Kaabka 17
17
1Ate Naawen a yaa weeni Moosis ayen, 2<<Biisi ate Aaron ale wa nidoabilisaŋa ale Izirali demma meena a weeni ba ayen, <<Naawen ale weeni diila ale nna: 3Izirali demma waai a dan nye kaabka ale naab yaase posuk yaase buuk kauk kuui ate ba bo la yaase peelim, 4alege an ta jam Tuka Viuku nansuiŋku nɔi ayen ba nye kaabka a te Naawen viuku niŋ. Nuru wala ba a nya wa a se ka nuru koorik la. Wa ko ka nuru ate ku magsi ba yeeri wa a ta nyini nuruma po a nyini. 5Dila ale ku a sak Izirali demma ayen ba ta kaab sii ate ba a nye peelim la, ba magsi ba ta jam te ka kaabteerɔwa, ku a sak kama ayen ka Naawen ale soa. Ba ta va tuka viuku nansuiŋku nɔi nye ŋa kaabka a te ba ase suiyɔgni tiirita la. 6Kaabteerɔwa yaa le misi ziimu a basi Naawen kaabka kuŋkuŋku tuka viuku nansuiŋku nɔi abe wa yaa ju kpapalaŋa ase nyum buui ale masa la, a te Naawen. 7Ba kan ŋman nye kaabka ate bɔgta buuk kuui ate ba pai badek a te ku wieŋa la. Ŋmarisika de ale chim ka wa dii ate ni kasim va a cheŋ.>
8<<Abe fi yaa weeni ba ayen, <Nuru waai a dan nyini Izirali demma po yaase nichaanɔ a dan bo ale ba ate wa nye meena juka tiirim yaase kaabka, 9alege an ta jam tuka jigini viuku nansuiŋku nɔi a nye kaabka a te Naawen ba yeeri wa a ta nyini wa nuruma po nyini.
10<< <Izirali demma waai yaase nichaanɔ waai a dan bo ni po a dɛ ziim buuri meena, m sui ale puuri ale ku nyɔnɔwa waai ale dɛ ziimu la, mi ale yeeri wa a ta nyini wa nuruma po a nyini. 11Dii nyiŋla nyuvuri ale bo ziimu po ate mi a pai te ni ayen ni nye biem duisi basika a te nidek juka kuŋkuŋku zuk. Ka ziimu ale nye biem duisi basika a te nuru. 12Dila nyiŋ mi weeni Izirali demma ale nichamma ale bo po la kama ayen ba waai kan dɛ ziimoa.
13<< <Izirali denɔ waai yaase nichaanɔ waai a dan bo ni po a bari a yik duŋ yaase nuim ate ba a ŋɔbi bu, wa tɔgri ziimu a basi tɛŋ a chuiri tanta si bu. 14Dii nyiŋla javuk meena nyuvuri a bo ka ziimu po. Dila nyiŋ ate mi weeni Izirali demma ayen, fi an magsi ayen fi dɛ jaab ziimoa. Dii nyiŋla javuk meena nyuvuri ale wa ziimu. Waai ale a dɛ ziimu la ba yeeri wa a ta nyini nuruma po a nyini.
