po ni le gbesi piisi. Mi ale Naawen ni Wenni.
26<< <Waai a kan ŋɔbi lam ate ziim a bo bu po. Waai a kan tom sampoporinni yaase chichirik wiirisa tuima.
27<< <Waai a kan che wa zukku nakpaasaŋa, yaase wa poni wa teeŋka nakpaasaŋa.
28<< <Ni kan gebi ni nyiŋsaŋa a te kpio yaase ni ŋmarisi ni nyiŋsaŋa. Ka Mi ale Naawen.
29<< <Kan valiŋ fi lie a basi ate wa chim nidoa yaaliga. Kan daa di tɛŋka demma ale tulim va bɔgluk yoŋta ate gaasa a sueri tɛŋka po.
30<< <Ni a kpesi m vuusumu daaŋa abe ni a zuli m Tuka Viuku. Mi ale Naawen.
31<< <Ni kan tulim va sampoporinni yaase ni a gisi chichirik wiirisa. Ba le taŋ ni. Mi ale Naawen ni Wenni.
32<< <Ni dan bo ŋankpagsa suŋsuŋ ni a sak zuli abe ni a chali Wen. Mi ale Naawen.
33<< <Nichaanɔ a dan bo ni tɛŋka po ale ni, ni kaa nye wa gaasa. 34Nichaanɔwa ale bo ale ni la, ni a nye wa ase tɛŋ biik la. Ni a yaali wa ase nidek la, nama mɛ jam ka nicham Ejipiti tɛŋka. Mi ale Naawen ni Wenni.
35<< <Ni daa magsi jaab woglim yaase dobrim yaase piisika ni kan velimu. 36Ni pai ŋanmagsin maŋsa ale dobrim maŋsa ale boorik maŋsa ale chin maŋsa. Mi ale Naawen ni Wen dii ale ta ni nyini Ejipiti po a nyini la.
37<< <Ni ta m ŋmarisika ale m buusaŋa meena abe ni va ŋa. Mi ale Naawen.> >>
Nke Ahọpụtara Ugbu A:
Kaabka 19: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Kaabka 19
19
1Naawen yaa weeni Moosis ayen, 2<<Biisi ate Izirali demma meena a weeni ba ayen, <Weeni Izirali demma meena ayen, <<Ni abe ta tuilum, dii la Mi Naawen ni Wenni ta tuilum kama.>> > >>
3<< <Waai meena a zuli wa ma ale wa ko. Abe ni a zuli M vuusumu daaŋa. Mi ale Naawen, ni Wenni.
4<< <Ni kan cheem va bɔgta yaase ni pai kuta a nye wena a te ni dega. Mi ale Naawen ni Wenni.
5<< <Ni daa kaab suiyɔgni tiirim a te Naawen, ni kaab suik kuui po ate mi ale tuesi ni nyiŋ. 6Ni ŋɔbi lammu kaabka danni yaase dai dii ale pai a saŋ la. Buui ale a tali daa ŋatawa danni la ni pai ju. 7Bu dan tali daa ŋatawa danni ate ni ŋɔbi bu, ni nye kaasi kama. M kan siagi. 8Waai dek ale a ŋɔbi la, M le yik wa a dari wa turi ku nyiŋ, dii nyiŋla wa an zuli jabuui ale ta tuilum a te Naawen la. Ku a fɛ ate ba yeeri wa a ta nyini wa nuruma po a nyini.
9<< <Ni dan boro a che yaase ni a ŋari ni kpanni ŋantaŋa ni kan paari kaduksaŋa kpeglimka yaase ni tigsi ŋan baai ale magsi yiisika la. 10Ni kan cheŋ kadukka po a tulim buye yaase ni gbesi yɔna ate ŋa gela a lo la. Ni basi a te ŋanjaksaŋa ale nichamma. Mi ale Naawen, ni Wenni.
11<< <Kan zu. Kan velimu. Kan paasi waai ya.
12<< <Ni kan pai mi yuenni a pɛ venta pɛka a kaasi ni Wenni yuei ya. Ka Mi ale Naawen.
13<< <Kan vari fi vaanchoa jaaboa. Fi dan pai waai ate wa tom te fu kan zɛri wa tuni ka. Kan te vari veenti.