15<< <Nuru waai a dan ka tɛŋka denɔ yaase nichaanɔ a ŋɔbi jakpiuk yaase gɔi duŋsa a yik ka. Wa magsi wa sugri wa gattaŋa abe wa so wa nyiŋka ale nyiam wa daŋ kama a ga paari wen siŋka, ate wa nye cheri. 16Alege wa dan kan sugri wa gattaŋa ale m so ya. Wa le diem ta wa kaasuŋku kama.> >>
Nke Ahọpụtara Ugbu A:
Kaabka 17: BWU
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation
Kaabka 17
17
1Ate Naawen a yaa weeni Moosis ayen, 2<<Biisi ate Aaron ale wa nidoabilisaŋa ale Izirali demma meena a weeni ba ayen, <<Naawen ale weeni diila ale nna: 3Izirali demma waai a dan nye kaabka ale naab yaase posuk yaase buuk kauk kuui ate ba bo la yaase peelim, 4alege an ta jam Tuka Viuku nansuiŋku nɔi ayen ba nye kaabka a te Naawen viuku niŋ. Nuru wala ba a nya wa a se ka nuru koorik la. Wa ko ka nuru ate ku magsi ba yeeri wa a ta nyini nuruma po a nyini. 5Dila ale ku a sak Izirali demma ayen ba ta kaab sii ate ba a nye peelim la, ba magsi ba ta jam te ka kaabteerɔwa, ku a sak kama ayen ka Naawen ale soa. Ba ta va tuka viuku nansuiŋku nɔi nye ŋa kaabka a te ba ase suiyɔgni tiirita la. 6Kaabteerɔwa yaa le misi ziimu a basi Naawen kaabka kuŋkuŋku tuka viuku nansuiŋku nɔi abe wa yaa ju kpapalaŋa ase nyum buui ale masa la, a te Naawen. 7Ba kan ŋman nye kaabka ate bɔgta buuk kuui ate ba pai badek a te ku wieŋa la. Ŋmarisika de ale chim ka wa dii ate ni kasim va a cheŋ.>
8<<Abe fi yaa weeni ba ayen, <Nuru waai a dan nyini Izirali demma po yaase nichaanɔ a dan bo ale ba ate wa nye meena juka tiirim yaase kaabka, 9alege an ta jam tuka jigini viuku nansuiŋku nɔi a nye kaabka a te Naawen ba yeeri wa a ta nyini wa nuruma po nyini.
10<< <Izirali demma waai yaase nichaanɔ waai a dan bo ni po a dɛ ziim buuri meena, m sui ale puuri ale ku nyɔnɔwa waai ale dɛ ziimu la, mi ale yeeri wa a ta nyini wa nuruma po a nyini. 11Dii nyiŋla nyuvuri ale bo ziimu po ate mi a pai te ni ayen ni nye biem duisi basika a te nidek juka kuŋkuŋku zuk. Ka ziimu ale nye biem duisi basika a te nuru. 12Dila nyiŋ mi weeni Izirali demma ale nichamma ale bo po la kama ayen ba waai kan dɛ ziimoa.
13<< <Izirali denɔ waai yaase nichaanɔ waai a dan bo ni po a bari a yik duŋ yaase nuim ate ba a ŋɔbi bu, wa tɔgri ziimu a basi tɛŋ a chuiri tanta si bu. 14Dii nyiŋla javuk meena nyuvuri a bo ka ziimu po. Dila nyiŋ ate mi weeni Izirali demma ayen, fi an magsi ayen fi dɛ jaab ziimoa. Dii nyiŋla javuk meena nyuvuri ale wa ziimu. Waai ale a dɛ ziimu la ba yeeri wa a ta nyini nuruma po a nyini.
15<< <Nuru waai a dan ka tɛŋka denɔ yaase nichaanɔ a ŋɔbi jakpiuk yaase gɔi duŋsa a yik ka. Wa magsi wa sugri wa gattaŋa abe wa so wa nyiŋka ale nyiam wa daŋ kama a ga paari wen siŋka, ate wa nye cheri. 16Alege wa dan kan sugri wa gattaŋa ale m so ya. Wa le diem ta wa kaasuŋku kama.> >>
Nke Ahọpụtara Ugbu A:
:
Mee ka ọ bụrụ isi
Mapịa
Lee anya n'etiti ihe abụọ
Kesaa
Ịchọrọ ka echekwaara gị ihe ndị gasị ị mere ka ha pụta ìhè ná ngwaọrụ gị niile? Debanye aha gị ma ọ bụ mee mbanye
© 2023, Ghana Institute of Linguistics, Literacy and Bible Translation