14<< <Kan ka te tukpara nyɔnɔ yaase fi pai jaab a kasi yeo. Alege ni a chali ni Wenni. Ka Mi ale Naawen.
15<< <Ni a bo wensie buusa. Ni kan ŋmani a te ŋanjaksa, yaase ni a zuli nuru kpienta, alege ni a bo ni vaanchaab buusa a magsi.
16<< <Kan nyiem a kaasi nuruba yue nuruba po. Kan nye dii ale pai fi vaanchoa a nyo daanika po la, ka Mi ale Naawen.
17<< <Kan kisi fi mabiik fi suinum po. Toariŋ fi vaanchoa wensie toariŋka ate wa kaasuŋku kan maa chim fi kaasuŋ.
18<< <Kan pai biem a tuni waai ya, yaase fi ta chaab ale fi nuruma waai ya. Alege yaali fi vaanchoa ase fi ale a yaali fidek diila. Mi ale Naawen.
19<< <Ni ta m ŋmarisika. Ni kan basi ate duŋsa tɔgatɔga a jueli chaaba. Ni kan pai ŋanbuura tɔgatɔga buye a bori talim yeŋ po. Ni kan jo garuk tii ate ba pai garuk pala ŋaye a baali la.
20<< <Nuru waai a dan goa ale nipokbili waai ale ka yɔma ate ba puulim ayen ba pai te nuru yoŋ, alege ate ba an tuni wa nyiŋla, ku magsi namsika a boro kama alege ba kan ko ba. Dii nyiŋla wa diem ka yɔma. 21Nuruwa a ta padiak a jam Tuka Viuku nansuiŋku a magsi nyemagsika tiirim a te Naawen. 22Padiaka ale magsi nyemagsika tiirimu la, kaabteerɔwa ale nye biem duisi basika a te wa Naawen niŋ, wa le nye biemu la nyiŋ, ate wa nya vɔŋteka.
23<< <Ni dan jo tɛŋka po a vuk ti sii buuri ale ta yɔna la, ni a kisi si yɔnaŋa. Ni a kisi ate ku paari bena ŋata. Ni kan dɛ. 24Bein dii ale a saari ŋanaansiwa la, si yɔnaŋa a ta tuilum kama, ale chim pimpauk tiirim a te Naawen. 25Alege bein dii ale a saari ŋanuwa la ni yaa dɛ si yɔnaŋa. Suiku de po ni le gbesi piisi. Mi ale Naawen ni Wenni.
26<< <Waai a kan ŋɔbi lam ate ziim a bo bu po. Waai a kan tom sampoporinni yaase chichirik wiirisa tuima.
27<< <Waai a kan che wa zukku nakpaasaŋa, yaase wa poni wa teeŋka nakpaasaŋa.
28<< <Ni kan gebi ni nyiŋsaŋa a te kpio yaase ni ŋmarisi ni nyiŋsaŋa. Ka Mi ale Naawen.
29<< <Kan valiŋ fi lie a basi ate wa chim nidoa yaaliga. Kan daa di tɛŋka demma ale tulim va bɔgluk yoŋta ate gaasa a sueri tɛŋka po.
30<< <Ni a kpesi m vuusumu daaŋa abe ni a zuli m Tuka Viuku. Mi ale Naawen.
31<< <Ni kan tulim va sampoporinni yaase ni a gisi chichirik wiirisa. Ba le taŋ ni. Mi ale Naawen ni Wenni.
32<< <Ni dan bo ŋankpagsa suŋsuŋ ni a sak zuli abe ni a chali Wen. Mi ale Naawen.
33<< <Nichaanɔ a dan bo ni tɛŋka po ale ni, ni kaa nye wa gaasa. 34Nichaanɔwa ale bo ale ni la, ni a nye wa ase tɛŋ biik la. Ni a yaali wa ase nidek la, nama mɛ jam ka nicham Ejipiti tɛŋka. Mi ale Naawen ni Wenni.
35<< <Ni daa magsi jaab woglim yaase dobrim yaase piisika ni kan velimu. 36Ni pai ŋanmagsin maŋsa ale dobrim maŋsa ale boorik maŋsa ale chin maŋsa. Mi ale Naawen ni Wen dii ale ta ni nyini Ejipiti po a nyini la.
37<< <Ni ta m ŋmarisika ale m buusaŋa meena abe ni va ŋa. Mi ale Naawen.> >>
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation